Гирлянда

Электрические гирлянды используются для украшения загородных домов

Гирля́нда (фер. guirlande, итал. ghirlanda, от лат: gerrae — плетение) — зизаех, гаьна ткъовронех, гӀаьнаш доахкача хетолгех, сомех латта, кӀада́ оасашца хетта йола ―бандельверкашца, банташца, маскаронашца, букраниянашца ― декоративни мотив я. Венокаца е ожерельеца йола башхало я гирлянда орнамента мугӀурех йола элемент хилар, цудухьа дукхагӀа йолча хана гирлянда тайп-тайпарча гомий, бордюрий, кантий композицен юкъекхухь^[1].

Тархьар

Гирляндаш хьаеш я ширача хана денз. 2006-ча шера Мисаре паччахьахьий аре, саркофагашка, кораь хиннай дошоча таьшца вӀашагӀдехка долча зизаех хьаяь йола гирляндаш^[2]^[3]^[4]. Гирляндаш нийслу антични доазон тӀа, къаьстта эллинойи румеи хан-юкъа́. Классикан архитектуре цу мотивах фестоном аьнна цӀи йоаккх.

Италехьен Возрождене хана чухь гирляндаш юкъе кхухьаш хиннай гротеска композицена юкъе. Классицизм, борокко наькъа тӀа лелаяьй атхитектуран ордере: гирляндий мугӀараш къоастадеш хиннад дӀоаххал доахкача баган е гергача розеткай кепе долча элементашца.

Гирляндаш яьржай Фаьренгий Регентствон, Рококо хана. Гирляндий раман юкъе хиннай шпалер, царца кийчдеш хиннад маӀача наьхеи, кхалнаьхеи барзкъаш, сурташ, гравюраш, вӀашагӀъехкаш хиннай рокайляшца, картушашца.

Россе мехка гирляндаш лелаяьй барокко хана денз. Меншикова гӀала́ хьалхашка яьдай гирляндаш: хьалхарча гӀата кора́ лакхегӀа, порталашта лакхегӀа, цул совгӀа царца кийчдаь хиннад волюташ, капителеш.

Эрсий классицизма, ампира архитектуре а хиннай гирляндий мотив. Санкт-Петербургера Александрийски театра хьалхашке кийчъяь я театра мӀаьжгашца кхоачашъяь йолча гирляндий мотиваца. Цу тайпара мотиваш го йиш я Троице-Измайловски соборе.

Электрически гирлянда

Румынская электрогирлянда «Luminare» с плафонами в виде кувшинок

Ёлочная электрогирлянда ЁГ-1, МЭЛЗ, 1949 год

Советская ёлочная гирлянда

Гирлянда я электрически саьргаца вӀашагӀъехка йола сегача лампилгех е светодиодах яь зӀи. Рождество, Керда шу цӀай долча хана электрически гирляндаш куцала лелаю, корсамаш хозъеш, цӀенош кийчдеш.

1985-ча шера США эггара хьалха арахийцай электрически гирлянда, цунца къоагадаьд КӀай цӀа. Цу хана денз кӀерамашта когаметта лелеяьй уж.

Советий Россе хана хьалхара гирляндаш арахийцай 1938-ча шера, эггара хьалха арахийца корсама гирлянда ший ханага хьежжа цӀи йолаш хиннай — ЁГ-1 — , 13 вольтах йолча цӀе, сийна, баьццара, ӀажагӀа, сийна-шаькъа бесса лампилгех латта цун зӀанараш шин мугӀарах йолхаш хиннай. ЁГ-1 гирляндаца сов кхо лампилг хиннай, зӀанарех ца1 яьгача дӀахувцаргйолаш^[5].

XX бӀаьшере 90 шерашка кхачалехьа гирляндий лампилгаш хувца йиш йолаш хиннай. СССР Москова Электролампови заводе хьаеш йола гирляндаш тайпа-тайпара кепаш йола лампилгаш тӀайоахкаш йолча патронех лаьттай^[6]. Кхыйола советий гирляндаш тайп-тайпара кеп йола пластмассах яьча плафонех лаьттай.

ХӀанзарча хана цӀихеза я светодиодни техника яларца светодиодни, волоконно-оптически гирляндаш.

