Барта ГIала

Башня Согласия (Магас Тауэр)
	Достопримечательность
Башня Согласия (Магас Тауэр)
	Magas Tower Concord (англ.); Барта гӏала (инг.)
Паччахьалкхе	Россе Федераци
Пхье	Магас, ГӀалгӀайче
Архитектура стиль	ГӀалгӀай гӀалай архитектура
Проекта автор	С. Б. Ткаченко
Хьалйоттар	2012—2013 шераш
Лакхал	100 метр
Хьал	тӀехдика
	РУВИКИ.Медиа чура файлаш

Ба́рта ГӀа́ла (эрс: Башня согласия) — 2013-ча шера Магас пхье юкъерча бӀаьшерий гӀалал диазза лакхагӀа йолаш, хьалъетта лакха гӀишло я. Барта ГӀала лакхал я^[2]^[3] 100 метр. Цу тӀа хьалтӀавала километр никъ бе беза пандуса тӀагӀолла (лифт дац)^[2].Из ГӀалгӀай мехка эггара лакхагӀйола гӀишло я, иштта Къулбаседа Кавказе лакхагӀйола гӀала а я.

Тархьар

Барта ГӀала йоттар. 2013-ча шера маьтсела бутт

Дукха хана денз хьадоагӀ гӀалгӀай тайпаш шоай [гӀалаш йолаш. Тайпан гӀала боккха цӀен оагӀув хиннаб. Барта гӀала цхьан тайпан гӀала яц, из дерригача тайпай барт беш етта гӀала я.

Проект кхоачашъеш ший кисарча ахчах дакъа лаьцар ва цӀихеза бизнесмен, меценат Харсенаькъан Ӏалихан^[1]. ГӀала йотта йолаяьй 2012-ча шера. Йоттаргахьа кхоачашдаьд шира Ӏадат: из етта йистеяьккхай 365 дийнахьа. Хьалъетта йистеяьннай 2013-ча шера.

Чура тоаеш, къахьегаш хиннаб мехкара суртанчаш. Цар сурташка дийхкад гӀалгӀай мифологе цӀихезача турпалий аматаш — Колой КӀанта, Сеска Солсий, шумерий, сарматий. Иштта Кавказ хьаяккхарах (1942—1943), ГӀалгӀайи нохчийи мехках бахарах дола сурташ а го йиш я хьалтеха доахкаш. КӀаларча гӀата тӀа ширача хана хиннача тайпара кийчъяьй моттиг^[4].