ГӀалгӀайчен байракх
ГӀалгӀай Республика паччахьалкxен фаьтта (я), ГӀалгӀайчен фаьтта (эрс: Государственный Флаг Республики Ингушетии, Флаг Ингушетии) — ГӀалгӀай мехка керттерча паччахьалкхен белгалонех цаӀ. Байракх кӀайча бесара биъ са бола кӀада да, цун юкъе цӀеча округа йола хьарак а латташ, цу тӀара дӀайода хӀара зӀи чакхайоаллача дӀакъовланза болча округа хьисапе а йолаш. Байракха шорал цун дӀоахалца нийсдича — 2:3 да.
Сурт оттадар
Байракха лакхерчеи лохерчеи доакъой дерригача дӀоахала баьццарча беса ши оаса бода, царех хӀаране шорал байракха шоралах ялхлагӀа дакъа миссел долаш. Берката хьарака чурча округа зӀилорг байракха шорала цхьайттлагӀача даькъа боараме я. Берката хьарака зӀанараш чакхйоалача дакъовланза болча округа зӀилорг байракха шорала ткъаь пхелагӀача даькъа боараме я. Берката хьарака округ хьахулача оаса шорал байракха шорала цхьайттлагӀача даькъа боараме да. Берката хьарака зӀанарий оаса шорал байракха шорала ткъоалагӀача даькъа боараме да.
Берката хьарака зӀанарех цаӀ байракха дӀоахалга диллача нийсса урагӀа яха а ГӀалгӀай Паччахьалкxен байракха лакхерча даькъа тӀа а я. Берката хьарака зӀанараш чакхйоалача дакъовланза болча округа лакхерча йистаи арахьарча округаи юкъера юкъ байракха шорала ийслагӀача даькъа боараме я.
Берката хьарака зӀанараш берригача гонагӀа цхьатарра йовкъаш йолаш а сахьата гӀоаролга лелара духьала ерзаяь а я. ГӀалгӀай Паччахьалкхен байракх хила еза, цун боарам моллагӀа бале а, цунах яздаьчунца нийслуш.
Беса маӀанаш
КӀай бесо хьахьокх къаман цӀена уйла-нигат хилар; баьццара бесо Ӏалама беркат белгалдоаккха, иштта гӀалгӀай къамо лелабу Бусулба Ди; цӀе бос — гӀалгӀай халкъа лийна халои денали хьахьокх, цара шоай мохк безар белгало еш.