Кхела футтардар, е аттача Ӏанарца!

Тохкаш нийсбаь лустам

ДегӀачун футтаре, е аттача Ӏанарца!
Ирония судьбы, или С лёгким паром!
Жанр	мелодрама трагикомеди
Режиссёр	Эльдар Рязанов
Сценари язъяьр	Эмиль Брагинский Эльдар Рязанов
Керттера амалаш ловзаераш	Андрей Мягков Барбара Брыльска Юрий Яковлев Любовь Добржанская
Амалашта оаз яьраш	Сергей Яковлевич Никитин[d], Валентина Илларионовна Талызина[d] , Алла Пугачёва[d]
Оператор	Владимир Нахабцев (керттера) Вадим Алисов Сергей Арманд Борис Кочеров
Монтажёр	Валерия Белова
Композитор	Микаэл Таривердиев
Суртанча-постановщик	Александр Борисов
Оригинальни телеканал	ЮТ цхьоалагӀа программа
Компани	Киностуди «Мосфильм». Телевизионний киной кхоллама цхьанкхетар
Дистрибьютор	Телевиденехи радиовещанехи йола СССР Министрий Совета паччахьалкхен комитет
ДӀоахал	184 мин
Мохк	СССР
Мотт	эрсий
Арадаьнна таьрахь	1976
Серий дукхал	2
ТӀехьадоагӀа кино	Ирония судьбы. Продолжение[d]
IMDb	ID 0073179

«Кхела футтардар, е аттача Ӏанарца!» (эрс: «Иро́ния судьбы́, и́ли С лёгким па́ром!») — советий телевизионни шин серех латта кино да. Эльдар Рязановс даьккхад 1975 шера. СССРе эггара хьалха гайта хиннад 1976 шера наджгоанцхой бетта 1-гӀча дийнахьа «Юкъерча Телевиденен ЦхьоалагӀча программах».

Тархьара

Ер кино Эмиль Брагинскечуни Эльдар Рязановеи «С лёгким паром! или Однажды в новогоднюю ночь…» яхача пьесан экранизаци я. Пьеса язъяь хиннай 1969 шера. Цох кино даккхале Советий Союзерча массехк театра чу оттаяь хиннай пьеса. ХӀаьта тӀехьагӀа мехкарча 110 театре оттаяь хиннай, иштта доазол дехьа а.

Рязановс дувцаш хиннад, пьесан сюжет, кино сюжет мо а, боккъонца хинначунна тӀагӀолла язъяьлга. Боккъонца саг хиннав оагӀой бетта 31-гӀча дийнахьа бане а ваха́, хӀаьта Ӏуйран кхыча пхье а кхаьча. Цу сагах юххера фу хиннад Рязановаи Брагинскечун ховш хиннадац — шоашта дагаденад.

1975 шера гурахьа СССР премьера хилале, Ерригсоюза телевизионни киной фестивале программа юкъе долаш «Ирония судьбы» духхьашха бӀаргадайнад Гуржехьерча бахархошта. Каьлаке хиннача мероприяте кино хьалхара моттиг яьккхай.

