Нохчий паччахьалкхен хьехархой университет
| Федеральни паччахьалкхен булама лакхерча болхговзала дешарче «Нохчий паччахьалкхен хьехархой институт» (ЧГПУ) | |
|---|---|
| ФГБОУ ВО «Чеченский государственный педагогический университет» | |
| Дунен халкъашта юкъера цӀи | Chechen State Pedagogical University (ChSPU) |
| ХьалхагӀа хинна цӀераш |
• 1995 шера 17 бекарга 17-ча денга кхаччалца — Нохч-ГӀалгӀай паччахьалкхен хьехархой институт (эрс: Чечено-Ингушский государственный педагогический институт (ЧИГПИ)); • 2011 шера маьтсела 23 денга кхаччалца — Нохчий паччахьалкхен хьехархой институт (эрс: Чеченский государственный педагогический институт); |
| Йилла шу | 28.11.1980 |
| Тайпа | паччахьалкхен |
| Йола моттиг |
 Россе Федераци, Шолжа-ГӀала |
| Юридически цӀай | Нохчий Республика, Шолжа-ГӀала, Х. Исаева проспект, 62 |
| МазаоагӀув | chspu.ru |
Нохчий паччахьалкхен хьехархой университет (эрс: Чеченский государственный педагогический университет) — Нохч-ГӀалгӀай АССРе кхоалагӀа хьайийла хинна хьехархой кийчбу институт, таханарча дийнахьа Нохчий мехка Шолжа-ГӀалий тӀа болх беш я[1]
Тархьар
Нохсий паччахьалкхен хьехархой институт 1980 шера лайчилла бетта 28-ча дийнахьа Нохч-ГӀалгӀай АССР-е йиллай РСФСР Министрий Совета чӀоагӀамца[1].
Цкъарчоа Нохч-ГӀалгӀай паччахьалкхен хьехархой институт (эрс: Чечено-Ингушский государственный педагогический институт (ЧИГПИ)). Нохч-ГӀалгӀайчен кхоалагӀа лакхера дешарче хиннай из. Цун ректоралла оттаваь хиннав хьехархой Ӏилмай кандидат а профессор а хинна ӀумаровгӀар Ӏумара Мухари, из мехка халкъа дешар оттадарах а дуккхача шерашка Сердалоялара министерствон хьалхалаттарах а цӀихеза хиннав[1].
1995 шера 17 бекарга 17-ча дийнахьа института керда цӀи тиллай — Нохчий паччахьалкхен хьехархой институт. Ректор филологе Ӏилмай доктор а профессор а хинна ХазбулатовгӀар Абу-Суфьяна Бекьхан оттаваь хиннав, цо из болх 17 шера лелабаьб[1].
2011 шера маьтсела 23 дийнахьа РФ Дешареи Ӏилмани министерствон № 1726 йолча приказаца Нохчий паччахьалкхен хьехархой институтах Федеральни паччахьалкхен булама лакхерча болхговзала дешарче «Нохчий паччахьалкхен хьехархой университет» (эрс: Федеральное государственное бюджетное учреждение высшего профессионального образования «Чеченский государственный педагогический университет») яха цӀи тиллай[1].
2020-ча шера денз дешарченна хьалхалаттар ва политикан Ӏилмай кандидат вола БайхановгӀар Баутдина ИсмаӀал[2].
Белгалдаккхар
- ↑ 1 2 3 4 5 Университета ма́зада́къа.
- ↑ Исмаил Байханов назначен ректором ЧГПУ (ингал.). ЧГТРК ГРОЗНЫЙ. Хоам хьаийца таьрахь: 29.01.2022.
ТӀатовжамаш
Университета официальни ма́зада́къа. История ЧГПУ. Хоам хьаийца таьрахь: 10.12.2024.