СМИ яхачох, 2024-ча шера цӀихеза я зӀилергаца хьалсегаш йола «умные» яха смарт-гирляндаш. ЗӀилергаца сердал Ӏояккха а ӀотӀатоха а йиш я, цул совгӀа мукъам а ха а оттае йиш я. Цунна лаьрхӀа я къаьстта приложени^[7].

Галерея

корсама тӀа яда гирляндаш
маргариткех йола гирлянда
Зизаех йола еза гирляндаш Ченнаи, ХӀинди мохк
гирляндех йизача Деви сурт Шраванбелаголе
Рума фреска кера мос йола йоӀ, гирляндех яь венок тӀатуллаш, 79-ча шера пхье Везувия йохайилалехь
Тамилнаде гирляндашца кичъяь ниI (Нила Маалаи)

Литература

Голубков Андрей Васильевич. «Гирлянда Юлии» и галантная антропология во французской салонной культуре XVII-XVIII вв // Филологические науки. Вопросы теории и практики. — 2017. — № 6—2 (72).
Звездина Юлия Николаевна. Образ гирлянды в мозаиках Неаполя и Равенны IV-VI веков // Труды Санкт-Петербургского государственного института культуры. — 2009.
Звездина, Ю. Н. Гирлянда в порталах соборов Московского Кремля // Московский Кремль в XVI столетии: Сб. статей. — М.: БуксМАрт, 2014. — Кн. 1: Древние святыни и исторические памятники. — С. 237–247.
Ху Элис Джоан. Происхождение цветочных гирлянд во фламандской живописи XVII в // Манускрипт. — 2020. — № 7.

↑ Власов В. Г. Гирлянда // Власов В. Г. Новый энциклопедический словарь изобразительного искусства. В 10 т. — СПб.: Азбука-Классика. — Т. III, 2005. — С. 174—175
↑ Lenta.ru: Культура: В древнеегипетском погребении нашли цветочные гирлянды (неопр.). Хоам хьаийца таьрахь: 15.07.2014. Архиваци яьй 20.07.2014.
↑ Tomb found in Valley of the Kings reveals flowers, but no mummies — The Boston Globe (неопр.). Хоам хьаийца таьрахь: 15.07.2014. Архиваци яьй 20.07.2014.
↑ В египетской гробнице обнаружены цветочные гирлянды (неопр.). Хоам хьаийца таьрахь: 15.01.2007. Архиваци яьй 9.10.2006.
↑ Музейная азбука от " А до Я". Цветные гирлянды. | Музей Отрадного (неопр.). museum-otradny.ru. Хоам хьаийца таьрахь: 11.11.2024.
↑ Ясинская, О. Раз. два, три - ёлочка, гори! // Всегда в движении : журнал. — 2013. — № 12. — С. 9.
↑ Лучшие умные гирлянды с управлением со смартфона 2024 года: рейтинг топ-11 по версии КП. Техкад укх дийнахьа: 11.11.2024.

[1] Власов В. Г. Гирлянда // Власов В. Г. Новый энциклопедический словарь изобразительного искусства. В 10 т. — СПб.: Азбука-Классика. — Т. III, 2005. — С. 174—175

[2] Lenta.ru: Культура: В древнеегипетском погребении нашли цветочные гирлянды (неопр.). Хоам хьаийца таьрахь: 15.07.2014. Архиваци яьй 20.07.2014.

[3] Tomb found in Valley of the Kings reveals flowers, but no mummies — The Boston Globe (неопр.). Хоам хьаийца таьрахь: 15.07.2014. Архиваци яьй 20.07.2014.

[4] В египетской гробнице обнаружены цветочные гирлянды (неопр.). Хоам хьаийца таьрахь: 15.01.2007. Архиваци яьй 9.10.2006.

[5] Музейная азбука от " А до Я". Цветные гирлянды. | Музей Отрадного (неопр.). museum-otradny.ru. Хоам хьаийца таьрахь: 11.11.2024.

[6] Ясинская, О. Раз. два, три - ёлочка, гори! // Всегда в движении : журнал. — 2013. — № 12. — С. 9.

[7] Лучшие умные гирлянды с управлением со смартфона 2024 года: рейтинг топ-11 по версии КП. Техкад укх дийнахьа: 11.11.2024.

[1]

[2]

[3]

[4]

[5]

[6]

[7]