Арсмаканаькъан Махьмад-Гире Исраил
| Арсмаканаькъан Махьмад-Гире Исраил | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Шийх бола хоам | ||||||||||||||||||||
| МаӀа е кхал хилар | маIа | |||||||||||||||||||
| Паччахьалкхе |
 СССР →  Россе Федераци |
|||||||||||||||||||
| Специализаци | Еза атлетика | |||||||||||||||||||
| Клуб | «Динамо» (Шолжа-ГӀала) | |||||||||||||||||||
| Ваь таьрахь | 8 саькура 1962 (64 шу) | |||||||||||||||||||
| Ваь моттиг | Шолжа-ГӀала, Нохч-ГӀалгӀай АССР | |||||||||||||||||||
| Тренер | Коазой Ӏабиболта ИбрахIим | |||||||||||||||||||
| Лакхал | 169 см | |||||||||||||||||||
| Дозал | 82,5-90 кг кхаччалца | |||||||||||||||||||
|
СовгӀаташ/мейдилгаш
|
||||||||||||||||||||
Арсмаканаькъан Махьмад-Гире Исраил (эрс: Арсама́ков Исраи́л Магомедгире́евич 8 саькура 1962, Шолжа-ГӀала) — еза хӀамаш ийю советий атлет ва. СССР а Европан а чемпион. Дунен чемпионата яхьарат даьккхар ва. ЗӀилбухерча Силлойче Сеуле 1988-ча шера хинна аьланпхье чемпион ва. Дукха дика хӀамаш карагӀдийна СССР спорта пхьар (1988 шу), Гӏалгӏай Мехка Дешареи Ӏилмани министерствон кулгалхочун когаметтаоттар (2019 шу), ГӀалгӀай Мехка спорта министерствон кулгалхочун когаметтаоттар (2020 шу).
Биографи
Дешар
Арсмаканаькъан Исраил ваьв 1962-ча шера саькура бетта 8-гӀча дийнахьа. Шолжа-ГӀалий тӀа Нохч-ГӀалгӀай паччахьалкхен хьехархой институт яьккхай цо, физически товшхалах йолча факультете дешаш. Цул тӀехьагӀа хьехархо волаш болх баьб. «Динамо» яхача спорта юкъарлонгахьа волаш яхье вувлаш хиннав (Шолжа-ГӀалий тӀа). Нохч-ГӀалгӀай АССР-е гӀалгӀаште нохчаштеи юкъе эггара хьалхагӀа аьланпхьен чемпион хиннав цох. 1990-ча шерашка Россе халача атлетиках йолча федераце президент хиннав Исраил. ЛоӀамеча кӀалтохаргах лета дукха ха хиннай из, дӀахо ловза лерхӀаш а хиннав. Цкъа тренера Дзгоев Асланбека цунна хьалхадаьккхад, штангаш ийъяр цунна дикагӀа карагӀдоалалга. Цул тӀехьагӀа цо вигав из Коазой Ӏабиболата ИбрахӀим тренер волча езача атлетикан зале. Цу хана дӀаболабеннаб цун штангиста никъ.
Болх
Исраила ше да́къа лоацаш яздаь да «Штангист Исраил Арсамаков» яха книжка, яздаьр ва Александр Скляренко[1]. Кавказахойи[2] и ГӀалгӀайи ловзараш дӀадахьа дагадехар ва[3][4].
2009-ча шера Исраила ГӀалгӀайчен мехкдаь гӀонча волаш ГӀалгӀай мехка дӀадихьад духхьашха шоашта тӀехьа «Кавказхой ловзараш» хьийха дола «ГӀалгӀай ловзараш».
«Кавказера ловзараш» — хӀара шера Къулбаседа Кавказерча тоабашта юкъе дӀакхухьаш дола спорта къовсамаш да. Уж ловзараш дӀакхухь товшхал чӀоагӀъяри, иштта Къулбаседа Кавказа къамашта юкъера бувзам чӀоагӀбари духьа[5].
2019-ча шера Арсамаканаькъан Исраил болх беш хиннав Дешареи Ӏилмани министерствон кулгалхочун Къоастой Ювсапа когаметтаоттар волаш[6].
2020-ча шера Исраила ГӀалгӀай Мехка спорта министерствон кулгалхочун когаметтаоттара дарже болх баьб[7].
Цо яьха кубкаши, майдилгаши, цун сурташи, грамоташи Малсаганаькъан Т. цӀерагӀа йолча мохктохкама музее я. Уж Исраила ше дӀачуеннай массаза цу чу лелаергйолаш. Иштта цу музее хьокха оттадаь латт Поаланкой Мурада даь аьланпхье чемпион Арсамаканаькъан Исраил тӀавола сурт.
