Дзейтанаькъан Махьмад-Гире Тамерлан
| Зайтанаькъан Махьмад-Гире Тамерлан | |
|---|---|
| эрс: Дзейтов Тамерлан Магомед-Гиреевич | |
 | |
|
| |
 ГӀалгӀай Мехка товшхалеи архива гӀулакхеи министр
|
|
| 19.09.2019 — 03.02.2022 | |
| Президент | Келаматанаькъан Макшарипа Махьмуд-Ӏаьла |
| Хьалхахиннар | Байсаранаькъан Микаьил |
| ТӀехьахиннар | Лаьнанаькъан Исраила Залина |
|
|
|
| Ваьв |
30 кӀимарса 1963 (61 шу) Экажакъонгий-Юрт, Наьсарен шахьар, Нохч-ГӀалгӀай АССР, РСФСР, СССР |
| Дешар | Нохч-ГӀалгӀай товшхала-сердалон училище |
| Леладу гӀулакх | политик, артист, мукъамхо |
| БӀорахо хилар |
 СССР →  Россе Федераци |
Зайтанаькъан Мухьмад-Гире Тамерла́н (эрс: Дзейтов Тамерлан Магомед-Гиреевич) — 2019—2022-ча шерашка ГӀалгӀай Мехка товшхалеи архива гӀулакхеи министр, ГӀалгӀай Мехка Халкъа артист, Россе мукъамхой юкъарлон доакъашхо, Магасерча товшхала-технически юкъарчен кулгалхо, «Лоам» яха мукъама тоаба вӀашагӀйоллаш кертте лаьтта́р.
Биографи
Зайтанаькъан Тамерлан ваьв 1964-ча шера аьтинга бетта 22-ча дийнахьа Экажакъонгий-Юрта Зайтанаькъан Махьмад-Гире дезале. Цун ийс дезалхо хиннав. Тамерлана берал дӀадахад Грозне, цунга хьожаш хиннай наьн-нана. Тамерлана кхоллам болабеннаб № 49 ишколе, «Эдельвейс» яхача вокально-инструментальни ансамбле. ЦӀагӀарча наха къоабалдеш хиннадац артистал. БӀул кхоачашдеш волаш, цунна аьттув баьннаб ший говзал лакхъе а шаьръе а: цига из юкъевахав ЦӀеча Байракха Туркестански тӀема округа мукъама ансамбля[1].
БӀул кхоачашдаь цӀавеначул тӀехьагӀа Тамерлан деша эттав Нохч-ГӀалгӀай товшхала-сердалон училище. Из йистеяьккхачул тӀехьагӀа, 1987-ча шера, из вийхав Нохч-ГӀалгӀай паччахьалкхен филармоне йолча «Зама» яхача рок-тоабанна юкъе.
Ши шу даьнначул тӀехьагӀа Тамерлана вӀашагӀъеллай «Барт» яха мукъама тоаба. Доакъашхой цӀерий хьалхарча алапашта тӀагӀолла тилла хиннай тоабанна цӀи — Борис, Алик, Роман, Тимур. Цхьа ха яьннача гӀолла цо шоашта юкъевийхав цу хана ГӀалгӀайчен драмтеатра кулгалхо хинна Беканаькъан Мустафа. Театре цар хиннай «Середина пути» яхаш тоаба.
1993—2004 шерашка Тамерлан хиннав «Лоам» яхача товшхала центра кулгалхо. Цу шерашка цо йистеяьккхай Москвера паччахьалкхен товшхалеи искусствони университета эстрадан отделени.
|2005-ча шера из ший мехка цӀавенав, цу шера денз из кулгалдеш ва Магаса Товшхала-технически юкъарчен. Цига цо вӀашагӀъеллай «Город Солнца» яха тоаба.
Цо массаза тӀатеӀӀа болх баьб, цхьабакъда цун цӀихезай 90-ча шерашка, Россе а мехкал арахьа а «Лоам» ансамбль доакъашхошца цхьана концерташ телача хана. Новрбийнаькъан Русланацеи Беканаькъан ИбрахӀимацеи цох болх баь ха я из.
2019-ча шера тов бетта 19-ча дийнахьа Келматанаькъан Макшарипа Махьмуд-Ӏаьлий амарах Зайтанаькъан Тамерлан хьожаваьв ГӀалгӀайчен Товшхала министерствон кулгалхочулла. Из цу дарже хиннав 2022-ча шера саькура бетта 3-ча денга кхаччалца.
Цо кертте дакъа лаьцад «Лоамаш тӀара ӀокӀалденад дохк» («С высоких гор спускается туман») (1996), «Даьй Мохк» (2001) яха аудиоальбомаш арахецаш. ЦӀихезача иллешта юкъе да «Хьо сога кхайка»[2], «Гучаяла», «Лейла» «ДоттагӀчун каша тӀа», «Магас», «Асса» яха иллеш[3].
СовгӀаташ
• Дукха дика хӀамаш карагӀдийна артист (1998 шу)
• В. Пеленягрэ байташта мукъам язбарах "Песня года «Из ХХ в ХХI век» яхача телевизионни яхье лауреат (2001)
• ГӀалгӀайчен Халкъа артист (2002)
• «КарагӀдаьннарех» орден (2015)
Белгалдаккхар
ТӀатовжамаш
- Оздой Мадина. Он воспевает свой народ // «Ингушетия» : газет. — 2024. — 17 июля.
- Харсенаькъан Лилия. На пути к возвышенному // «Ингушетия» : газет. — 2019. — 22 июня.