Гуцаранаькъан Микаьила СаӀид

Рувики материал
РУВИКИ чу кхы а лустамаш да иззамо тайпанцӀи йолча нахах лаьца: Гуцаранаькъан.
Гуцаранаькъан Микаьила СаӀид
Саид Гуцериев.jpg
Ваь таьрахь 18 бекарга 1988(1988-04-18) (38 шу)
Ваь моттиг
БӀорахол
Дешар
РУВИКИ.Медиа логотип РУВИКИ.Медиа чура файлаш

Гуцаранаькъан Мика́ьила СаӀи́д (эрс: Гуцериев Саид Михаилович) (18 бекарга 1988, Москва) — Россе бизнесмен, Россе Larnabel Ventures яха ве́нчурашха фонд хьаяьр, цунна урхалду партнёр, «Сафмар» тоабан розничнии финансийи бизнесе доакъой доалахо[1].

Яхача хана чухь — «М.Видео», «Эльдорадо» базара маза́й керттера доалахо[2].

«Forbes» журнало яхачох, 2018-ча шера денз из ва эггара бӀаьхегӀа болча дунен бизнесмений цӀераш тӀайолча листама́ юкъе[3][4][5][6].

2024-ча шера оттабаьча укх дунен тӀа эггара бӀаьхегӀа болча наьха цӀераш тӀайолча листама юкъе цо 2410-гӀа моттиг дӀалоац[7]. Россе бӀаьхийча наьха цӀераш тӀайолча листам тӀа 111-гӀа моттиг я цун[8]. Журнало цун хьал 1,2 млрд доллараш хиллал да аьнна белгалдаьккхад.

Биографи

Гуцаранаькъан СаӀид ваьв 1988-ча шера бекарга бетта 18-ча дийнахьа Москве Россе цӀихезача бизнесмена, оазархочун Гуцаранаькъан Саварбика Микаьила дезале.

БархӀ шу даьннача хана денз Йоккхача Британе дешаш хиннав. 13 шу даьннача хана цо йистеяьккхай Аскота юхе улла Паплвик ишкол. Цул тӀехьагӀа цо дийшад Йоккхача Британе къаьнагӀа йолча ишколе — юкъерча частни Хэрроу ишколе. Из яьккхачул тӀехьагӀа цо ший дешар дӀадихьад дӀахо Оксфордерча университете, «Геологи» факультета магистра цӀи яьккхай. ДӀахо СаӀид деша вахав Плимутерча университете, из яьккхачул тӀехьагӀа цунна еннай «Управление нефтегазового дела» говзалах магистра цӀи[9][10].

Бизнес

Плимутера университет яьккхачул тӀехьагӀа Гуцаранаькъан CаӀида 2012—2014 шерашка болх баьб Glencore яхача Шувцарехьий трейдингови компане Лондоне: эггара хьалха мехкдаьттай проектий структурированни финансированех йолча департаменте аналитик волаш, тӀехьагӀо компане финансах йолча подразделене[10].

2014-ча шера денз из юкъе а хиннав, кулгал деш а хиннав мехкадаьтта даккхарах, цӀендарах, кӀор баккхарах болча боккхача кхотаме кулгалхой совете.

2014—2021 шерашка «Фортеинвеста» генеральни кулгалхо хиннав из (эрс: генеральний директор).

2017—2022 шерашка из керте лаьттав «М.видео» кулгалхой совете[11].

2019-ча шера кӀайэрсечен предпринимателаца Прокопеня Викторца из инвестор хиннав СНГ доазон тӀа хьалхарча бокъонца йолча криптобирже — Currency.com. 2021-ча шера маьцхали бетта из ехкай цо, цул совгӀа кхы а ши криптобиржа — Capital.com и Zubr.io[12].

Тайп-тайпарча шерашка из юкъе хиннав SFI инвестиционни холдинга кулгалхой совете[13][14], «Русснефти», ОАО «Русский уголь», «Нефтиса» яхача мехкдаьттах йолча компане, «Сафмар финансовые инвестиции», ишта кхыча компанешка[3].

2024-ча из юкъевахав Эрсечен бӀаьхийча наьха лустама, 50-гӀа моттиг дӀалаьца. «ЭсЭфАй» яхача инвестиций холдинге гӀолла цо цу шера Ӏалашдаьд 8,9 млрд сом[15].

