Йовлой Султана Ахьмад
| Йовлой Султана Ахьмад | |
|---|---|
| эрс: Евлоев Ахмед Султанович | |
 | |
| Ваь таьрахь | 30 лайчилла 1972 (53 шу) |
| Ваь моттиг | Эрсече Нохч-ГӀалгӀай АССР |
| БӀорахол |
 Россе Федераци |
| Леладу гӀулакх | артист |
Йовлой Султана Ахьмад (эрс: Евлоев Ахмед Султанович) — Россеи гӀалгӀайи театреи кинони актёр, режиссёр. ГӀалгӀай мехка халкъа артист. «Барт» яхача театреи кинони студе исбахьален кулгалхо.
Биографи
Йовлой Ахьмад ваьв 1972-ча шера лайчилла бетта 30-ча дийнахьа Нохч-ГӀалгӀай АССР хӀанзарча Шолжа-Пхье.
Дешар
Ишкол яьккха ваьнначул тӀехьагӀа 1990-ча шера Йовлой Ахьмад деша эттав Нохч-ГӀалгӀай паччахьалкхен университета филологически факультета актёрий отделене. Деша вагӀача хана Ахьмада яьккхай РСФСР Дукха дика хӀамаш карагӀдийнача Цисканаькъан Мухьмада говзанчий курс. 1994-ча шера тӀехдика дийша йистеваьннав университете.
Болх
1993-ча шера из волалу актёралла болх бе Байсаранаькъан И. цӀерагӀа долча ГӀалгӀай паччахьалкхен драман театре.
1997-ча шера кхыча театра болхлошца цхьана «ПТРК ГӀалгӀайче» болхло Дзортанаькъан Мадина хьалха йолаш вӀашагӀъеллай «Зокх» яха лоацача сакъердамеча хьокхаченех (миниатюрах) латта сакъердама телевизионни проект. Цхьа шуи ах шуи даьннача гӀолла ГӀалгӀай Мехка Доалчено 1998-ча шера кӀимарса бетта 20-ча дийнахьа цу проекта ларда тӀа кхеллай Кхоллама цхьанкхетарах латта Паччахьалкхен учреждени «Зокх», цунна юкъе волаш Ахьмад болх баьб 2006-ча шерага кхаччалца. Цунна юкъе из волаш араяьннай 20 выпуск[1].
2004-ча шера наджгоанцхой бетта 18-ча дийнахьа цун гастролеш хиннай Москве, цига «Зокх» тоабанца цхьана «Меридиан» яхача концертий юкъарче цар оттаяьй спектакль. Цу шера саькура бетта из юкъехиннав Казахехьа Доалчено бохийтача викалашта юкъе, цига цо дакъа лаьцад «Зокх» программа юкъе Алматеи, Астанеи, Павлодареи, Кокчетавеи.
2005-ча шера бекарга бетта 29-ча дийнахьа Йовлой Ахьмада ГӀалгӀай мехка мехкдаь амарах ГӀалгӀайчен халкъа артист яха сийлен цӀи еннай[2].
2008-ча шера наджгоанцхой бетта Йовлой Ахьмадеи Озанаькъан Муртазеи кхы а кхыча актёраши хьалхабаьнна хьайийлай товшхала проект «Театреи кино проект Барт». Цхьа бутт баьннача гӀолла ГӀалгӀай Мехка Доалчено «Барт» студи дӀачӀоагӀъяьй[3]. Йовлой Ахьмад исбахьален кулгалхочулла хержав.
2012-ча шера «Год Германии в России» яхача проектах гӀолла ГӀалгӀай мехка хьоашалгӀа баьхкаб немций секце доакъашхой — режиссёр Петер Крюгер, доцент Мэтис Шрадер. Цар дӀайихьай товшхала мероприятеш республике.
2012-ча шера тов бетта 10-17 деношка «Барт» яхача студе режиссёрца Петер Крюгерца цхьана вӀашагӀъехкай проекташ «Немецкие дни в Ингушетии», «Дни с Бертольтом Брехтом». Петера Крюгера кулгал деш дӀадихьад Бертольт Брехта хетадаь вӀашагӀкхетар, вӀашагӀбеллаб «К потомкам» яха гойтам Йовлой Ахьмадецеи Озанаькъан Муртазацеи иштта кхыча театра болхлошцеи.
2012-ча шера лайчилла бетта 22-ча дийнахьа «Барт» студеца цхьана из Алмате вахав Казахехьа ГӀалгӀайчен товшхала денош дездеча[4].
2012-ча шера лайчилла бетта 25-ча дийнахьа цун гастролеш хиннай Бельге. Ахьмад доалчен викалашта юкъе хиннав.
2013-ча шера тушола бетта цо хьекхай ше духхьашха Ахмадова М. пьеса тӀагӀолла оттаяь «Шаттӏа етта гӏала» яха спектакль («Замок, построенный на льду»)[5].
2015-ча шера маьтсела бетта 16-ча дийнахьа Йовлой Ахьмад Озанаькъан Ахьмадаца цхьана дакъа лоацаш хиннаб Москверча мукъама театре дӀадихьача «Лоам» яхача тоабан концерте[6].
Амалаш
- Николай Гоголь, «Ревизор» — Купец
- Чахкенаькъан Идриса СаӀид, «Жанхот вожар» — Батыр
- Карло Гольдони, «Трактирщица» — Граф Альбафьорита
- Чахкенаькъан Идриса СаӀид, «Когда гибнут сыновья» — Дауд
- Авксентий Цагарели, «Ханума» — Тимотэ
- Федерико Гарсиа Лорка, «Кровавая свадьба» — Ӏоажал
- Муса Ахмадов, «Берза цӀог» — Исропал
- Георгий Нахуцришвили, Борис Гамрекели, «Храбрый Кикила» — Да
- Чахкенаькъан Идриса СаӀид, «Террор» — НКВД эпсар
- Горчханаькъан Хасолта Бадрудин, «Рука судьбы» — Русланбек
- Саид Ахмад, «Бунт невесток» — Тимур
- Муса Ахмадов, «ХӀанзара гӀулакхаш»
- Сосаркъанаькъан Аьсет, «Тамашне цӀай» — Борз
Постановки
- Пьеса «Шаттӏа етта гӏала», Муса Ахмадов
Белгалдаккхар
- ↑ Правительство РИ: Зокх принимает поздравления. Хоам хьаийца таьрахь: 4.09.2025. Архиваци яьй 4.03.2016.
- ↑ УКАЗ ПРЕЗИДЕНТА РИ «О присвоении почетного звания «Народный артист Республики Ингушетия». «Сердало». Хоам хьаийца таьрахь: 4.09.2025.
- ↑ Студия «Барт» с выездным спектаклем побывала в сельских поселениях Плиево и Сурхахи. Хоам хьаийца таьрахь: 4.09.2025. Архиваци яьй 4.03.2016.
- ↑ Концерт, посвященный Дню культуры Республики Ингушетия в Республике Казахстан объединил зрителей самобытностью ингушской культуры. Хоам хьаийца таьрахь: 2025.
- ↑ А.Евлоев приглашает. Хоам хьаийца таьрахь: 4.09.2025. Архиваци яьй оригинала тӀара 4.03.2016.
- ↑ Московский государственный музыкальный театр фольклора «Русская песня». Хоам хьаийца таьрахь: 4.09.2025. Архиваци яьй 5.03.2016.
ТӀатовжамаш
 | Укх лустама́ кхыдола РУВИКИ лустамаш тӀатовжаш дац. |