ПӀенгезхой
ПӀенгезхой, е пӀендастхой, кистий (гурж. ქისტები — кистӀеби) — ПӀенгеза чӀожера (Гуржий мехка Ахмета муниципалитет) нохчий этногеографе тоаба[1].
ЦӀи
ГӀалгӀай меттала цу тоабах пӀенгезхой оал, из цӀи йоагӀаш я уж бахача моттига тӀара: ПӀенгеза чӀожа яхачох[2].
Вешта каст-каста кистий яхача терминца ювзаенна цӀераш я цар. ПӀенгезхоша шоаех йоаха цӀи я кӀистий[3], кистой[4] я, иштта, хьаяхачох, нохч. нохчий а оал цар шоаех[5].
Нохчий меттала а кистӀий[3], иштта кистинаш оал царех[4][6] . Вешта Гуржехьара нохчий (гурджиехар нохчий[4]) а оал царех.
Гуржаша а ქისტები (кистӀеби) оал[4][7][8]..
Эрсий меттала пӀенгезхоех кистинцы[4], чеченцы-кистинцы[9][10] оал, кӀеззига къаьнагӀа йолча цӀерех я кисти́ны[4], кисты[4].
Сулейманов Ахьмад цар цӀи кей, кий яхачох хьахинна хила а мег яхаш хиннав[11]. Нохчий меттала йистте бахача нахах ке́ йистера, ке́ йистой оалаш хиннад хьалха, кастта цох кистий хьахинна хила дезаш да[12].
Товшхали вахари
Товшхал
ПӀенгезхошта шоай даьй иллеши, оаламаши, фаьлгаши, дукха деза, царца сакъердлу цар. 2012-ча шера денз этнографе музей я цар болх беш, кистий лоӀамах хьайийлай из Хангошвили Хасо яхачо къахьегарца, Ахмета шахьара муниципалитето ахча телаш лоатта а ю из.
Вахар
ПӀенгезхой лаьтта оахаши, жа-доахан леладеши, бешамаш лелаеши бахаш ба. Тушхошкара нахчеи, даьттеи, кӀолдеи яха Ӏомабеннаб уж. Тайп-тайпара говзалаш я царна юкъе: дахчанпхьоарал а, иштта истингаш яр а, хийтта ферташ яр а, тӀакхувла ферташ яр а[8][13]. Хьадаьчох цхьа дакъа шоашта леладу, вож дӀадохк[13]. Хьалха герз а оаттхалаш а хьаеш хиннаб. Цул совгӀа хӀанз тӀехьа хи-хьайраш я царцига латташ[7].
Яа хӀамах дукхагӀа «жижиг галнаш» еза пӀенгазхошта[7].
Мотт
Ле́беш бола мотт нохчий ба, шоай диалект я цар — пӀенгезхой[14][15][13]. ЦӀена гуржий мотт бувцаш ба[12], дукхагӀчарна эрсий мотт а хов[16]. Шоайла нохчий мотт дӀабувц, юкъереи лакхереи дешар гуржий меттала деш. ПӀенгеза чӀожерча нохчаша шоай даьймехкацара бувзам лорабу, 2016-ча шера денз Гуржехьен дешара министерствос ишколашка нохчий мотт хьехар могадаьд[13].
Ди
ПӀенгезхоша шоаш сунний бусалба лоархӀ.
Тайпаш
ПӀенгезхой тайп-тайпарча нохчий тайпашкара хьабаьхка нах ба[7], хӀаранечоа хов Нохчийче ший пхьеде мичай[12]:
- аьккхий (нохч. аьккхий)[17];
- дишний (нохч. дишний)[18];
- маьлхий (нохч. маьлхий)[18];
- мӀайстой (нохч. мӀайстой)[18];
- макӀажой (нохч. макӀажой) — 1 фамилия[12];
- нашхой (нохч. нашхой)[12][7];
- тӀерлой (нохч. тӀерлой)[18];
- хилдехьарой (нохч. хилдехьарой)[18];
- хьачарой (нохч. хьачарой)[18];
- чӀаьнтий (нохч. чӀантий);
- шикъарой (нохч. шикъарой)[12].