Толамаш
- Чемпион 1988-ча шера Сеуле?! хиннача аьланпхьен ловзарашка юкъерча дозалах (шин гӀулакха жамӀа — 377,5 кг; катохар — 167,5 кг; таттар — 210 кг).
- Дото яхьарат даьккхар Болгаре 1986-ча шера хиннача Дунен чемпионате юкъерча дозалах (шин гӀулакха жамӀа — 390 кг; катохар — 177,5 кг; таттар — 212,5 кг).
- 1986-ча шера Европай Чемпион юкъерча дозалах (шин гӀулакха жамӀа — 382,5 к; кхоссавалар — 170 кг; таттар — 212,5 кг).
- 1985, 1986, 1988 шерашка СССР Чемпион.
- 1979, 1980 шерашка СССР Кубок яьккхар.
- 1979-ча шера Чемпион СССР — (катохар −160 кг)
- 1980-ча шера СССР Чемпион (катохар — 165, таттар — 197,5 кг)
- 1981-ча шера СССР Чемпион
- 1983-ча шера СССР Чемпион (катохар — 222,5 кг, дозал 90 кг).
- 1982, 1983, 1987 шерашка СССР-а чемпион, дото яхьарат даьккхар.
- Дунен рекорд — 179 к.
Дезал
1993-ча шера цо маьре йоалаяьй Глушко Оксана Николаевна. Цар виъ дезалхо ва: къонгаш Берс, Исмаил, Аслан-Гири, йоӀ Кани.
Белгалдаккхар
- ↑ Александр Скляренко. Штангист Исраил Арсамаков. Хоам хьаийца таьрахь: 8.09.2025. Архиваци яьй 4.09.2014.
- ↑ Фестиваль «Кавказские Игры». Хоам хьаийца таьрахь: 8.09.2025. Архиваци яьй оригинала тӀара 3.09.2014.
- ↑ Ингушские игры в Магасе — 2009 год. Хоам хьаийца таьрахь: 8.09.2025. Архиваци яьй оригинала тӀара 3.09.2014.
- ↑ Северный Кавказ предлагает национальные пути развития спорта. rfsport.info (8.10.2010). Хоам хьаийца таьрахь: 8.09.2025. Архиваци яьй оригинала тӀара 10.08.2016.
- ↑ Измайлова Роза. Исраил Арсамаков -первый победитель Олимпиады из Чечено-Ингушетии. https://igmkri.ru/ (23.10.2020). Хоам хьаийца таьрахь: 9.09.2025.
- ↑ Ибрагим Цороев. Назначен новый заместитель министра образования и науки Ингушетии // Ингушетия : газета. — 2019. — 30 апреля.
- ↑ Пресс-служба Минспорта Ингушетии. Исраил Арсамаков назначен заместителем министра спорта Ингушетии. minsportri.ru (24.01.2020). Хоам хьаийца таьрахь: 9.09.2025.
ТӀатовжамаш
- Повесть Александра Скляренко «Штангист Исраил Арсамаков» на сайте «Проблемы тяжёлой атлетики»
- Не жрите допинг и не будет такого Архиве диллад 2019 шера лайчилла 7 дийнахьа. — Арсмаканаькъан ИсмаӀала Speakercom яхача мазаоагӀон тӀара колонка
Литература
- Муса Гешаев. ЦӀихеза гӀалгӀай = Знаменитые ингуши. — Турин: STIG, 2003. — Т. 1. — С. 414—417. — 620 с. — 2000 экз.
 Езача атлетиках юкъерча дозалах бола аьланпхье чемпионаш | |
|---|---|
| |
.svg){kind=small}
.svg){kind=small}
- Баьб саькура бетта 8 дийнахьа
- Баьб 1962 шера
- Нах алапатах
- Баьб Шолжа-ГӀалий тӀа
- Дукха дика хIамаш карагIдийна СССР спорта пхьараш
- Спортсменаш алапатах
- ГӀалгӀайчен спортсменаш
- ГӀалгӀай спортсменаш
- Нохчий паччахьалкхен хьехархой университет яьккхараш
- СССР еза хӀамаш йиъераш
- Езача атлетиках бола СССР чемпионаш
- 1988 шерарча ахкан Аьланпхье ловзарий чемпионаш
- 1988 шерарча ахкан Аьланпхье ловзарий еза хӀамаш ийъераш
- Еза хӀамаш йиъярах Европай чемпионаш
- Еза хӀамаш йиъярах СССР кубок яьккхараш