Байсаранаькъан Зара
| Байсаранаькъан Зара | |
|---|---|
 | |
| Яь таьрахь | 13 ардара 1977 (48 шу) |
| Яь моттиг |
 СССР |
| БӀорахол |
 Россе Федераци |
| Леладу гӀулакх | артист |
Овшанаькъан Ӏальдархана Зара, маьре яхачул тӀехьегӀа: Байсаранаькъан Зара (эрс: Базоркина Зара Альдерхановна; 13 ардара 1980) — ГӀалгӀай халкъа артистка, РФ театра болхлой юкъарлон гӀалгӀай отделенен доакъашхо.
Биографи
Байсаранаькъан Зара яьй 1977-ча шера ардара бетта 13-ча денна. 1994-ча шера из деша эттай Щукина цӀерагӀа йолча институте. Дийша йистеяьннай 1998-ча шера. Болх беш я ГӀалгӀай Республикан эрсий паччахьалкхен мукъама-драматически театре. 2015-ча шера денз цу театре из болх беш я исбахьален кулгалхо йолаш[1].
Болх
1998-ча шера шийца деша баьгӀача новкъосташца мехка цӀа а ена, царна нийсса къахьийгад цо гӀалгӀай театр «Заманхо» (эрс: Современник) кхоллаш[2]
Актера говзал ди денгара мел доала совъяьннай. Цу ловзаяьй дукха ролеш: Банти, Наси, Батази «Боадонгара» яхача спектакле, йоӀ «Эй, кто-нибудь» яхача гойтаме, кхо роль «Сон, или Картинка в цветах» яхача спектакле иштта кхыла ролеш а.
Зарас дакъа лийцад дукхача яхьарашка: «Хризантема» (Москва); «Доазув доаца театр» (Магнитогорск); «Салют победы» (Ростов-на-Дону); «Кавказа машар» (Майкоп, Ростов-на-Дону, Нальчик);кагирхой дельфийски ловзараш (Саратов); «Романсиада» (Москва); «Дика лоалахой» (Элиста).
2008-ча шера «Современник» яхача театра-студе цӀи хийцай ГӀалгӀай Республикан эрсий паччахьалкхен мукъама-драматически театр аьнна. ЦӀи хувцарца театра репертуар а шеръеннай. Цул тӀехьагӀа хинна ролеш: Дуняша, Агафья Тихонова («женитьба», Н. В. Гоголь), Наталья Степанова («Предложение», А. П. Чехов), Ия («Пиросмани», Э.Кузнецов), Аркадина («Чайка», А. П. Чехов), «Людмила» (Лист ожидания) Роза («Золотой укол», Б.Шадыжев, Гошмох (Закон отцов, И. Базоркин), Роза («Мочхо», М. Базоркин), Батази («Боадонгара», И. Базоркин), Нина («Паспорт», М. Базоркин), иштта кхыйола ролеш.
«Наш выход!» яхача шоу дакъа лоацаш хиннай 2015-ча шера «Россия» яхача каналах. 2015-ча шера денз Зара болх беш хиннай Эрсий паччахьалкхен мукъама-драматически театра кулгал леш. Цо дакъа лоацаш, вӀашагӀъеллай тоаба «Лоаций», тоаба къахьегаш я къаман а европай мукъама-вокальни эклетика дегӀайоалаеш. Цу проекте арахийцай клип «За далью даль». Клип хьахьекхай «NEBISET», «Девятая волна» яхача каналех. 2026-ча шера, хӀанзарча хана, из дакъа лоацаш я ший мара, Байсаранаькъан МикӀаьила сценарех оттаеча "Сон или картинки в цветах яхача спектакла юкъе. 2022-ча шера бекарга бетта денз мукъама-драматически театра кулгалхочун даржера дӀаяьннай.
СовгӀаташ
• Даьхенна хьалхашка карагӀдийннарех (ордена майдилга кавалер II даржах)
• ГӀалгӀай Республикан халкъа артистка
Белгалдаккхар
- ↑ Харсиева Лилия. Зара Аушева-Базоркина — одна из героинь юбилейного журнала, посвящённого 80-летию Союза женщин России. gazetaingush.ru. Хоам хьаийца таьрахь: 21.09.2025.
- ↑ Харсиева Лилия. Зара Базоркина: «Театр — это часть моей жизни». gazetaingush.ru. Хоам хьаийца таьрахь: 21.09.2026.
ТӀатовжамаш
- Харсенаькъан Лилия. Зара Базоркина: «Театр — это часть моей жизни» (10.01.2020). Хоам хьаийца таьрахь: 12.01.2025.