Дунен къамашта юкъера КВН ди
| Дунен къамашта юкъера КВН ди | |
|---|---|
 | |
| Тайпа | официально доаца цӀей |
| МаӀан | КВН ловзар лархIар, доакъашхой безбар |
| Оттадаьд | 1961-ча шера лайчилла бетта 8-гIа дийнахьа |
| Дезду | Лайчилла бетта 8-гӀа ди |
| Таьрахь | Лайчилла бетта 8-гӀа ди |
| Мишта дезду | дезду хIара шера арахьара хьаьший тIабехарца |
| Дувзаденна да | «Клуб веселых и находчивых» яхача эггара хьалха араяьннача передачаца |
Дунен къамашта юкъера КВН ди (эрс: Международный день КВН) — официально доаца, КВН-е дакъа лоацаш хиннача нахаца дувзаденна дола цӀей да. Сакъердам беча наьха юкъарлон цӀей дезду хӀара шера лайчилла бетта 8-ча дийнахьа[1].
Тархьар
КВН проект уйла хьаийца я Муратов Сергей еш хиннача «Вечер веселых вопросов» яхача передача тӀара. Хьалхе дӀахьочо хаттараш телаш, телехьежархоша жопаш телаш, прямой эфире дӀакхухьар из телепередача. Ший хана проекта цӀихезар, цхьабакъда из соцайир 1957-ча шера[2].
Цхьа ха яьлча хоамбоаржабархочо Муратов Сергейа, лоро Аксельрод Альберта, инженера Яковлев Михаила цхьана вӀашагӀъеллар «Клуб веселых и находчивых» яха телепроект, цун хьалхара передача араяьлар 1961-ча шера лайчилла бетта 8-ча дийнахьа. Из ди лоархӀ КВН хьахинна ди. Цох цӀихеза передача хилар, цӀихезар довнзар болх ца беш хиннача 1972—1986 шерашка а. СССР хаьрцачул тӀехьагӀа телевизионни хинна а ца Ӏеш, цох къамашта юкъера клуб хилар[3].
Кхы хьалхагӀа дезцадар ший маӀан долаш дар. Александр Васильевич Маслякова иштта дийцар цун маӀан:
«Юбилеи хорошо праздновать тогда, когда их праздновать хорошо. Именно в 96-м году мы позволили себе подвести некоторые итоги, потому что именно в 96-м нам было одновременно не стыдно за прошлое и не страшно за будущее».
.
Кеп
ХӀара шера хувцалу цӀей дездара кеп. 1996-ча шера КВН доакъашхойи, бийха хьаьшийи бар дакъа лоацаш. 2001—2005 шерашка, 2008-ча, 2011-ча, 2012-ча шерашка хиннача спепроекташка сборни тоабаш яр дакъа лоацаш: 20-ча бӀаьшерара бараш ловзаш бар духьала 21-ча бӀаьшерарча доакъашхошта, чемпионаш чемпионаш боацарашта духьала ловзаш бар. 2018-ча шера спецпроекта метта дӀайихьар полуфинал. Цига котало яьккхарашта финале путевкаш ялар. 2010-ча шера Эрсечен сборни тоаба ловзаш яр арахьарча хьаьшашта духьала. 2012-ча шера денз спецпроект «Кубок мэра Москвы» аьнна цӀи йоаккхаш яр.