Гатауллин Рустам Шакирьянович

Рустам Гатауллин
баш. Рөстәм Шакирйән улы Ғатауллин
Ваь таьрахь	2 маьцхали 1963(1963-08-02) (63 шу)
Ваь моттиг	Мечетлински шахьар Республика Башкортойче
Паччахьалкхе	СССР  Эрсече
Ӏилман никъ	экономика, статистика
Дешар	Уфера статистикеи информатикеи дагардара техникеи колледж[d] (1983) Ерригроссе заочни ахчан-экономикан институт[d] (1999)
СовгӀаташи премеши	(2020)

Руста́м Шакирья́нович Гатау́ллин (баш. Рөстәм Шакирйән улы Ғатауллин; 2 маьцхали 1963, Лемез-Тамак^[d], Башкортой Автономни Советий Социалистически Республика^[d]) — россе экономист, статистикахо, паччахьалкхени юкъарлени болхло.

Дуненмаза-энциклопеден «РУВИКИ» регионашкарча разделашца белха координацен отдела кулгалхо хиннав. 2024 шера денз керттерча кулгалхочун гӀонча ва.

Биографи

Гатауллин Рустам ваьв 1963-ча шера маьцхали бетта 2-ча дийнахьа Башкортойчен Мечетлински шахьаре. 1983—1985 шерашка бӀул деш хиннав Советий эскаре. 1985-ча шерагара 1998 шерага кхаччалца тайп-тайпара белхаш даьд механик а, инженер-программист а, инженер-проектировщик а волаш.

1998-ча шерагара 2001-ча шерага кхаччалца начальником Мечетлински лаьтта статистикай отдела хьаким хиннав. 2001-ча шерагара 2003-я-ча шерага кхаччалца — Башкортой Республика статистикагӀа йолча паччахьалкхен комитета тхьамада когаметтаоттар хиннав. 2003-ча шера — Башкортой Республика паччахьалкхен статистикай комитета тхьамада когаметтаоттар. 2005-ча шера денз — Башкортой Республике гӀолла йолча паччахьалкхен статистикай Федеральни Ӏамала лаьтта тӀарча маьжен кулгалхочунна когаметтаоттар ва.

18 Ӏилман болх кепатеха арабаьккхаб. Башкортой Республика хоамбоаржабархой союза доакъашхо ва (2018 шера денз).

2023-ча шера денз — «РУВИКИ» яхача Россе дуненмаза-энциклопеден регионашкарча разделашца белха координацен отдела кулгалхо хиннав. 2024-ча шера из хьожаваьв генеральни кулгалхочун гӀончалла.

Керттера болх беча юкъа цо кхы а болх баьб Большеустьикински № 1 йолча ишколеи, Уферча статистикеи информатикеи дагардара техникеи колледжеи, Башкортойчен мехкдаь паччахьалкхен гӀулакхеи урхалеи академеи, Уферча паччахьалкхен экономикеи сервисеи университетеи, Москверча паччахьалкхен социальни университетеи.

Юкъарлен болх

2015 шера — IV-гӀча Дерригдунен башкортой курултай (конгресса) делегат хиннав, исполкома доакъашхо а волаш.

Рустам Гатауллин — Россе чухьа Викимедиа лелама хьинаре доакъашхо ва, къаьстта башкортойи эрсийи Википедешка.

СовгӀаташ

• Салават Юлаева орден (2022)
• Дерригдунен башкортой курултай (конгресса) мейдилг «Неси людям солнца свет» (2021)
• Федеральни къамай гӀулакхегӀа йолча агентства метташ дукха хилар лорадарах луш йолча «Ключевое слово» яхача Ерригроссен юкъарлен премен лауреат (2020)
• Вики-премен лауреат 2014 а 2018 а шерашка
• Статистикай отличник (2010 шу)
• Республика Башкортойчен дукха дика хӀамаш карагӀдийна экономист (2003 шу)
• Хьарак «За активность в проведении Всероссийской переписи населения 2002 года»
• Мейдилг «За заслуги в проведении Всероссийской переписи населения»
• Мейдилг «За заслуги в проведении Всероссийской селькохозяйственной переписи»
• Хьарак «Отличник Советской Армии».

Кхолламаш

• Рустам Нурыев. Реальные истории старого служака из Кряжа  (неопр.). Проза.ру.
• Села и деревни рода Кошсо / сборник материалов = Ҡошсо ырыуы ауылдары. Мәғлүмәт йыйынтығы (башк.) / сост. Гатауллин Р. Ш. — Уфа, 2007. — 132 с.
• Мы — мечетлинцы! Книга 1: Важен каждый / сборник очерков, статей, интервью разных авторов о мечетлинцах = Беҙ — Мәсетле! 1-се китап: Һәр беребеҙ мөһим (башк.) / сост. Рустам Нурыев. — Уфа, 2014. — 237 с.

Белгалдаккхар

ТӀатовжамаш

• Гатауллин Рустам Шакирьянович  (неопр.). Кто есть кто в республике Башкортостан.