Байсаранаькъан Бэла

Байсаранаькъан Бэла
Яь таьрахь	4 оагӀой 1986(1986-12-04) (39 шу)
Яь моттиг	Нальчик[d], РСФСР, СССР
Паччахьалкхе	СССР  Эрсече
Леладу гӀулакх	артистка

Байсаранаькъан (Макоева) Аслана Бэла (эрс: Бэла Аслановна Базоркина (Макоева); 4 оагӀой 1986, Нальчик^[d]) — гӀалгӀай иллиалархо, актриса, хоамбоаржабархо, «Лица» яхача телепередаче хьалхе дӀакхухьар, ГӀалгӀай Республикан дукха дика хӀамаш карагӀдийна артист.

Биографи

Дешар

Бэлас дийша йистеяьккхай Россе театра исбахьален институт ГИТИС. Из болх беш я Эрсий паччахьалкхен мукъама-драматически театреи, Хамхой А. цӀерагӀа йолча филармонеи. «ГӀалгӀайче» яхача паччахьалкхен телерададиокомпане, хьалхе дӀакхухьаш, цо лелаю «Лица» яха передача. Цун передаче дӀакъалоацаш хиннаб дукха цӀихеза нах. Иштта Бэла Россе кхалнаьха юкъарлон гӀалгӀай отделене доакъашхо я.

Кхоллам

Цун совгӀаташта юкъе да Нальчике «БО-НА-МИ» яхача дунен къамашта юкъерча мукъама яхьарашка даьккха дола I даржах дола диплом, Стамбуле «БО-НА-МИ» яхача дунен къамашта юкъерча мукъама яхьарашка даьккха дола II даржах дола диплом, «Къулбаседа Кавказа къона оазаш» яхача яхьарашка даьккха диплом.

Бэлай цӀихезача иллешта юкъе да «Асса», «Зама», «Ца воагӀаш ма Ӏелахь», «Горы», «Ты и я», «Са къам», «По небу», «Весна» яха иллеш.

2014-ча шера Бэлас Байсаранаькъан Зарайца дакъа лаьцад «Твой выход» яхача 1-ча каналах араювлача шоу «Перемирие» яхача иллеца.

2026-ча маьцхали бетта «Дыкъыздэгъафэ» яха илли даьккхад гӀаьбартой мехкарча артистаца Цавкилов Азаматаца. Цу шера из дакъа лоацаш хиннай Доврбиканаькъан Ӏимрана даьккхача Вендетта яхача кино чу. Иштта из болх беш я Шансон яхача радио а, цул совгӀа хьоалчагӀашка, тхьамада йолаш, хьалхе дӀакхухьаш а.

Бэла иллиалархо а актриса а хинна ца Ӏеш виъ дезалхочун нана я.

Белгалдаккхар