Айдардош

Айдардош (да) (эрс: междометие) — тайп-тайпара дега хоамаш белгалдоахаш леладеш дола гӀон къамаьла да́къа да. Айдардешаша белгалдоаккх гӀадвахар, цецвалар, кхеравалар, эгӀазвахар. Аьъ, фу дир Ӏа? Айяхь, ма доаккха лоа диллар. Ай, фу хиннад хьона^[1]?

Къамаьла чулоацамга хьажжа айдардешаш тайп-тайпара маӀан гучадоахаш лел. Аьъ яхача айдардешо цецвалара, гӀадвахара е цатоама маӀан гучадоаккх. Айяхь яхача айдардеша тамашъяра, цатоама маӀан хул^[1].

Айдардешашца лоархӀаш да оаз таръеш оалашдола дешаш. Уж цхьалха а чоалхане а хул. Чоалхане дараш овла шолха а кхолха а болаш хул: тӀох-тӀох, шарх-шарх, цӀюв-цӀюв, къарс-къарс, хьай-хьайт. Уж юкъе дефис йолаш язду^[1].

Айдардешаш предложене юкъе предложене маьженаш хилац. Предложене юкъе кхыча дешаех цӀомолгаца хьакъоастаду. Нагахьа санна чӀоагӀача оазаца хьаоалаш хуле, тӀехьа айдара хьарак оттаду: Ӏалаьлай! Оарц дала^[1]!

Белгалдаккхар

↑ ¹ ² ³ ⁴ Гандалоева, 2023, оа. 328.

Литература

Гандалоева А. З. ГӀалгӀай мотт. — Назрань : ООО «КЕП», 2023. — 328 с.

[_c1f5e2e04e686293-1] ¹ ² ³ ⁴ Гандалоева, 2023, оа. 328.

[1]