Чопанаькъан Висангире Оарцнакъа

Чопанаькъан Висангире Оарцнакъа
эрс: Чапанов Орснако Висангиреевич
Ваь моттиг	Санкт-Петербург, СССР
Венна таьрахь	2005
Паччахьалкхе	СССР →  Россе Федераци
Ӏилман никъ	филологи
Белха моттиг	НИИ, Йоккхача Ачалкхера ишкол
Ӏилманхой дарж	филологе Ӏилмай кандидат

Чопанаькъан Висангире Оарцнакъа (эрс: Чапанов Орснако Висангиреевич; Санкт-Петербург — 2005) — гӀалгӀай Ӏилманхо, хьехархо, филолог, филологе Ӏилмай кандидат, дошлоргаш оттадаьр.

Биографи

Чопанаькан Оарцнакъа 1957-ча шера гӀалгӀай къам ший мехка цӀаденачул тӀехьагӀа деша эттав Нохч-ГӀалгӀай хьехархой института филологически факультета гӀалгӀай метта отделене. Из цхьана деша ваьгӀав Оздой Гире Фирюзайца. Оарцнакъа ший сесагаца Темархананаькъан Хьавайца юртарча ишколе хьехаш хиннаб, 1960-ча шерашка баха дӀабахаб Шолжа-ГӀалий тӀа. Оарцнакъа болх баьб Ӏилман-тохкама институте метта отделе завсектора волаш, из новкъостал деш хиннав Оздой ИбрахӀима дошлорг оттадеш. Дукхача шерашка къахьийгад цо гӀалгӀай-эрсий дошлорг оттадеш. 1963-1967 шерашка Оарцнакъас болх баьб Йоккхача Ачалкхерча № 17 йолча ишколе кулгалхо волаш.

Фусам

Да — Чопанаькъан Джетса Висангири. Из ше Йоккхача Ачалкхера хиннав. Ший дезалца ваьхав Санкт-Петербурге. 1917-ча шера революци яьнначул тӀехьагӀа ГӀалгӀай мехка ва́ха цӀавенав. Ва́ха сецав Буро тӀа, цӀавенача юкъа из цига доккха цӀа дотта кхоаваьв. 1944-ча шерага кхаччалца ший дезалца цу чу ваьхав из. Саькура бетта 23-ча дийнахьа ГӀалгӀай къам мехках доаккхача хана, из ший вешийца Лорса́ца цу Буро тӀарча цӀагӀа хиннав, хӀаьта дӀахо мел бола дезал Йоккхача Ачалкхе хиннаб. Уж Казахехьа Ӏобигаб шоайла къоастабаь. Висангире дезал нийсабеннаб Кустанай областе, хӀаьта из ший вешийца Петропавловске. 1944-ча шера аьхки дезал лаха наькъа араваьннача, хала лазар лаьца кхелхав Чопанаькъан Висангири.

Нана — Кокурхой Кхаби. 1963-ча шера ший мехка цӀаенай, 1964-ча шера кхелхай.

Цун сесаг Темархананаькъан Хьава Муцолганаькъан тайпах хиннай. Цар виъ дезалхо хиннав: ши йоӀи ши воӀи — Темарлани, Тухани, Ляляи, Аннаи. Къонгех тӀемахой хиннаб, хӀаьта мехкарех — лораш.

Кхалхар

Висангире Оарцнакъа кхелхав 2005-ча шера.

Белгалдаккхар

ТӀатовжамаш

• Харсиева Лиля. Судьбы людские: История семьи Висангирея Чапанова и его потомков по следам старых фотографий (эрс.) // «Ингушетия» : газет. — 2024. — 6 февраля.