ТӀаршингах ловзар
ТӀаршингах ло́взар (эрс: игра в камешки) — ширача хана денз хьадоагӀа кхерех ловзар да.
Ловзара куц
Цу ловзара эш боккха герга пхиъ кхерилг. Биъ кхерилг шаьрача Ӏо а билле, цаӀ хьалкхувсаш царех цхьацца хьаэцаш чакхвоал, цул тӀехьагӀа шишша хьаэц, хьалкхессар а лаьтта Ӏобожийтац, тӀаккха кхоъи цӀаи хьаэц, тӀеххьара а биъэ кхера хьаэца беза, хьалкхессар ӀочубоаггӀаше а. Хьалкхувсар цхьа дол мара кертал лакха балийта йиш яц. Цул тӀехьагӀа пхиъэ кхера аьрда кулг Ӏо а оттадаь, аьтта кулг цун кӀалгӀолла чакхдаьккха, Ӏокхосс. ТӀаккха аьрда кулг нана пӀелгахи хьокха пӀелгахи ков ду, царех ковна гаргагӀа уллачох дӀа а ца кхетийташ, цхьацца боаккхаш, уж кхерий чакхдоах цаӀ урагӀкхувсаш, цунца цхьана из урагӀкхессар лаьтта Ӏо ца божийташ. Эггара тӀехьа ковнах чакхбоаккх гаргагӀа уллар, тӀаккха цаӀ хьалкхесса, биъэ кхера хьаэца беза цхьацца эцаш, е гарга ухка биъэ цхьана. Нагахьа санна хьалкхесса кхера Ӏобоже, е хьаэца безар ший ханнахьа хьа ца эце, е ковнах чакхбоаккхар чакх ца боаккхе, е боаккхе, е гарга уллачох чакхбоаккхар дӀакхете, ловзаш вар ваьгав оал. АргӀа кхычунга дӀакхоач[1][2].
Белгалдаккхар
- ↑ Мерешков, 1997, оа. 30.
- ↑ бераш — вай даимле
Литература
- Мерешков С. ГIалгIай ловзараш / оттадаьр Мерешков Султан. — Саратов : издательство «Детская книга», 1997. — 32 с.
 | Укх лустама́ кхыдола РУВИКИ лустамаш тӀатовжаш дац. |