Закир Найк
| Закир Найк | |
|---|---|
| урду ذاکر نائیک | |
 | |
|
Ислама тохкама фонда да́
|
|
| 1991 | |
| Шех бола хоам | |
| Ӏоваьча хана тилла цӀи | За́кир Ӏабдуль-Карим Найк |
| Прозвище | Доктор Закир Найк, цкъаза Дидат плюс |
| Белха-говзал, къахьегама тайпа |
лор, йоазонхо, интеллектуал, проповедник, хирург, доцент, оратор-мотиватор, оратор |
| Ваь таьрахь | 18 ардара 1965 (60 шу) |
| Ваь моттиг | |
| Мата | |
| Ди | Ислам |
| Да | Ӏабдуль-Карим Найк |
| Сесаг | ФархӀат Найк |
| Бераш | Фарикъ Найк |
| Ди хьехар | |
| Дечун ластар | даӀват[d] , дустара дидовзар[d] |
| Дешар | |
| Кхыбола хоам | |
| СовгӀаташ | |
| Официальни мазаоагӀув | zakirnaik.com (ингл.) |
 РУВИКИ.Медиа чура файлаш | |
 РУВИКИ.Хоамаш чура хоам ? | |
За́кир Ӏабдуль-Кари́м Найк (урду ذاکر عبدالکریم نائیک; 18 ардара 1965, Мумбаи) — хӀиндий бусалба даӀват дер, Ислама тохкама фонда да́. Хирург-лора диплом долаш ва. Мумбай пхье Къамашта юкъера бусалба дин ишкол йилла́р ва.
Биографи
За́кир Ӏабдуль-Карим Найк ваьв 1965 шера ардара бетта 18-гӀча дийнахьа ХӀиндехьа Мумбай яхача пхье. Мумбаера ишкол ма яьккханге «Kishinchand Chellaram» яхача колледже эттав. Мумбаера университет яьккхай лоралеи хирургалеи бакалавра дарже волаш[1]. Фарикъа хьехамаши, хаттарашта тела жопаши даь ютуб-канале хул каст-кастта.
1991-ча шера болабаьб Закир Найка ди хьехаш бола болх, цу шера йийлай цо Ислама тохкама фонд а. Закира хьаяхачох, даӀват де цун чам сомабаьккхар хиннав 1987 шера цун вайза вола Ахьмад Дидат[2]. Цкъаза Закирах шийх цӀи йоах «Дидат плюс» аьнна[2][3].
Цун дуккха дискуссеш дӀа а язъеш СМИ а Дуненмазага а гӀолла дӀа-хьа йоаржаю. Цун диспуташ массехкача кабела каналаш тӀа гойташ я, царех я цо ше йийла йола Peace TV а[4]. Цун хьокхачений темаш я: «Ислами хӀанзара Ӏилмеи», «Ислами жӀаргахой дии», «Ислами секуляризми».
Муттхьов бетта 2015 шера «Ислама́ гӀулакх дарах» яха совгӀат денналга хиннав СаӀуди Ӏарбий Мехка паччахьо Салмана. 200 000 ХАШ доллари, 200 грамм еза дошо мейдилги еннай совгӀата́[5].
2017-ча шера ший ХӀиндехьа терроризма оагӀув лаьцай аьнна бехк тӀабиллаб Закира́. Бахьан хиннад 2016 шера кӀимарса бетта 1-гӀча дийнахьа Бангладеша нанагӀала йолча Дакке 28 саг вувш оттаяь хинна теракт. Из яьча цхьан тӀемахочо ше даьр Найка лекцешка ладийгӀа даьд аьнна хиннандаь биллаб Закир Найка бехк тӀа. Цу хана денз Малайзе ва вахаш[6].
Дезал
Саг йоалаяь ва, бераш да. Сесаг ФархӀат Найк а, воӀ Фарикъ а, Закир мо даӀват деш ба[1].
СовгӀаташ
- Дубайера къамашта юкъера Сийдолча КъорӀан преми (2013);
- Дунен къамашта юкъе ислама Ӏамал дарах луш йола Фейсал паччахьа преми (2015).
Белгалдаккхар
- ↑ 1 2 Sweta Ramanujan. «Beyond veil: Am I not a normal Muslim girl?» expressindia.com. Indian Express Group (16.07.2011). Хоам хьаийца таьрахь: 25.09.2025.
- ↑ 1 2 Siraj Wahab. «Spreading God’s Word Is His Mission» (ингал.). arabnews.com. «Arab News» (1.07.2006). Хоам хьаийца таьрахь: 25.09.2025.
- ↑ Lloyd Ridgeon, 2001, оа. 213.
- ↑ Sudip Mazumdar. «Beaming In Salvation» (ингал.). msnbc.msn.com. «MSNBC» (23.01.2006). Хоам хьаийца таьрахь: 25.09.2025.
- ↑ Закир Наик получил награду от короля Саудовской Аравии. IslamNews.ru (3.03.2015). Хоам хьаийца таьрахь: 3.03.2015.
- ↑ Indian preacher granted Saudi citizenship, en:Middle East Monitor (19 маьтсела 2017). Техкад укх дийнахьа: 20.05.2017.
Литература
- Lloyd Ridgeon. Islamic Interpretations of Christianity (ингл.). — Palgrave Macmillan, 2001. — P. 255. — ISBN 978-0-312-23854-4.
 |
| |||
|---|---|---|---|---|
