ГӀарбакханаькъан Лида

ГӀарбакханаькъан Лида
эрс: Горбакова Лидия Макшариповна
Яь таьрахь	9 тушола 1937(1937-03-09) (89 шу)
Яь моттиг	Дошлакъий-Юрт, Наьсарен шахьар, Нохч-ГӀалгӀай АССР
БӀорахол	СССР →  Россе Федераци
Леладу гӀулакх	йоазонхо,оазархо

ГӀарбакханаькъан Лида́, маьре яхалехьа Хамхой Макшари́па Лида (эрс: Горбакова Лидия Макшариповна) — гӀалгӀай Ӏилманхо-филолог, оазархо, ГӀалгӀай паччахьалкхен университета хьехархо я.

Биографи

Дешар

ГӀарбакханаькъан Лида яьй 1937-ча шера тушола бетта 9-ча дийнахьа Наьсарен шахьара Дошлакъий-Юрта Хамхой Макшарипа дезале. Из ворхӀ шу даланза йиӀиг хиннай, гӀалгӀай къам Сибаре Ӏодохийтача хана. 1957-ча шера ГӀалгӀай мехка юха цӀабаьхкаб Макшарипа дезал.

1957-ча шера Лида деша эттай Нохч-ГӀалгӀай хьехархой института гӀалгӀай мотти литературеи, эрсий мотти литературеи хьехача факультете. 1962-ча йистеяьккхай цо факультет, 1982-ча шера цунна тӀеххьа дийша йистеяьккхай хоамбоаржабархой факультет а.

Дийша яьнначул тӀехьагӀа цо балхаш даьд юкъерча ишколашка хьехархо йолаш, хьехархой болхговзал лакхъеча институте методисталла, Нохч-ГӀалгӀай паччахьалкхен университета филологен кафедра ассистенталла а. ГӀалгӀайченах къаьстта республика юха хьахинначул тӀехьагӀа, 1994—1995 шерашка Лидас болх бир Лоамарой кадетий корпусе методист а хьехархо а йолаш. 1995-ча шера денз ше яллалца цо къахьийгар ГӀалгӀай паччахьалкхен университете эрсий метта кафедран йоккхагӀа йола хьехархо йолаш.

Кхоллам

2009-ча шера арадаьлар «Обновление наших дней» яха книжка. Из бар Даьхенца, Ӏаламца, наьнаца, везачунца болча безама́ хетабаь бола байтий гуллам.

«Я вернусь» яха байт:

Раставшись с тобой, я не плачу
И не верю совсем в наш закат,
От тебя ухожу я в дорогу,
Это значит, вернусь я назад …

Белгалдаккхар

Литература

• Евлоева А. М., Мартазанова Х. М. ХӀанзара гӀалгӀай литература / Сост. проф. И. А. Дахкильгов. — Нальчик : Республиканский полиграфкомбинат им. Революции 1905 г., 2011. — 423 с.