Дунен къамашта юкъера сихаоаларгий ди
| Дуне́н къамашта юкъера сихаоаларгий ди | |
|---|---|
| Тайпа | Дунен къамашта юкъера цӀей |
| Дезду |
 Россе Федераци |
| Таьрахь | лайчилла бетта шоллагӀча кӀирандийнахьа |
| Мишта дезду | сихаоаларгаш ховча наьха вIашагIкхетарашца |
| Ӏадат | мотт шаьрбар |
Дуне́н къамашта юкъера сихаоаларгий ди (эрс: Международный день скороговорок) — лайчилла бетта шоллагӀча кӀирандийнахьа дездеш дола цӀей да.
Тархьар
Сихаоаларгаш — цхьатарра хозача оазех латташ, сиха дӀаала говзал эшаш къаьстта вӀашагӀъехка предложенеш я. Баген маьженашта хало хул уж дӀаоалача хана. Сихаоаларгий тархьар ширача ханашкара доагӀа. МоллагӀча къаман багахбувцама юкъе кертерча доакъоех дакъа да сихаоаларгаш.
Эрсий меттагахьа эггара хьалхагӀа сихаоаларгаш хьоахаяьр ва багахбувцам гулабеш хинна, цӀихеза Ӏилманхо В. И. Даль[1].
ЦӀей дездеча хана сихаоаларгаш ховш бола нах яхье бувл шоашца цхьана болх беча болхлошца, цӀагӀарча йижарашца, вежарашца, сихагӀа ала гӀерташ, цхьаккха гӀалат доацаш.
ГӀалгӀай багахбувцама юкъе дукха Сихаоаларгаш хул лоаца а йӀаьха а, лардах латташ а лардах латташ йоацаш а.
ЦӀихеза сихаоаларгаш
ГӀалгӀай мотт
• Шин шуша чу шура ийца, шуча вода ший шучийца.
• Со чутакхача гӀолла ча чутакхац, ча чутакхача гӀолла со чутакх.
• Кхаьрача дийнахьа
Кхо кхаьра къу
кхетаче вера
кхаьтача хьу.
• Беша-гӀадам
коа тӀа — адам
гӀаддигад Ӏа,
догӀан тӀадам.
• Харона херхаца хи хоадабу.
Эрсий мотт
• Карл у Клары украл кораллы, а Клара у Карла украла кларнет.
Ингалсий мотт
• Betty Botter bought a bit of butter.
«But», she said, «this butter’s bitter!
If I put it in my batter,
It will make my batter bitter!»
So she bought a bit of butter
Better than her bitter butter,
And she put it in her batter,
And her batter was not bitter.
So 'twas better Betty Botter bought
A bit of better butter.
Яний мотт
• Μια εκκλησιά μολυβδωτή, μολυβδοκοντυλογλυπτοπελεκητή, ποιος την μολυβδοκοντυλογλυπτοπελέκησε; Ο γιος του μολυβδοκοντυλογλυπτοπελεκητή; Αν είχα εγώ τα σύνεργα, τα μίνεργα του γιου του μολυβδοκοντυλογλυπτοπελεκητή, θα τη μολυβδοκοντυλογλυπτοπελεκούσα καλύτερα από το γιο του μολυβδοκοντυλογλυπτοπελεκητή.
Белгалдаккхар
Литература
- Скороговорка // Литературная энциклопедия терминов и понятий / Под ред. А. Н. Николюкина. — Институт научной информации по общественным наукам РАН: Интелвак, 2001. — Стб. 998. — 1596 с. — ISBN 5-93264-026-X.
ТӀатовжамаш
- 14 ноября — Международный день скороговорок // Официальный сайт МБУК «Центральная городская библиотека» города Трёхгорного Челябинской области. — 2021. — 14 ноября.