Батайнаькъан Хьусена Хьава

Батайнаькъан Хьусе́на Хьава́
Батайнаькъан Хьусе́на Хьава́
	эрс: Батаева Хава Хусеновна
Яь таьрахь	3 аьтинга 1958 (68 шу)
Яь моттиг	Казахий АССР[d], РСФСР, СССР;
БӀорахол	СССР → Россе Федераци
Леладу гӀулакх	хоамбоаржабархо
СовгӀаташи премеши

Батайнаькъан Хьусе́на Хьава́ (эрс: Батаева Хава Хусеновна; 3 аьтинга 1958, Казахий АССР^[d]) — гӀалгӀай хоамбоаржабархо, паччахьалкхен телерадиокомпане «ГӀалгӀайче» болхло я. Эрсечен хоамбоаржабархой юкъарлон доакъашхо я. ГӀалгӀай Мехка дукха дика хӀамаш карагӀдийна товшхала болхло я.

Биографи

Батайнаькъан Хьава яьй Казахий АССРе 1958-ча шера аьтинга бетта 3-ча дийнахьа. Духхьашха деша яхай Йоккхача Ачалкхерча № 17 йолча ишколе. Ишкол яьккхачул тӀехьагӀа деша эттай Буро тӀарча культпросфет училище.

1985-ча шера денз 1992-ча шерага кхаччалца из болх беш хиннай ГӀалме шахьара «Ленинское знамя» яхача редакцена чуйоагӀача «Ленина байракх» яхача газета редакце. Цу хана цун редактор хиннав Осменаькъан Сосе Хьамзата воӀ Микаьил.

Цу шерашка хала дар эрсий меттала дола йоазув гӀалгӀай меттала даккха ховш вола говзанча лаха. Цу юкъа газете таржамхо лохаш бар. Газета кулгалхочо цу дарже болх бе йийхар со, гӀалгӀай мотт дика хов аьнна, хеза. Болх дукха бар, цудухьа къахьега атта дацар. ВӀалла карагӀдаргдоацаш санна хеталора, хӀаьта а со юхаялацар, сай дего баь хоржам боландаь. Цхьа йолча хана цӀагӀа дора аз таржамаш, цхьаккха гӀар йоацача метте уйла аттагӀа юлалундаь. Берригаш Ӏобийшачул тӀехьагӀа йолалора со тӀатеӀӀа болх бе. ДагадоагӀа сона, зӀамига герга истол дар тха. Цу тӀа болх беш чӀоагӀа паргӀата хетар сона. Ах бийса яллалца ягӀар дукхагӀйолча хана.
— дувц Хьавас

Цул тӀехьагӀа цох хиннай газета ответственни секретарь.

СОАССР парте Обкома хьожаярца из деша яхай Нохч-ГӀалгӀай паччахьалкхен университете. Из цо заочно дийша йистеяьккхай 1993-ча шера. 1992-ча шера вӀалла дагадоацар нийсденнад цун вахаре. 1992-ча шера из яхача моттигах яьнна ца Ӏеш, цул совгӀа вахарах йоаллачара яьннай. Буро тӀа хӀираша карбигарашта юкъе хиннай Хьава. ДӀахо дӀайодача хана яха моттиг лаха йийзай, керда кхуврче кхолла.

1996-ча шера денз 1999-ча шерага кхаччалца Хьавас болх баьб «Сердало» газета редакце. 1999-ча шера денз из болх беш я ГӀалгӀай паччахьалкхен телерадиокомпане «ГӀалгӀайче»^[1].

Цун передачаш: «С телекамерой по республике», «Даькъасте», «ГӀалгӀай мотт»^[2], «Тема дня», «Дега йӀовхал», «Ветераны», «Заман хувцамаш» (шоу), «Вай Ӏадаташ» (шоу), «ЛоархӀаме къамаьл».

1988-ча шера денз Эрсечен хоамбоаржабархой юкъарлонна юкъе я Батайнаькъан Хьава.

СовгӀаташ

• ГӀалгӀай Мехка дукха дика хӀамаш карагӀдийна товшхала болхло (2003 шу);
• «КарагӀдаьннарех» орден (2008 шу);
• «Александр Невский» II даржа орден (2024);
• «Сердало» газета 100 шу дузаш енна мейдилг (2023 шу);
• «ГӀалгӀай паччахьалкхен 100 шу дузаш» мейдилг (2024 шу).

Белгалдаккхар

ТӀатовжамаш

Олиганаькъан Р. В творчестве нет проторенных дорожек (эрс.) // «Сердало» : газет. — 2022. — 8 декабря.

[_bb5e160715fa5f4b-1] Олиганаькъан Р., 2022.

[2] «ГӀалгӀай мотт»

[1]

[2]