Малсаганаькъан Хьасана Тамара

Ма́лсаганаькъан Хьаса́на Тама́ра
Ваь таьрахь	26 наджгоанцхой 1956(1956-01-26) (70 шу)
Ваь моттиг	СССР
БӀорахол	Россе Федераци
Леладу гӀулакх	хоамбоаржабархо

Ма́лсаганаькъан Хьаса́на Тама́ра (эрс: Мальсагова Тамара Хасановна) ― ГӀалгӀайчен мехка даь советник, гӀалгӀай хоамбоаржабархо, «ГӀалгӀайче» яхача ГӀалгӀай паччахьалкхен телерадиокомпане хьалха хинна кулгалхо, из вӀашагӀйоллаш хьалхалаьттар. Хоамбоаржабара даькъе телевиденеца цо болх баьб 37 шера совгӀа.

Биографи

Хьаялар

Малсаганаькъан Тамара яьй 1956-ча шера наджгоанцхой бетта 26-ча денна Казахски ССР Джамбулськи областе. Цун да — Малсаганаькъан Сосланбика Хьасан — гӀорваьнна хьехархо хиннав, цул совгӀа Сийлахь-Боккхача Даьхен ТӀема доакъашхо а хиннав (тӀом болабалехьа цо Наьсарен шахьара Наьсар-Кертарча ишколе директоралла болх баьб). Тамарай нана — Кубанова ИбрахӀима Марем — ворхӀ шу даьнна хиннай Къарачай къам мехках доаккхача хана.

Дешар

18 шу даьннача хана, из Л. Н. Толстой цӀерагӀаа йолча Нохч-ГӀалгӀай паччахьалкхен университета филологически университета дешархо хиннай из, цу хана, кхераенна юха ца йоалаш, яхье дакъа лацарах, цунна аьттув баьннаб 50 сага юкъе дикторий яхье чакхъяла, 1974-ча шера цох хиннай Грознерча телевидене студе диктор.

Болх

1975-ча шера цо болх баьб юкъарчен-политикани, кагирхойи передачашка хьалхе дӀакхухьаш, 1976-ча шера — программаш арахецача отдела редактор йолаш, 1977-ча цо болх баьб кертера арахецар йолаш. 1987-ча шера вӀашагӀъеллай Керттера хоамий программни дирекци, цу дирекце кулгалхо йолаш Тамарас болх баьб 1993-ча шерага кхаччалца. 1993-ча шера из хьожаю «ГӀалгӀайче» яхача ВГТРК филиале ГӀалгӀай паччахьалкхен телерадиокомпане тхьамадалла. Цу дарже цо болх баьб 1995-ча шерага кхаччалца.

15 шерал совгӀа болх беш хиннай кхыча СМИ даржашка: «Провин-циальная хроника» яхача газета редактора когаметтаоттар йолаш а, «Театр и жизнь» яхача журнала литературный редактор, «Москвичка», «Русский инвалид» яхача газетай редактор йолаш а, «ДАЙМОХК» газета редколлеге доакъашхо йолаш а, ООО «ТИН-ТИН» (Телевидение-Ин-формация-Новости), «СТС», «ТНТ», «ТВ-Центр», «Столица» проектий керттера редактор йолаш а.

СовгӀаташ

• «КарагӀдийннарех» орден.

Белгалдаккхар

ТӀатовжамаш

• Третьякова Е. Ю. Люди, судьбы, связь поколений: к тридцатилетию телевидения Республики Ингушетия (неопр.). Наследие веков (3.08.2022). Хоам хьаийца таьрахь: 14.02.2025.