Белгалдаккхар
- ↑ Елфимов В. О. Региональные особенности обычного права (адата) чеченцев XV-XX вв. Crimea.Edu. Хоам хьаийца таьрахь: 27.10.2025. Архиваци яьй 8.03.2018.
- ↑ Куркиев, 1979, оа. 189.
- ↑ 1 2 Пареулидзе, 2010, оа. 149.
- ↑ 1 2 3 4 5 6 7 Кистины : [арх. 3 наджгоанцхой 2023] // Большая российская энциклопедия [Электронный ресурс]. — 2015.
- ↑ Мациев А. Г. Чеберлоевский диалект чеченского языка // Известия ЧИНИИИЯЛ Языкознание. — Грозный, 1965. — Т. 6, вып. 2. — с. 6
- ↑ Хабаев И. Д. Чеченцы-кистинцы на фронтах Великой Отечественной войны 1941—1945 гг (ce) // Таллам : Журнал. — Академия наук Чеченской Республики, 2023. — № 2(31). — С. 73.
- ↑ 1 2 3 4 5 Дишни Т. Чеченцы Панкиси (Кистинцы) // Вестник Академии наук Чеченской Республики : Сборник. — 2020. — № 4. — С. 51—55.
- ↑ 1 2 Дишни Т. К вопросу расселения чеченцев в Панкиси (ce) // Таллам : Журнал. — 2021. — № 1(22). — С. 33.
- ↑ Алексей Головлёв. Очерки о Чечне: природа, население, новейшая история. Вектор-С, 2007 — С. 295
- ↑ Грузия и российско-грузинские отношения: проблемы и перспективы: информационно-аналитический обзор Лицевая обложка Центр политической информации, 2003
- ↑ Сулейманов, 2006, оа. 98.
- ↑ 1 2 3 4 5 6 Шавлаева Т. М., Садулаев Э. С. Чеченские тайпы в Панкиси // Вестник Академии наук Чеченской Республики : Журнал. — 2022. — № 1(56). — С. 69.
- ↑ 1 2 3 4 Дишни Т. Основатели образования в Панкисском ущелье // Актуальные проблемы чеченского языка и литературы: история и современность : Сборник. — 2021. — С. 183.
- ↑ И. А. Арсаханов: «Чеченская диалектология», 1969г, Чечено-Ингушское книжное издательство, г. Грозный
- ↑ Алироев И. Ю. Кистинский диалект чеченского языка // Известия : Сборник. — 1962. — Т. 3, вып. 2. — С. 5—6.
- ↑ Панкисское ущелье. Хоам хьаийца таьрахь: 27.10.2025. Архиваци яьй 27.07.2023.
- ↑ Алироев И.Ю., Маргошвили Л.Ю., 2006, оа. 15.
- ↑ 1 2 3 4 5 6 Шавлаева, 2017, оа. 96.
ТӀатовжамаш
- Куркиев А. С. ГӀалгӀай метта лексикологе керттера хаттараш = Основные вопросы лексикологии ингушского языка. — Грозный : Чечено-Ингушское книжное издательство, 1979. — 254 с. — 1000 экз.
Литература
- Сулейманов А. С. Топонимия Чечни / Ред. Т. И. Бураева. — Грозный: ГУП "Книжное издательство", 2006. — 711 с. — 5000 экз. — ISBN 5-98896-002-2.
- Гарданов В.К. Кавказский этнографический сборник. — Москва: «Наука», 1969. — Т. IV.
- Пареулидзе. ჩეჩნური ენის ქისტური დიალექტი. — Тбилиси, 2010. Архиве диллад 2024 шера тушола 30 дийнахьа.
- Шавлаева Т. М. Из истории развития культуры хозяйственной деятельности чеченского народа: XIX - начало XX вв.. — Москва, 2017. — 352 с.
- Алироев И.Ю., Маргошвили Л.Ю. Кистины. — М.: К448 Книга и бизнес, 2006. — 482 с. — 3000 экз. — ISBN 5-212-00948-0.