Котанаькъан СаӀадала Султан-Гири
| Котанаькъан СаӀадала Султан-Гири | |
|---|---|
| эрс: Котиев Султан-Гирей Садулович | |
| Ваь таьрахь | 1 кӀимарса 1930 |
| Кхелха таьрахь | 20 аьтинга 2009 (78 шу) |
| БӀорахол |
 СССР →  Россе Федераци |
| Леладу гӀулакх | хоамбоаржабархо, публицист, таржамхо |
Котанаькъан СаӀадала Султан-Гири (эрс: Котиев Султан-Гирей Садулович) — гӀалгӀай публицист, очеркист, таржамхо. Математик-хьехархо, хоамбоаржабара ветеран, Сийлахь-Боккхача Даьхен тӀема ветеран а, къахьегама ветеран. «Библиотека доттагӀа». ГӀалгӀай Мехка культура министерствон а хоамбоаржабархой союза а конкурсашка шозза котало яьккха хиннай. Цун очеркаш, дувцараш, новеллаш гӀалгӀай меттала а эрсий меттала араювлаш хиннай меттигерча газеташ тӀеи, тептараш тӀеи, гулламаш тӀеи[1].
Биографи
Котанаькъан Султан-Гири ваьв кӀимарса бетта 1-гӀча дийнахьа 1930 шера, ГӀалгӀай автономе областен ГӀалме шахьара Ӏаьржа АтагӀа[1].
Казахстанера цӀавеначул тӀехьагӀа 1957 шера денз «Сердало» газета редакце болх беш хиннав: тайп-тайпарча отделашта кулгал даьд, бехктокхаме секретарь волаш а болх баьб, иштта, керттерча редактора когметтаоттар волаш а. 1959 шера СССР хоамбоаржабархой союза доакъашхо хиннав. 1962—1973 шерашка советий партен органашка болх баьб: КПСС Шолжа-ГӀалий горкома а Нохч-ГӀалгӀай обкома а инструктор, Партен Шолжа райкома секретарь, райисполкома тхьамада. 1991 шера Россе Федерацен хоамбоаржабархой союза доакъашхо волаш хьавеннав[1].
1996 шера денз — ГӀалгӀай Республика Халкъа Гуллама аппарате ведущий специалист волаш (ГӀалгӀай Республика законашта гӀалгӀай меттала таржам деш) болх баьб. «Советник государственной службы 2-го класса» яхаш квалификационни оагӀат (классни чин) йолаш ва[1].
Котанаькъан Султан-Гири веннав 2009 шера аьтинга бетта 20-гӀча дийнахьа[1].
СовгӀаташ[1]
- орден «Знак почета»;
- ЧИАССР Лакхехьарча Совета Президиума ЛерхӀаме грамота (кхозза);
- ЧИАССР Министрий Совета а хоамбоаржабархой союза а лерхӀаме грамоташ (1960, 1962, 1986 шш.);
- мейдилгаш: «За освоение целинных земель», «За доблестный труд»;
- ГӀалгӀай Республика Халкъа Гуллама ЛерхӀаме грамота (2009 ш.);
- ГӀалгӀай Республика ЛерхӀаме Грамота (2003 ш.);
- «КарагӀдаьннарех» орден (2005 ш.).