Амалаш ловзадераш

Амал ловзаер	Амал
Андрей Мягков	Евгений (Женя) Михайлович Лукашин (вокал — Сергей Никитин) хирург Евгений (Женя) Михайлович Лукашин (вокал — Сергей Никитин)
Барбара Брыльска	Надежда (Надя) Васильевна Шевелёва (озвучивание — Валентина Талызина, вокал — Алла Пугачёва) эрсий метта а литературан а хьехархо Надежда (Надя) Васильевна Шевелёва (озвучивание — Валентина Талызина, вокал — Алла Пугачёва)
Юрий Яковлев	Ипполит Георгиевич Надя йоалае воалар Ипполит Георгиевич
Любовь Добржанская	Марина Дмитриевна Женяй нана Марина Дмитриевна
Ольга Науменко	Галя Женяй нускал Галя
Лия Ахеджакова	Таня Надяй неш а коллега а Таня
Валентина Талызина	Валя Надяй неш а коллега а Валя
Александр Ширвиндт	Павел / Женяй доттагӀа Павел / кино долалуш кадра тӀехьашкахьара оаз
Георгий Бурков	Миша Женяй доттагӀа Миша
Александр Белявский	Саша Женяй доттагӀа Саша
Любовь Соколова	Надяй нана Надяй нана
Готлиб Ронинсон	Красноярскера пассажир фекема тӀа ха везаш хьежаш вар Красноярскера пассажир
Эльдар Рязанов	фекема чура пассажир (титрашка хьоахаваьвац) фекема чура пассажир (титрашка хьоахаваьвац)
Борис Руднев	таксист (титрашка хьоахаваьвац) таксист (титрашка хьоахаваьвац)
Николай Погодин	баян бейоаллаш цаховш чувена хьаьша (титрашка хьоахаваьвац) баян бейоаллаш цаховш чувена хьаьша (титрашка хьоахаваьвац)
Александр Постников	гӀаш ӀотӀехвоаллар (титрашка хьоахаваьвац) гӀаш ӀотӀехвоаллар (титрашка хьоахаваьвац)
Елена Наумкина	аэропортера буфетечица (титрашка хьоахаяьяц) аэропортера буфетечица (титрашка хьоахаяьяц)
Николай Кузнецов	лоалахо (титрашка хьоахаваьвац) лоалахо (титрашка хьоахаваьвац)
Михаил Бочаров	лоалахо жӀалеца (титрашка хьоахаваьвац) лоалахо жӀалеца (титрашка хьоахаваьвац)

Кино чура кадраш

• 

  «Женяй» амал ловзадеш вола Андрей Мягкови, «Галяй» амал ловзадеш йола Ольга Науменкои
• 

  «Павела» амал ловзадеш вола Александр Ширвиндт
• 

  «Надяй» амал ловзадеш йола Барбара Брыльска

• 

  «Ипполита» амал ловзадеш вола Юрий Яковлев
• 

  Женяй наьна амал ловзадеш йола Любовь Добржанская
• 

  Андрей Мягкови (Женя), Барбара Брыльскаи (Надя)

Съёмочни тоаба

• Сценарий язъяьраш: Эмиль Брагинский, Эльдар Рязанов
• Режиссёр-постановщик: Эльдар Рязанов
• Керттера оператор: Владимир Нахабцев
• Керттера суртанча: Александр Борисов
• ШоллагӀа режиссёр: Игорь Петров
• Оазаоператор: Юрий Рабинович
• Композитор: Микаэл Таривердиев
• Дирижёр: Георгий Гаранян
• Костюмех йола суртанча: Ольга Кручинина
• Гримах йола суртанча: Ольга Струнцова
• Кинооператораш: Вадим Алисов, Сергей Арманд, Борис Кочеров
• Комбинированни съёмкаш: Борис Травкин (оператор), Валентин Гласс (художник)
• Монтаж: Валерия Белова
• Режиссёра ассистенташ : Нина Коренева, Григорий Торчинский
• Оператора ассистенташ: Владимир Горшков, Владимир Батузов, Александр Михалычев, Сергей Кочебуров, Николай Коробейник
• Монтажёра ассистент: Элеонора Праксина
• Суртанча-декоратор: И. Фёдоров
• Сердалонах вола пхьар: Марк Вайсман
• Редактор: И. Наумова
• Мукъама редактораш: Раиса Лукина, В. Лаписов
• Кино долалуш йола мультипликационни заставка: Виталий Песков
• Кинон директор: Ефим Голынский

Ашараши байташи

Кинон сценари чу язъяь 9 стихотворени хиннай. Царех 8-нех ашараш хьае езаш хиннай. Башха-башха йола 8 композици язъе цхьан композитора могаргдац аьнна лаьрхӀа хиннад Эльдар Рязановс. Виъ авторага цхьатарра цхьана кхайка хиннав из: Ян Френкелегеи, Исаак Шварцагеи, Андрей Петровагеи, Микаэл Таривердиевагеи. Цун дагаденачох, цар хӀаране шишша йиш язъе езаш хиннай. Юххьанца массабараш раьза хиннаб, амма тӀехьагӀа кхо юхаваьннав тайп-тайпара бахьанаш долаш: цаӀ арахьа дӀавийха хиннав, вожаш кхоабеш хиннабац дуккха гӀулакхаш долаш. Алхха Микаэл Таривердиев хиннав виса́.

