Коача тӀехкий гом
ГидротӀехкий гом е коача тӀехкий гом (ба) яхар цхьадолча дийнатий бола тӀехкий гом. Масала, паразиташ йолча гергача нӀаний ба гидротӀехкий гом. Цар дегӀ даьсса гали санна да, чухье хиво (коачало) юз, хӀаьта цу «гале» пенаш пхьидий мазех даь да. Пхьидий мазаша из хий Ӏоткъам а беш теӀаду, цудухьа мӀаьда а йоацаш, дегӀа кеп ондо́ хул.
Коача тӀехкий гом ба дукхача кӀаьда дегӀ долча дийнатий хул (нӀаний, актиний, фордниттий).
Болх бара принцип
КӀаьда дегӀ долча дийнатий чухьа коачал я пхьидех латтача дегӀа пе́нашка. Цу коачало пхьидашта Ӏоткъам лоаттабу, хӀаьта вожаш цу Ӏоткъама́ духьале а еш етталуш хул. Пхьидаш цхьа моллагӀа йолча структураш дӀатӀачӀоагӀъенна яц, цудухьа лоацъенначул тӀехьагӀа пхьидаш шоайла дӀахьа мара о́зайиц. Дийнат къаьсттабола боарами кепи болаш хул цхьан оагӀорахьа чурча коачала Ӏоткъам бахьан долаши, во́кх оагӀорахь лоацлуш йола пхьидаш бахьан долаши.
ДукхагӀа йолча хана пхьидий мазаша ши боал хьабу: дӀоахаллеи, гергаллеи. Болам хьахул цу боалаша антагонисташ йолаш болх барах.
Сегменташта декъадаланза долча дийнатий пхьидаш лоацлуча хана коачала́ ӀотӀабохийташ бола Ӏоткъам дегӀа массадолча доакъошта ӀотӀабо́да. Сегменташта декъаденна долча дийнатий (Lumbricus terrestris — массаза хула догӀан нӀана мовь мо дараш) из эффект ший моттиг йолаш да, цудухьа къаьсттайола сегменташ мара болам беши кеп хувцалуш хилац.
Литература
- Kier, William M. The diversity of hydrostatic skeletons // The Journal of Experimental Biology. № 215. P. 1247—1257.