США доллар
До́ллар (да) — Хеттача Америкерча штаташка леладеш дола ахча да, из дӀаехкача валюташта юкъе хьалхарча моттиге латт. 1 доллар 100 центов маьхе да. Ингалсий метта юкъе из $ хьаракаца белгалдоаккх. Хеттача Америкерча штаташка $ хьарак таьрахьа хьалха леладу. Валютай алалапашцара код: USD. Доллар арахецара бокъо кара я Федеральни тӀехьален системага (ингал: Federal Reserve System). Доллар къаман валюта йолаш лоархӀ иштта кхыча мехкашка а, масала, Марша́лла гӀайренашка, Сальвадоре. Дунен чу мел долча дохкара́-эцара́ юкъера 80 %-ал совгӀа долларга гӀолла хул[1].
ЦӀи хьахилара никъ
Доллар яха дош хьахиннад «Йоахимсталер» яхача дешах — Чехе доазон тӀа Яхимов яхача пхье ХVI бӀаьшере Йоахимсталь яхача дотув доаккхача моттига йисте арадувлаш хиннача, ахчий цӀи я из. Дуккха тӀехьагӀа дош лоацдаьд, талер яха дакъа мара ца дуташ. Из дош даний, свений ӀаьдалагӀа далер оалаш хувцаденнад, голландхой ӀаьдалагӀа даалдер хиннад, хӀабший ӀаьдалагӀа — талери, ингалсий меттала — доллари. Доллар яха ахчан цӀи хьоаяьй Шескпиро а 1603-1606 шерашка язбаьча ший кхоллама тӀа[2]
Белгалдаккхар
- ↑ Вьюгин Олег. Олег Вьюгин — Интервью — Эхо Москвы, 22.05.2014. Эхо Москвы. Хоам хьаийца таьрахь: 10.04.2020. Архиваци яьй 30.11.2020.
- ↑ Ask Us. // «Нэшнл Географик». — 2002. — № 6 (июнь). — С. 1