Дударанаькъан БатӀала Урусхан

Дуда́ранаькъан БатӀала Урусха́н
эрс: Дударов Урусхан Баталович
Ваь таьрахь	19 тушола 1939(1939-03-19) (87 шу)
Ваь моттиг	ТӀой-Юрт
БӀорахол	СССР →  Россе Федераци
Леладу гӀулакх	йоазонхо, оазархо
Кхолламий мотт	гӀалгӀай, эрсий

Дуда́ранаькъан БатӀала Урусха́н (эрс: Дударов Урусхан Баталович;) — оазархо, ГӀалгӀайчен йоазонхой юкъарлон доакъашхо, хьехархо, юрист, ГӀалгӀай Мехка Доалчен Орфографе комиссе доакъашхо.

Биографи

Дударанаькъан Урусхан ваьв 1939-ча шера тушола бетта 19-ча дийнахьа Нохч-ГӀалгӀай АССР ТӀой-Юрта. Пхи шу даьнна хиннав гӀалгӀай къам СибарегӀа Ӏодугача хана. 1952-ча шера из деша вахав Березовка яхача юртарча юкъерча ишколе, 1957-ча шера денз цо дӀахо дийшад Алматерча № 13 йолча юкъерча ишколе. 1957-ча шера ший мехка цӀавеначул тӀехьагӀа из деша эттав Нохч-ГӀалгӀай хьехархой институте тархьара-филологе факультете эрсий меттеи литературани, гӀалгӀай меттеи литературани отделене. Из цо йистеяьккхай 1962-ча шера. 1983-ча шера Урусхана дийша йистеяьккхай Ерригроссе юридически заочни институт (ВЮЗИ) юрист-правоведа говзалах.

Цул тӀехьагӀа из хиннав бӀул кхоачаш деш, цига цо яьхай эпсара кийчон курсаш яьхай, цул тӀехьагӀа, 1964-ча шера бекарга бетта юкъевахав КПССа́. ВоккхагӀвола лейтенант яха тӀема цӀи йолаш хиннав. 1964-ча шера денз 1976 шерага кхаччалца цо болх баьб ТӀой-Юртарча ишколе завуч волаш, цул тӀехьагӀа, 1976-ча шера денз 1985-ча шерага кхаччалца из хиннав ТӀой-Юртарча сельисполкома тхьамада. 1986-ча шера денз 2012-ча шерага кхаччалца Урусхана болх баьб ТӀой-Юртарча юкъерча ишколе директор волаш.

2001-ча шера денз 2007-ча шерага кхаччалца Оахарганаькъан ЧхьагӀий цӀерагӀа йолча Ӏилман-тохкама институте из Ӏилман болхло хиннав. 2009-ча шера экстенсивни гӀалгӀай-эрсий дошлорг оттадеш дакъа лоацаш хиннав. ГӀалгӀай Мехка Доалчен Орфографе комиссе доакъашхо ва. Иштта из ва ГӀалгӀай йоазонхой юкъарлон доакъашхо.

Кхоллам

• Баркал хьона, БӀаьсти (байташ), Наьсаре, 2005
• КӀеж йоаха вахар, Наьсаре (байташ), 2010
• Уйлай жовхьараш (байташ), Наьсаре,2013
• Са дега мерзаш (байташ), Наьсаре, 2014
• Са дог, са вахар, хьона ГӀалгӀайче (байташ), Нальчик, 2014
• Незабываемые воспоминания, Наьсаре, 2015

СовгӀаташ

• ЧИАССР Лакхехьарча Совета Президиума благодарность (1979)
• ГӀалгӀайчен Мехкдаь Сийлен грамота Дешара доазон тӀа дукхача шерашка хьинаре къахьегарахи дукха дика хӀамаш карагӀдаларахи (2012)
• Халкъа Гуллама Сийлен грамота (2006)
• ГӀалгӀа Мехка Дешара министерствон Сийлен грамота (2012)
• Россе Халкъа Просвещене тӀехдикавар (1995)

Белгалдаккхар

Литература

• Патиев Я. С. Писатели Ингушетии. — Ростов-на-Дону : Южный Издательский дом, 2015. — 185 с.