Саганаькъан Амира Адам
Са́ганаькъан Ами́ра А́дам (эрс: Сагов Адам Амирович) — Ерригроссе бӀарзача наьха юкъарлон гӀалгӀай региональни отделене тхьамада (ИРО ВОС). Эггара хьалха бӀаргаш дайнача наха́ лаьрхӀа адаптивни технологеш йола компьютерни моттиг хьайийла́р ва, ГӀалгӀай Республика дукха дика хӀамаш карагӀдийна культуран болхло ва. Ше бӀарза ва[1].
Биографи
Саганаькъан Адам ваьв 1984-ча шера аьтинга бетта 10-ча дийнахьа. Наьсарера № 2 йола ишкол яьккхай цо 2001-ча шера. Ишколе дийша ваьнначул тӀехьагӀа 2001—2002 шерашка цо яьккхай Наьсарера аграрни техникум. 2007-2010-ча шерашка тӀехдика дийша́ йистеяьккхай Кисловодскера лорий колледж. 2011-2014-ча шерашка Адама дийшад ГӀалгӀай паччахьалкхен университета психологе факультете[2].
Болх
2011-ча шера денз из ва Ерригроссе бӀарзача наьха юкъарлон гӀалгӀай региональни организацн кагирхой совета тхьамада (ИРО ВОС). Цу юкъарлон юкъе волаш, Адама дукха проекташ кхоачашъяьй, бӀарзача наха́ атто кхоллаш. 2015-ча шера денз ГӀалгӀай мехка къаман библиотеке болх бе вийхав «Йийла́ гонахье» (эрс: Доступная среда) яхача юкъарчен кулгалхо хургволаш, цига бӀарзача на́ха́ лаьрхӀа библиотека моллагӀа гӀулакх тӀакхоачилга хьадаьд. Из юкъарче ше 2014-ча шера йилла я, бӀарзача наьхаа юкъарлонца чӀоагӀагӀа бувзам бе аьттув хургболаш къахьегаш я из. 2021-ча шера Амира Адам цӀаькхазлагӀа хержав ГӀалгӀай бӀарзача наьха юкъарлон тхьамадалла[1].
Проекташ
• Доазув доаца спорт (эрс: Спорт без границ)
• Кагийча чемпионашта йола адаптивни теннис (эрс: Адапативный теннис для маленьких чемпионов)
• 3Д миниатюре йола ГӀалгӀайчен товшхал (эрс: Культура Ингушетии в 3Д миниатюре).
СовгӀаташ
• ГӀалгӀай Республика дукха дика хӀамаш карагӀдийна болхло (эрс: Заслуженный работник культуры республики Ингушетия)[1].
Белгалдаккхар
ТӀатовжамаш
- Интервью Альбики Газгириевой, члена Союза журналистов России,с председателем ИРО ВОС- Адамом Саговым. сайт Национальной библиотеки РИ. Хоам хьаийца таьрахь: 13.11.2024.
- История Адама Сагова. сайт Ингушского общества слепых. Хоам хьаийца таьрахь: 13.11.2024.