Наьсарен библиотекий юкъара система
| Наьсарен библиотекий юкъара система | |
|---|---|
 |
Наьсарен библиотекий юкъара система (эрс: Общественная библиотечная система г. Назрань) — Наьсарен шахьарера библиотекаш (Оахарганаькъан ЧхьагӀий цӀерагӀа йола юкъара библиотека, Пхьен берий библиотека, Пхьен юкъара библиотека, иштта Аьлте-Юртара, Дошалкъий-Юртара, Наьсар-Кертера муниципальни библиотекаш) юкъейолхаш йола библиотекан система.
Оттам
Наьсарен библиотекий система вӀашагӀъеллай 1975-ча шера. Цун фонде да 24 882 кинижка. Наьсарен библиотекий юкъарча системанна юкъейода Оахаранаькъан ЧхьагӀий цӀерагӀа йола юкъара библиотека, Пхьен берий библиотека, Пхьен юкъара библиотека, иштта Аьлте-Юртара, Дошалкъий-Юртара, Наьсар-Кертера муниципальни библиотекаш. Системанна кулгалдеш я Дукха дика хӀамаш карагӀдийна товшхала болхло Доврбиканаькъан Султана Дибахан[1].
Болх
2000-ча шера Наьсарен Юкъара Библиотекий система дакъа лоацаш хиннай Теваре дӀайихьача Россе библиотекан Ассоциаце конференце. 2002-ча шера цо дакъа лаьцад «Хоамий говзанчаши библиектараши Ӏомабарах хьабоала пайда» («Перспектива непрерывного образования библиотекарей и информационных специалистов») яхача Москве дӀайихьача конференце. 2006-ча шера библиотекан викалаш хиннаб Анапе VI къамашта юкъерча конференце «Библиотекеи унахцӀенал ийша долча берий социализации» («Библиотека и социализация детей с ограниченными возможностями здоровья») яхача проектаца. Цу шера Швеце посольствоси «Пушкинская библиотека» НФ, М. И. Рудомно цӀерагӀа йолча арахьарча литературан паччахьалкхен библиотекои дӀайихьача «Астрид Линдгрен и права ребенка» яхье дакъа лаьцад библиотеко.
2008-ча шера маьтсела бетта Та́на́-тӀарча-Ростове пхьен Та́на́ паччахьалкхен библиотеке «Система библиотечного лидерства, как средство изменения ситуации в местном сообществе» яхача проектно-аналитически семинаре дешаш хиннаб библиотекан болхлой, семинар чакхъяларца доакъашхошта говзал лакхъярах дола дипломаш деннад[2].
2020-ча шера системанна юкъера Оахарганаькъан ЧхьагӀий цӀерагӀа йола библиотека «Культура» яхача проекте чакхъяьннай. «Культура» яхача федеральни проекто шийна хьалхашка оттадаь декхар да муниципальни библиотекаш модельни куцагахьа эргаяхари цар эшамаш кхоачашдари[3]. 2019-ча шера денз 2023-ча шерага кхаччалца модельни куцагахьа ерзаеш, эргаяьккхай РФ 43 объектера 409 муниципальни библиотека, 2, 5 миллиард ахча дӀатӀахийта.
Библиотеко кхоачашъеш я дукха проекташ: «Мастерская поэзии», ТОМА РИ (къонача йоазонхой цхьакхетар), Берий майда «БОАМБИ», мохктохкама журнал «СУРТ», «Библиоочаг», «Хоза моза», иштта кхыйола проекташ а. Иштта тӀатеӀӀа болх беш я «Гений места», «Культура. PRO» яхача проектий даькъе.