ГӀалгӀай Мехка Конституци
| ГӀалгӀай Мехка Конституци | |
|---|---|
 | |
| Кеп | Конституци |
| Паччахьалкхе |
 ГӀалгӀайче (Россе Федераци) |
| ТӀаэцар | ГӀалгӀай Республика Халкъа Гуллам 1994 шера саькура 27-гӀча дийнахьа |
ГӀалгӀай Мехка Конституци (эрс: Конституция Республики Ингушетия) — ГӀалгӀай Мехка керттера закон. Дерригача къамо кхаж тесса тӀаийцай 1994 шера Саькур 27-гӀча дийнахьа. Из ди хӀанз а дездеш да ГӀалгӀайчен Конституцен ди аьнна.
ГӀалгӀай Мехка Конституци тӀаэцара хоржамашка кхаж тессар 97,6 % дакъа лаьцачарех.
ТӀаэцара тархьар
1992 шера аьтинга 4-гӀча дийнахьа РСФСР Лакхехьарча Совета «Россе Федераце оттама чу ГӀалгӀай Республика вӀашагӀйолларах» закон тӀаийца хиннад. Из бахьан долаш керттера закон санна республикан Конституци тӀаэца езаш хьал эттад [1].
1993 шера тушола 21-гӀча дийнахьа ГӀалгӀай къаман чрезвычайни съезда тӀаийцай «Керттерча закона — ГӀалгӀай Республика Конституце — проект вӀашагӀйоллара конституционни комисси оттаярах» йола постановлени[2]. Цу комиссен кулгалдеш хиннав ГӀалгӀай Мехка хьалхара президент Овшанаькъан Руслан. Комиссе доакъашхой хиннаб Келиганаькъан Муради Казбеки, Ӏарчакханаькъан Ӏабдурахьман, Сакхаланаькъан Махьмуд[3], Лаьнанаькъан Умалат[2], иштта кхыбола республикан юкъарлон а дина а болхлой.
1994 шера саькура 27-гӀча дийнахьа дерригача гӀалгӀай къамо кхаж тесса тӀаийцай ГӀалгӀай Республикан Конституци.
ГӀалгӀай Конституце чулоаца преамбула, 11 корта, 114 статья[1].
Белгалдаккхар
- ↑ 1 2 Конституция Республики Ингушетия. ru.wikipedia.org. Хоам хьаийца таьрахь: 1.08.2026.
- ↑ 1 2 Плиев, 2023.
- ↑ ГАС РИ, 2024.
Литература
- Хусейн Плиев. Основной закон региона. 29 лет назад была принята Конституция Ингушетии (ст.). gazetaingush.ru. «Ингушетия» (27.02.2023). — газета. Хоам хьаийца таьрахь: 1.08.2026.
- 30 лет со дня принятия Конституции Республики Ингушетия (ст.). archive06.ru (27.02.2024). Хоам хьаийца таьрахь: 1.08.2026.