Мовлат
Мо́влат (эрс: Мавлид) — Мухьаммад пайхамар ваь ди дездар. Из ди дезду бетта ханорга тӀагӀолла бетташта юкъе кхоалагӀча Рабиуль-Авваль оалача бетта 12-ча денна. Цхьацца долча бусулба мехкашка бӀарчча бетта дезду: наха майдаш кийчъю, къорӀа тӀара аяташ тӀадола каьхаташ хьалъэхке, маьждигашка гулалу, бусулба дин хестадеш дола нашидаш лекх, Мухьаммада Пайхамара вахарех лаьца хьехамаш ду. Цу хана чухь дезача гӀулакхаех лоархӀ каст-каста Пайхамара́ салот дехкари, дуӀаш дари, сагӀа дадари, нах шоайла Ӏимерза хилари.
Мовлата деша йиш хиларгахьа дийшача наха яхачох шеко яц, нагахьа санна цунгахьа шариӀата бокъонаш лораеш яле. Мухьаммад Пайхамар ваь ди дездар нийса хетараш а нийса цахетараш а ба, нийса цахетараш цох бидӀа лоархӀ из дингахьа керда юкъе йоалаяь белгало хилар бахьан долаш.
610—910 шераш
Мовлата ди, пайхамар ваь ди, пайхамара а цун асхьабаша а, хьалха хиннача тӀехьено а дездеш хиннадац. Духхьашха из цӀай дездаьд Мисаре 909—1971 шерашка фатимиидаша[1].
Кераста дин чухьа
Хьалхарча керастача наха саг ваь ди дездар тарантала Ӏадатех лоархӀаш хиннад, киназашка мозгӀараша дӀатӀаэцаш хиннадац, цу хана ваь ди дездар юхасоцадаь хиннад[2].
Иудаизме
Жугташа саг ваь ди дездарах хоам бац, цхьабакъда эллинизма заман чухьа дездеш хинна моттигаш я. Флавий Иосифа ший балхашкахьа («Древности», XIX, 7, § 1) хьоахадаьд Агриппа I ваь ди дездеш даь той. Иштта Еванглий чура хов Галилея паччахьа Ирод ваь ди дездар. Из той Иоанн Креститель верца чакхдаьннад(Мф. 14:6—11Категория:Рувики:Страницы с постфиксом в шаблоне Библия, Мк. 6:21—28Категория:Рувики:Страницы с постфиксом в шаблоне Библия)[3].
Талмуда чухьа хьоахаду ваь ди сага вахаре доккха маӀан дола къаьстта ди хилар. Тора тӀа ваь ди дездар хьоахадаь моттиг я фараон ваь ди[4].
Дездара кеп
ХӀанзарча хана мовлат дезду Сире, Алжире, Тунисе, Марокко иштта кхыча бусулба наьха мехкашка. Мовлатах къаман цӀай лоархӀ бусулба нах бахача СаӀудий Ӏарбий мехкагареи Катарагареи дӀа мел ийккхача мехкашка. Пакистане из цӀай дезде балхара кхо ди мукъа лу.
Мовлата́ юкъе да АллахӀ хьоахавара дакъеи, Пайхамара́ дола салоти, Из дунен чу валарахи цун вахарахи дола дувцари. Мухьаммад Пайхамар дунен чу вар шоашта совгӀат долга а дегагӀоз йолга хайта гӀерт нах, цудухьа цу дийнахьа дуӀаш ду, Далла хоастам бу из варах, сагӀа лу, шоайла хьехамаш ду.
Мисаре а иштта кхыча Ӏарбий мехкашка а берашта дукха дезаш цӀай да из. «Арусат ан-наби» яха мерзадаараш доацаш дӀадодац из цӀай.
Белгалдаккхар
- ↑ Али-заде. Исламский энциклопедический словарь. — 192 с. — ISBN 978-5-98443-025-8.
- ↑ Ю. Фролов. Кто и когда придумал отмечать день рождения? // Наука и жизнь: журнал. — 2008. — № 11.
- ↑ Birthday // Encyclopedia Judaica. — 2-e. — Jerusalem, 2007. — Т. 3. — С. 723—724.
- ↑ Israel Drazin, Stanley M. Wagner. Chapter 40 // Onkelos on the Torah. Understanding the Bible text.. — Jerusalem: Gefen, 2006. — С. 268—271.