Албохчанаькъан Оарцха АртагӀа

Албохчанаькъан Оарцха АртагӀа
эрс: Артаган Орцхоевич Албогачиев
Ваь таьрахь	1914
Ваь моттиг	Экажакъонгий-Юрт, НГӀАССР
Кхелха таьрахь	3 бекарга 1984(1984-04-03)
Кхелха моттиг	Эккажакъонгий-Юрт, Наьсарен шахьар, Нохч-ГӀалгӀай АССР, РСФСР, СССР
Паччахьалкхе	СССР
Леладу гӀулакх	звеньевой
СовгӀаташи премеши

Албохчанаькъан Оарцха АртагӀа (эрс: Артаган Орцхоевич Албогачиев; 1914, Эккажакъонгий-Юрт — 3 бекарга 1984, Эккажакъонгий-Юрт, Нохч-ГӀалгӀай АССР) — совхоза болхло ва, «Экажакъонгий-Юрта» цӀи йолча совхоза звеньевой хиннав. Социализма къахьегама турпал ва.

Биографи

Экажакъонгий-Юрта ваьв 1914 шера. Леймой тайпан ва. Юххьанцара ишкол яьккхачул тӀехьагӀа юртбоахаме болх баьб. 1944 шера дерригача къамаца цхьана мехках ваьккхав. 1958 шера мехка цӀавенав. ХьажкӀа дӀаювш кхееш хиннав. КӀезига ха яьлча меттигерча «Экажевский» яхача совхоза звеньевой хила хержав.

1968 шера коартол лелаю звенонна керте оттаваьв, цу хьалхарча шера цун звенос планах йолчул диазза сов коартол яьккхай. Ша техачул тӀехьагӀа а дика хьувкъам эца аьттув боалар цун. АртагӀас а цун новкъосташа а къахьегаш хиннача кханах цун цӀерагӏа «АртагӀа кха» оалаш хиннад

СССР Лакхерча Совета Президиума амарца 1971 шера бекарга бетта 8-ча дийнахьа Албохчанаькъан АртагӀийна «Социализма къахьегама турпал» яха звани еннай. Совгӏатаца доагӏача каьхата тӏа яздаь хиннадар:

«Юртбоахама производство дегӀайоалаяра тӀехьа белгала долча карагӏдаьннарех а, паччахьалкхенна лаьтта леладара а доахан леладара а сурсаташ дӀадохкара пхе шерара план кхоачашъяра тӀехьа а, СССР Лакхехьарча Совета Президиума 1971 шера бекарга бетта 8 арадаьккхача Амарца Социалистий Къахьегама Турпал яха цӀи еннай Наьсарен шахьара „Экажевский“ совхоза звеньевой волча Албохчанаькъан Оарцха АртагӀанна».

Ший меттала (эрс.)

«За выдающиеся заслуги, достигнутые в развитии сельскохозяйственного производства и выполнении пятилетнего плана продаж государству продуктов земледелия и животноводства, Президиум Верховного Совета СССР Указом от 8 апреля 1971 года присвоил звание Героя Социалистического Труда Албогачиеву Артагану Орцхоевичу, звеньевому совхоза «Экажевский» Назрановского района».

1971 шера КПСС XXIV съезда делегаталла хержав из. Союза лоадам бола персональни пенсионер а хиннав из.

Ший Экажакъонгий-Юрта ваьхав из, цига Ӏоажал а кхаьчар цун 1984 шера бекарга бетта 3-ча дийнахьа.

Фусам

Саг йоалаяь хиннав. Воӏ — Хьасан, йоӏ — Тамари.

СовгӀаташ

• Ленина орден (1971 шера бекарга бетта 8-ча дийнахьа);
• Къахьегама ЦӀеча Байракха (1973 шера оагӀой бетта 7-ча дийнахьа);
• Октябрьски Революцен орден (1976 шера оагӀой бетта 23-ча дийнахьа);
• мейдилгаш.

Белгалдаккхар

ТӀатовжамаш

• Албогачиев Артаган Орцхоевич  (эрс.). Сайт «Герои страны».