Имагожанаькъан Мухьмада Осман
| Имаго́жанаькъан Му́хьмада Осма́н | |
|---|---|
| Имагожев Осман Магометович | |
 | |
| Ваь таьрахь | 22 тушола 1951 (75 шу) |
| Ваь моттиг |
 СССР ГӀазакхстанехье |
| БӀорахол |
 Россе Федераци |
| Леладу гӀулакх | артист, иллиалархо |
Имаго́жанаькъан Му́хьмада Осма́н (эрс: Имагожев Осман Магометович) — ГӀалгӀайчен артист, Хамхой А. цӀерагӀа йолча ГӀалгӀайчен паччахьалкхен филармоне артист-вокалист.
Биографи
Имагожанаькъан Осман ваьв 1951-ча шера тушола бетта 22-ча дийнахьа ГӀазакхстанехье. 1968-ча шера из деша эттав Нохч-ГӀалгӀай мукъама училище, 1976-ча шера цо йистеяьккхай вокалах йола йизза класс.
Деша ваггӀаше цо болх бу артисталла. 1968-ча шера Осман балха эттав Нохч-ГӀалгӀай теникий театре. 1975—1992 шерашка Османа болх баьб Нохч-ГӀалгӀай паччахьалкхен телевиденеи радивовещанеи комитете солист-вокалист волаш. Цу хана из концерташца мехка дӀа-хьа кхувлаш хиннав.
90-ча шерашка из мехкара дӀавахав, цо болх баьб Ленинграда областа г. Кириши шахьара салоӀама центре вокалисталла. Цул тӀехьагӀа Османа болх баьб Костромай Парфеньевски района РЦД театра режиссёр волаш.
2001-ча шера Кастроме дӀайихьача «Снеговея» фестивале цо II даржа лауреата диплом даьккхад.
2003-ча шера ГӀалгӀай мехка цӀавенав[1]. ЦӀавоаггӀаше из халкъа мукъама кечалий дирижёралла болх бе волавеннав, цул совгӀа цо къахьийгад кхалнаьхеи маӀача наьхеи тоабай кулгалхо волаш Хамхой солиста-вокалиста дарже Хамхой А. цӀерагӀа йолча ГӀалгӀайчен паччахьалкхен филармоне.
2011-ча шера Имагожанаькъан Османа 60 шу дузаш цунца болх беш бола нахи, гаргара нахи вӀашагӀтеха, доккха вӀашагӀкхетар дӀадихьад. Цига дакъа лоацаш хиннай цу хана хинна ГӀалгӀайчен товшхала министр ГӀазданаькъан Марет а, иштта ГӀалгӀай йоазонхой юкъарлон доакъашхой а хиннаб[2].
Белгалдаккхар
 | Укх лустама́ кхыдола РУВИКИ лустамаш тӀатовжаш дац. |