Къоастой Руслана Мадина

Къоастой Руслана Мадина
Къоастой Руслана Мадина
Ваь таьрахь	23 тушола 1986 (39 шу)
Ваь моттиг	СССР ГӀазакхстане
БӀорахол	Россе Федераци
Леладу гӀулакх	артист, актриса

Къоастой Русла́на Мадина (эрс: Костоева Мадина Руслановна) — актриса, логопед, Театра болхлой юкъарлон доакъашхо, ГӀалгӀай мехка дукха дика хӀамаш карагӀдийна артист.

Биографи

Дешар[тоаде | тоаде чура]

Къоастой Мадина яьй 1986-ча шера тушола бетта 23-ча дийнахьа ГӀазакхстане Алма-Ате. 1991-ча шера Грозне баха дӀабахаб цар дезал, цигга 1993-ча шера духхьашха деша яхай из № 14 йолча юкъерча ишколе. 1994-ча шера тӀом болабенначул тӀехьагӀа ГӀалгӀай Мехка баха дӀабахаб, хӀаьта цига цо доладаь дешар дӀадихьад Наьсарерча № 2 йолча юкъерча ишколе. Бекъий-Юрта баха дӀабахачул тӀехьагӀа Мадина дешаш хиннай цигарча юртарча ишколе. ТӀом дӀабаьнначул тӀехьагӀа цар дезал юха баха хайшаб Грозне, цига яьккхача юкъа из № 30 йолча ишколе ихай. Дукха ха яьккхаяц цар цига шоллагӀа тӀом болабалар бахьан долаш. ТӀеххьара уж баха хайшаб Пхьилекъонгий-Юрта, цига цо чакхъяьккхай № 13 (хӀанзара № 2) йола ишкол. ИттлагӀча классе деша ягӀача хана, 2001-ча шера, болабеннаб Мадинай Паччахьалкхен эрсий мукъама-драматически театрера болх. 11 класс яьккха йоалашше из деша эттай Б. Щукина цӀерагӀа йолча Театра институте. Из цо йистеяьккхай 2007-ча шера. 2019-ча шера Ессентуке деша эттай Ставрополя паччахьалкхен хьехархой институте дефектологе Ӏилма тахка дагахьа. 2023-ча шера из цо йистеяьккхай «Логопед» яха говзал караерзаярца.

Къоастой Мадина театре

Болх

Къоастой Мадина

2010-ча шера Мадина балха эттай Наьсарерча № 3 юкъерча ишколе. Драматически театрера болх юха ца соцабеш дӀахо дӀабихьаб^[1]. 2009-ча шера из юкъеяхай Театра болхлой юкъарлонна. 2018-ча шера денз болх беш я Наьсарерча № 14 ишколе.

Одна из любимых моих ролей — Нина Заречная из чеховской «Чайки». Роль, о которой может мечтать любая актриса^[2].
— Къоастой Мадина

Ловзаяь ролеш[тоаде | тоаде чура]

М. И. Базоркин «Боадонгара» — Дали
Н. В. Гоголь «Женитьба» — Дуняша
М. В. Базоркин «Сон или картинка в цветах» — Душа, Дерево, Маска, Снежинка
Ж. Моррей «Покинутая» — ЙоӀ
А. Х. Боков «Мы вернемся, нани» — Либи
Б. Шадыжев «Золотой укол» — Роза
А. Лабиш «Мизонтроп »— Мадам Кокнар
А. Сароян «Эй, кто-нибудь» — девушка
Дж. Лондон «Убить человека»— Мисс Суетлив
А. С. Грибоедов «Горе от ума» — Княжна
А.Володин «Назначение» — Шура
А. П. Чехов «Медведь» — Дуня
Г. И. Горин «Эшелон» — Беженка
Ф.Джованни «Искушение» — Матильда
М. В. Базоркин «Мочхо» — ЙоӀ
А. П. Чехов «Предложение» — Наталья Степановна
А. С. Льянов «Что? Сколько? Кому?» — Студентка
А. Володин «Две стрелы» — Черепашка
М. В. Базоркин «Паспорт» — Продавщица
А. П. Чехов «Чайка» — Нина Заречная
А.Вампилов «20 минут с ангелом» — Фаина
М. В. Базоркин «Обреченные» — Роза
А.Мордань «Лист ожидания» — йоI
Л. Н. Толсой «Хаджи-Мурат» — Жена Садо
И. М. Базоркин Мюзикл «Из тьмы веков» — Дали
У. Шекспир «Ромео и Джульетта» — Кормилица
Ф. М. Достоевский «Преступление и наказание» — Настасья

СовгӀаташ

• 2019-ча шера котало яьккхай «Актриса года» яхача яхье
• Цунна хьожадаьд паччахьалкхен стипенди башха культуран болхло хиларах^[3]
• ГӀалгӀай Мехка дукха дика хӀамаш карагӀдийна артист

Белгалдаккхар

[1] Русский государственный музыкально-драматический театр Республики Ингушетия приглашает на спектакль «Доходное место»

[2] «Вешалки у нас нет. И никогда не было»

[3] Стипендии Правительства 2018 | итоги

[1]

[2]

[3]