Боканаькъан Къурейша Мустафа

Боканаькъан Къурейша Мустафа
Ваь таьрахь	23 маьцхали 1986(1986-08-23)
Ваь моттиг	СоагӀапче, НГӀАССР, СССР
Кхелха ха	15 маьтсела 2023(2023-05-15) (36 шу)
БӀорахол	Россе Федераци
БӀун тайпа	Россе Федерацен Мехка низ
Звани	подполковник
СовгӀаташи премеши

Бо́канаькъан Къуре́йша Мустафа́ (эрс: Боков Мустафа Курейшевич; 23 маьцхали 1986, Соагӏапче, Нохч-ГӀалгӀай АССР — 15 маьтсела 2023) — Россе эпсар, подполковник, 58-ча гварде бӀун юкъе мотострелкови батальона хьовда, ТӀема спецопераце доакъашхо. «Дошо седкъа» яха майдилг яларца белгалваьккха вола Россе Федераце Турпал (08.07.2023) .

Биографи

Мустафа ваьв 1986-ча шера маьцхали бетта 23-ча дийнахьа Нохч-ГӀалгӀай АССР МагӀалбика шахьарерча СоагӀапча. 2003-ча шера цо йистеяьккхай СоагӀапчара юкъера ишкол.

2007-ча шера дийша йистеяьккхай Москвера лакхера тӀема гӀулакха йола дерригача эскарий командни училище. БӀул кхоачашдеш хиннав ЗӀилбухерча тӀема округа 58-ча эскара 42-ча гварде мотострелкови дивизе 71-ча гварде мотострелкови сура́ юкъе эггара хьалха мотострелкови взвода хьовда волаш, цул тӀехьагӀа батальона хьовда волаш.

2022-ча шера саькура бетта 24-ча дийнахьа денз из дакъа лоацаш хиннав Россе Украине дӀахьош йолча тӀема спецопераце 58-ча гварде дерригача бӀений эскара батальона хьовда волаш. 2023-ча ча шера маьтсела бетта 15-ча дийнахьа тӀема декхар кхоачашдеча хана чов хинна кхелхав.

Маьтсела бетта 18-ча дийнахьа дӀавеллав ГӀалгӀай Мехка ше ваьхача юрта.

Дагалоацам

Боканаькъан подполковника цӀерагӀа я СоагӀапчара № 30 йола ишкол.

СовгӀаташ

• Россе Федерацен Турпал (2023);
• Къонахчала орден;
• «ТӀема гӀулакха карагӀдаьннарех» орден;
• «БӀухочун деналах» 1-ча лагӀах йола мейдилг;
• «БӀул кхоачашдеш белгалваларах» 3-ча лагӀах йола мейдилг.

Белгалдаккхар

ТӀатовжамаш

• Герои Z. Мустафа Боков