Дезал

2016-ча шера тушола бетта СаӀида Москова паччахьалкхен лорий-стоматологий университета дешархо Ужаханаькъан Хадчат йоалаяьй. ХьоалчагӀе дакъа лоацаш хиннаб Дженнифер Лопес, Стинг, Энрике Иглесиас, Алла Пугачёва, Патрисия Каас. Нускала коч 25 кийла хиннай, цун мах хиннаб 700 000 сом[16]. ХьоалчагӀан шоллагӀа ди Лондоне дӀадихьад.

2018-ча шера СаӀида́ ваьв воӀ, цунна даь даь-даь цӀи тиллай. 2021-ча шера саькура бетта яьй йиӀиг, цунна цӀи тиллай Дэйси аьнна (гӀалгӀай меттара таржам дича «Даь сий» яхилга да). 2022-ча шера аьтинга бетта яьй шоллагӀа йола йоӀ Сальма[17][18].

Белгалдаккхар

  1. ↑ Said Gutseriev. Forbes. Хоам хьаийца таьрахь: 24.09.2025.
  2. ↑ У «М.Видео» сменится основной владелец (неопр.). Forbes.ru. Хоам хьаийца таьрахь: 24.09.2025.
  3. ↑ 1 2 Чем известен Саид Гуцериев, Коммерсантъ (18 оагӀой 2019). Техкад укх дийнахьа: 24.09.2025.
  4. ↑ Акции и дивиденды. sfiholding.ru. Хоам хьаийца таьрахь: 24.09.2025. Архиваци яьй 19.08.2021.
  5. ↑ Dronefence анонсирует посевные инвестиции. ТАСС (6.06.2017). Хоам хьаийца таьрахь: 24.09.2025. Архиваци яьй 19.08.2021.
  6. ↑ Саид Гуцериев. Forbes. Хоам хьаийца таьрахь: 24.09.2025. Архиваци яьй 27.01.2022.
  7. ↑ Rob LaFranco, Grace Chung, Chase Peterson-Withorn. The Richest In 2024 (ингал.). Forbes (1.04.2024). Хоам хьаийца таьрахь: 24.09.2025.
  8. ↑ 125 миллиардеров России. Рейтинг Forbes — 2024 (неопр.). Forbes.ru. Хоам хьаийца таьрахь: 24.09.2025.
  9. ↑ Гуцериев Саид Михайлович. sfiholding.ru. Хоам хьаийца таьрахь: 24.09.2025. Архиваци яьй 19.08.2021.
  10. ↑ 1 2 Мария Абакумова, Мария Тодорова. Британский акцент: какова роль сына и наследника Михаила Гуцериева в семейном бизнесе группы БИН. журнал Forbes (29.04.2016). Хоам хьаийца таьрахь: 24.09.2025. Архиваци яьй 1.01.2020.
  11. ↑ Саид Гуцериев (неопр.). Forbes.ru. Хоам хьаийца таьрахь: 24.09.2025.
  12. ↑ Саид Гуцериев заработал на крипте $150 млн. Ведомости (18.08.2021). Хоам хьаийца таьрахь: 24.09.2025. Архиваци яьй 20.08.2021.
  13. ↑ Активы холдинга. SFI. Официальный сайт. Хоам хьаийца таьрахь: 19.08.2021. Архиваци яьй 19.08.2021.
  14. ↑ Саид Гуцериев покинет совет директоров SFI из-за санкций Британии, Коммерсантъ (29 аьтинга 2022). Техкад укх дийнахьа: 24.09.2025.
  15. ↑ Биография Михаила Гуцериева: путь от грузчика до нефтяного магната. https://secrets.tbank.ru/. Хоам хьаийца таьрахь: 24.09.2025.
  16. ↑ Дорогие молодожены: сколько миллионеры и знаменитости тратят на свадьбы (неопр.). Forbes.ru. Хоам хьаийца таьрахь: 24.09.2025.
  17. ↑ В одной из богатейших семей России пополнение – у Саида Гуцериева родился третий ребенок. versia.ru. Хоам хьаийца таьрахь: 24.09.2025. Архиваци яьй 19.09.2022.
  18. ↑ Любовь и деньги: избранницы самых богатых мужчин в России. vse42.ru (20.02.2021). Хоам хьаийца таьрахь: 24.09.2025. Архиваци яьй 9.07.2021.

ТӀатовжамаш

Хьаст — «https://inh.ruwiki.ru/w/index.php?title=Гуцаранаькъан_Микаьила_СаӀид&oldid=126538513»