Паранаькъан Хьажбикара Руслан

Па́ранаькъан Хьажби́кара Русла́н
эрс: Паров Руслан Хажбикарович
Ваь таьрахь	29 оагӀой 1955(1955-12-29) (70 шу)
Ваь моттиг	ГӀазакхий ССР
БӀорахол	СССР →  Россе Федераци
Леладу гӀулакх	йоазонхо, прозаик

Па́ранаькъан Хьажби́кара Русла́н (эрс: Паров Руслан Хажбикарович) — йоазонхо, депутат, ГӀалгӀай Республика Халкъа Гуллама тхьамадан когаметтаоттар.

Биографи

Дешар

Паранаькъан Руслан ваьв 1955-ча шера оагӀой бетта 29-ча дийнахьа ГӀазакхий ССР Агадырь станице. 1976-ча шера из деша эттав Нохч-ГӀалгӀай паччахьалкхен университета тархьара факультете, 1982-ча шера цо из йистеяьккхай. 2001-ча шера юха дешара кийчо еш Руслана яьккхай «Экономикеи урхалдари» яха факультет. 2002-ча шера яьккхай Къулбаседа Кавказа паччахьалкхен гӀулакха академи. 1974—1976 шерашка из кхоачашдеш хиннав тӀема бӀул.

Болх

1976-ча шера Руслана болх баьб 3-ча даькъера аьшкан пхьар волаш Сипсой-ГӀалий тӀарча лесхозе. 1980—1981 шерашка из хиннав № 1 йолча интернат-ишколе физкультуран хьехархо.

1981—1988 шерашка цо болх баьб Россе МВД. 1989—1991 шерашка Руслан Шолжа шахьара РЗСМ тархьара хьехархо хиннав. 1991—1995 шерашка цо болх баьб «Стриус Лес» яхача фирман генеральни кулгалхочун когаметтаоттар волаш.

1995—1996 шерашка из хиннав ГӀалгӀай Паччахьалкхен МЧС отдела кулгалхо. 1996-ча шера из хьожаваьв ГӀалгӀай Паччахьалкхен МЧС Юкъарча отдела кулгалхочулла. 1998—1999 шерашка из кулгалхо хиннав лело́ра отдела, хӀаьта 1999-ча шера тов бетта денз 2002-ча шера наджгоанцхой беттага кхаччалца Руслан хиннав резерваш кийчъяра отдела́ кулгалдеш.

2002-ча шера из хьожаваьв ГӀалгӀай Паччахьалкхен бӀорахой духьалъоттареи, чоалханеча хьалийи, Ӏаламо даь бохамаш дӀадахареи гӀулакхех йолча министерствон отдела кулгалхочулла. 2005-ча шера цо болх баьб бӀорахой духьалъоттарахи цӀераш летора кхерамзленахи, Ӏаламо даь бохамаш дӀадахарахи йолча ГӀалгӀай Паччахьалкхен Урхала отдела кулгалхо волаш. 2005—2007 шерашка цо болх баьб бӀорахой духьалъоттарахи цӀераш летора кхерамзленахи, Ӏаламо даь бохамаш дӀадахарахи йолча ГӀалгӀай Паччахьалкхен резерваш Ӏалашъяра йолча Урхала отдела кулгалхочун когаметтаоттар волаш.

2008—2009 шерашка из хиннав ГӀалгӀай мехкарча РФ МЧС Кертерча Урхала резервийи кхоачамийи отдела кулгалхо. 2009-ча шера ардара бетта денз 2012-ча шера оагӀой беттага кхаччалца из хиннав ГӀалгӀай Мехкарча РФ МЧС Кертерча Урхала кулгалхочун когаметтаоттар. 2013-ча шера Руслана болх баьб ГӀалгӀай Паччахьалкхен Урхала бахархойи доазуви Ӏалама бохамех лораярах йолча бувзама отделе кулгалхо волаш.

2013—2016 шерашка бахархойи доазуви Ӏалама бохамех лораярах йолча ГӀалгӀай Паччахьалкхен Урхала кулгалхочун когаметтаволчун декхараш кхоачаш деш хиннав.

2021-ча шера ардара бетта из хьожаваьв ГӀалгӀай Паччахьалкхен Халкъа Гуллама тхьамадан когаметтаоттара метте. Цу шера денз из ва ГӀалгӀай Паччахьалкхен Халкъа Гуллама депутат.

Кхоллам

• «Цена ошибки» (2017 шу)
• «Вахара бирса талгӀеш» (2018 шу)
• «Дни, что нами пройдены» (2020 шу).

СовгӀаташ

• «Къулбаседа Кавказе тӀема гӀулакхе дакъа лацарах» майдилг — 04.07.2008 шу
• «БӀул хьинаре кхоачашдарах» майдилг — 01.06.2011 шу
• «Маршал Василий Жуков» Эрсечен МЧС майдилг

Классни дарж

• 2-ча классах вола ГӀалгӀай Паччахьалкхен хьехамча

Белгалдаккхар

ТӀатовжамаш

Паров Руслан Хаджибикарович  (эрс.). Сайт Парламента РИ (4.10.2021). Хоам хьаийца таьрахь: 12.01.2025.