Дунен кагирхой ди
| «Дунен кагирхой ди» | |
|---|---|
 ВФДМ эмблема | |
| Тайпа | официальни доаца цӀей |
| Кхыйола цӀи | «Кагийча наьха цӀей» |
| Оттадаьд | Дунен юкъарча демократически кагирхой федераце |
| Дезду | хIара шера, лайчилла бетта 10-ча дийнахьа |
| Дувзаденна да | Дунен юкъара кагирхой конференцеца |
Дуне́н кагирхо́й ди (эрс: Всемирный день молодежи) ― дунен къамашта юкъера, официальни доаца, лайчилла бетта 10-ча дийнахьа дездеш дола кагирхой цӀей. Цун оагӀув хьаллоацар, из цӀей лоаттадер я Дунен юкъара демократически кагирхой федераци (Всемирная федерация демократической молодежи (ВФДМ)).
Тархьар
ЦӀей дезде доладаьд 1945-ча шера, ШоллагӀа дунен тӀом чакхбаьнначул тӀехьагӀа. ЦӀей дездара таьрахь лоархӀ ардара бетта 29-ча дийнахьа йолаенна, лайчилла бетта 10-ча денга кхаччалца Ингалсий мехка Лондон пхье дӀайихьача Дунен юкъарча конференце чаккхен ди. Ди деза лоархӀ цу дийнахьа Дунен юкъара демократически кагирхой федераци вӀашагӀйоллар бахьан долаш. Федераце шийна хьалхашка оттадаь декхараш дар кагирхой юкъарлош вӀашагӀтохар имперализма́ духьала, къаман барт а цхьоагӀо а хургйолаш. СССР хьалха цу юкъарлон юкъе яр СССР кагирхой юкъарлоний комитет[1][2].
СССР хаьрцачул тӀехьагӀа
СССР хаьрцачул тӀехьагӀа, малхбоалерча Европе социализм ийшачул тӀехьагӀа, цӀей къаьстта, официально дездар соцадаьд. Дунен юкъара кагирхой ди салоӀама ди лоархӀаш дац, из балха ди да. Кагирхой цхьаькха цхьа цӀей да ООН (Цхьанкхийттача къамий организаци) юкъедоаладаь — Дунен къамашта юкъера кагирхой ди. Из дезду хӀара шера маьцхали бетта 12-ча дийнахьа[3].
Белгалдаккхар
- ↑ Комитет молодёжных организаций СССР // Доккха советий энциклопеди : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Всемирная федерация демократической молодёжи // Доккха советий энциклопеди : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ 10 ноября — Всемирный день молодёжи | Шанс on-line. Хоам хьаийца таьрахь: 30.05.2010. Архиваци яьй 17.12.2014.
ТӀатовжамаш
- Всемирный день молодёжи / «Календарь праздников».