Суннат

Суннат (да) (Ӏар. سنة‎ «Ӏадат; хьокхам») — Мухьаммад Пайхамара, ﷺ, никъ. Суннат лоархӀ Мухьаммад пайхамара, ﷺ, леладаьр (фиӀль), цо дийцар (къовль) е могадаьр (такърир). Суннатах лоархӀ ишта а асхьабаша леладаь, цар барт тайна хӀамаш. Суннат деррига бусалба уммата́и хӀара бусалба сагаи хьокхам ба. Ислама бокъоний (фикъхӀан) шоллагӀа хьаст ба Суннат (КъорӀа даьлча).

Суннат ислама бокъо фикх санна шоллагӀча метте лат КъорӀа тӀеххьа, цо цу чу дувцар чӀоагӀду, доашх. Бусулба сага вахара керттера дакъа да Мухьаммад пайхамара сунната тӀехьа хилар. Иштта кертте латт бусулба саг динагахьа соввоаккхаш суннат Ӏомадар. Бусулба дингахь факъихӀ хила цхьаь цхьа саг шиш болаш вац, нагахьа санна из суннат довзаш веце. Хьалхарча кхаь бӀаьшера суннат яхача дешаца Ӏакъидат (саг теша хӀамаш) белгалдоаккхаш хиннад, амма тӀехьагӀа цун маӀан Ӏамала (саго хьадеча хӀамаш) тӀа даьккхад дукхагӀа.

Мухьаммада пайхамара леладаьр да ﷺ суннат (фиӀль), цо дийцар (къовль) е могадаьр (такърир). Суннат багара бага доаккхаш Мухьамада асхьабаша кхайкадаьд, хьадисашца дӀачӀоагӀдаьд хӀиджрата II—III-ча бӀаьшерашка (григоре ханоргах VIII—IX бӀаьшерашка. ХӀара хьадис иснадахи матнахи латт.

Мухьаммад пайхамар, ﷺ, кхелхачул тӀехьагӀа суннато новкъостал деш хиннад халифата дукхача хаттарашкахьа. Цун лоархӀам боккха хиннаб, суннат леладаьд IX—X бӀаьшерашка денз Къуръан даьлча шоллагӀа лоадам болаш. Уж шоайла нийса леладер дувц усуль ад-дина яхача бовхамех долча трактаташка. Суннат кхетаде йиш я АллахӀа суннат аьнна а, Мухьаммада пайхамара, ﷺ, суннат аьнна и, иштта хьалхарча даькъала баьча халифий суннат аьнна а — из деррига суннат исламагахь могадаьр да.

Белгалдаккхар

Литература

• Ньюби Г. Краткая энциклопедия ислама = A Concise Encyclopedia of Islam / Пер. с англ.. — М.: Фаир-пресс, 2007. — 384 с. — 3000 экз. — ISBN 978-5-8183-1080-0.
• Пиотровский М. Б. ас-Сунна // Ислам: энциклопедический словарь / Отв. ред. С. М. Прозоров. — М. : Наука, ГРВЛ, 1991. — С. 214. — 315 с. — 50 000 экз. — ISBN 5-02-016941-2.