Мартазанаькъан Мухьмада Хьанифа

Ма́ртазанаькъан Му́хьмада Хьанифа
Ваь таьрахь	1956(1956)
Ваь моттиг	ГӀазакхстанехье, Кустаная область, Джета-Гара пхье
Паччахьалкхе	СССР →  Россе Федераци
Ӏилман никъ	филологи
Белха моттиг	ГӀалгӀай паччахьалкхен университет
Ӏилманхой дарж	Филологе Ӏилмай доктор
Ӏилманхой звани	доцент

Ма́ртазанаькъан Му́хьмада Хьанифа (эрс: Мартазанова Ханифа Магомедовна) — цӀихеза гӀалгӀай Ӏилманхо, филологе Ӏилмай доктор.

Биографи

Мартазанаькъан Хьанифа яьй 1956-ча шера маьцхали бетта 8-ча дийнахьа Кустанай областе ГӀазакхстанехье. Цигара цӀабаьхкачул тӀехьагӀа цар дезал баха хайшаб Дошлакхе-Юрта. Цун да Мартазанаькъан Мухьмад Парте лакхера курсаш яьха хиннав. Из кулгалхочулла болх беш хиннав Дошлакъий-Юртарча совхоза отеделене. Мухьмад дукха ваьхавац, из кхелхав 1963-ча шера лазарах.

Дешар

Ишкол яьккхачул тӀехьагӀа Хьанифас болх баьб пионервожатии, хьехархои йолаш. 1975-ча шера из деша эттай Нохч-ГӀалгӀай паччахьалкхен университете филологически факультете. 1980-ча шера цо хьаийцад тӀехдика дийша яьнна диплом «Эрсий меттеи литературани, гӀалгӀай меттеи литературани хьехархо» яхача балха говзалах. Дийша яьнначул тӀехьагӀа Хьанифас болх баьб ший юртарче ишколеи сельхозтехникумеи. Ӏилман болх бе йолаеннай 2002-ча шера аспирантуре деша эттачул тӀехьагӀа. 2005-ча Хьанифайх филологе Ӏилмай кандидат хиннай, цун диссертаци яр Байсаранаькъан Идриса кхоллам тохкаш. ГӀалгӀай Ӏилма-тохкама институте болх беш йолаш, шийцарча Ӏилман болхлошца цхьана цо къахьийгад «ХӀанзара гӀалгӀай литература» яха проект оттаеш (4 том). 2017-ча шера цо защита яьй «ХХ бӀаьшера проза: къаман исбахьален овлаш, жанрий белгалонаш, поэтика» цӀи йолча диссертацена, филологе Ӏилмай доктора дарже яьннай.

Белгалдаккхар

ТӀатовжамаш

• Даурбекова Х. Мартазанова Ханифа Магамедовна - педагог, ученый, ингушская сув  (эрс.). 30 лет Республике Ингушетия: Исторические вехи и перспективы развития (15.11.2022). Хоам хьаийца таьрахь: 14.02.2025.