Ислам

Ислам (да), е Бусалба ди (ба) (Ӏар. إسلام‎‎‎, эрс: Ислам, ингал: Islam) — Даьла цаӀ веш бола, ИбрахӀима ди. «Ислам» яхача деша маӀан да «Хье Даьлага дӀавалар», (Даьла шарӀанна) «мутӀахьа хилар». Бусалба ди 28 мехка паччахьалкхен ди аьнна чӀоагӀбаь ба.

Бусалба наха хетачох, ислам даима хиннад, хӀаьта цун тӀеххьара шарӀа, Григоре ханоргах лаьрхӀача, VII (ворхлагӀча) бӀаьшаре Ӏарбий ахгӀайрен тӀа кхайкадаьд, Хиджаз яхача малхбузехьа улача мехка. Ислам леладар эггара хьалха шин хӀаман тӀа тайжа да: КъорӀан тӀеи (бусалба наха АллахӀа дош лоархӀа жай) сунната тӀе (Мухьаммад Пайхамара, АллахӀа салоти салам-моаршали хилда цунна, никъ).

Ислам леладечарех «бусалба нах» е «бусалбаш» оал.

ТӀатовжамаш