Кепайоазон цӀенош (Шолжа-ГӀала)
Шолжа-ГӀала тӀара Кепайоазон цӀенош (цӀа[1]) (эрс: Грозненский Дом печати) — Нохчичен дукхагӀа мел долча газетийи журналийи редакцеш а, Грозный-Информ яха хоама агентство а «Грозненский рабочий» зарбанчен типографи а Ӏеш йола гӀишло я. Ший хана цу чу Ӏеш хиннай Нохч-ГӀалгӀай мел долча газетийи журналийи редакцеш: 4-5 гӀаташ «Грозненский рабочий» газета хиннад, 6-гӀча гӀата тӀа «Сердало» газет хиннад, нохчий газетага («Ленинан некъ») 7-гӀа гӀат хиннад, бархӀлагӀчун тӀа «Комсомольское племя (Грозный)Комсомольское племя» оалача кагирхой газета редакци хиннай[1]. Из йоалл Назарбаева урами (хьалха Маяковске урам) Лорсанова урами (хьалха ЦӀеча фронтовикий урам) къастача. 2013-ча шера денз гӀишлон цхьоалагӀча гӀата тӀа хоамбоаржабара музей я[2].
Тархьар
ГӀишло 1976-ча шера етта хиннай[3]. Из йотташ керттера инженер хиннав В. Бехбутов. ГӀишло хозъеш хиннача панорамни долча барельеф хьаяьр Дарчи Хасаханов яха бӀалгӀаш ер хиннав[4].
Хьалхареи шоллагӀеи нохчий тӀемаш хиннача хана гӀишло чӀоагӀа йохаяь хиннай, пенаши чура тховнаши мара ца юсаш. 2007-ча шера Кепайоазон цӀенаш меттаувттадаь хиннад[5].
2014-ча шера оагӀой бетта 4-гӀча дийнахьа Шолжа-ГӀала тӀемхой тӀакхийтта хиннаб. ТӀемхоша Кепайоазон цӀеной гӀишло хьаяккха хиннай. Из юха хьаяккха гӀерташ Россе Ӏаьдал чухьилха хиннад, чухьелхаш деза герз дийттад (бронетранспортёраш, гранаташ еттараш, еза пулемёташ). Чухьелхаш еррига гӀишло йоагаяь хиннай[6][7][8], хӀаьта бутт балалехь меттаоттадаь хиннад Къаьдаранаькъан Рамзана амарца[5].
Белгалдаккхар
- ↑ 1 2 Ӏарчакханаькъан С., 2022.
- ↑ Кочеткова С., 2013.
- ↑ Исмаилов, 2914.
- ↑ Исраилова, 2013, оа. 95.
- ↑ 1 2 Исмаилов, 2014.
- ↑ Атака на Грозный // Wayback Machine архиве дӀадилла шоллар (29.03.2016). Радио «Свобода», 4 декабря 2014.
- ↑ В Грозном отменён режим контртеррористической операции // Wayback Machine архиве дӀадилла шоллар (10.12.2014). ИТАР-ТАСС.
- ↑ Спецоперация в Грозном. Хроника событий // Wayback Machine архиве дӀадилла шоллар (10.12.2014). ИТАР-ТАСС.
ТӀатовжамаш
- Ӏарчакханаькъан Сали. Даим бакъдар лийха саг (гӀал.) // «Сердало» : газет. — 2022. — 29 лайчилла.
- Сацита Исраилова. Искусство вне времени // «Вайнах». — 2013. — № 1. — С. 95.
- Имран Исмаилов. Дом, который посторил Рамзан // «Вайнах». — 2014. — 29 оагӀой (№ 12). — С. 96.
- Севостьянов М. Дом печати. gorod-grozny.ru. Хоам хьаийца таьрахь: 3.07.2021.
- Кочеткова С. В Грозном открылся музей журналистики (15.01.2013). Хоам хьаийца таьрахь: 27.06.2021. Архиваци яьй 27.06.2021.