Сценарий йийшача, композитор Таривердиев Микаэл цецваьнна хиннав, тайп-тайпарча жанрий эргало йолаш из хиларах. Юххера а рождественски фаьлг из болаш мо оттадаьд цо шийна. Марина Цветаевайи, Евгений Евтушенкочуни, Белла Ахмадулинайи, иштта кхыболча цӀихезача оазархой а байташта мукъам ӀотӀабиллаб композитора.

Кино чу мел бола мукъам Микаэл Таривердиевс язбаь ба. Цун сесаг Вера дагаухаш хиннай:

«Однажды Таривердиев проходил мимо столовой, в которой среди других людей сидел Рязанов и напевал «На Тихорецкую состав отправится...». Эту песню он хотел взять в свой новый фильм и сожалел, что она народная. Хотя на самом деле песня была написана для оперы моего мужа. А исполнял её Владимир Высоцкий, поэтому Рязанов её слышал, но не знал автора».

МаӀача наьха вокал кино чу дукхагӀа Сергей Никитин ва локхаш («Со мною вот что происходит», «Я спросил у ясеня», «Никого не будет в доме», «Если у вас нету тёти»), кхалнаьхаяр — Алла Пугачёва я («По улице моей», «На Тихорецкую», «Мне нравится», «У зеркала»). Александр Кочеткова байташ тӀа гӀолла язъяь йола «Баллада о прокуренном вагоне» яхар кино чакхдоаллача хана ешараш Андрей Мягкови Валентина Талызинаи ба. Юххьанцара кино чура ашараш лакха кийчлуш хиннар Анна Герман я, амма из дӀаязъяр кхоачашхиланзар — кхыча мехкара иллиалархо хьае́хара́ эшаш дола ахча смете оттадаь хиннадац.

Кинон саундтрек цхьандаькъе арахийца хиннай Таривердиева пластинка тӀа 1976 шера «Мелодия» яхача фирмо. БӀарчча саундтрек гайтай CD тӀа 2009 шера «Бомба-Мьюзик» яхача фирмо. 2016 шера саундтрек арахийцай винила тӀа Великобритане «Earth» яхача лейбла тӀа, хӀаьта 2019 шера «Бомба-Мьюзик» фирмо беса́ йолча винила тӀа арахийцай.

«Бомба-Мьюзик»-о 2009 шера арахийцар

№	ЦӀи	Дешаш	Вокал	ЙӀоахал
1.	«Увертюра» (инструментал)			2:43
2.	«Со мною вот что происходит»	Евгений Евтушенко	С. Никитин	2:28
3.	«Надежда» (инструментал)			4:24
4.	«В ожидании Нового года» (инструментал)			1:14
5.	«Никого не будет в доме»	Борис Пастернак	А. Пугачёва	2:17
6.	«Снег над Ленинградом» (инструментал)			2:45
7.	«По улице моей который год»	Белла Ахмадулина		2:48
8.	«На Третьей улице Строителей» (инструментал)			1:15
9.	«На Тихорецкую»	Михаил Львовский	А. Пугачёва	1:29
10.	«С Новым годом!» (инструментал)			2:46
11.	«Мне нравится»	Марина Цветаева	А. Пугачёва	1:35
12.	«Если у вас нету тёти (Ария московского гостя)»	Александр Аронов	С. Никитин	1:53
13.	«Последний вальс» (инструментал)			1:45
14.	«Хочу у зеркала спросить»	М. Цветаева		1:36
15.	«Я спросил у ясеня»	Владимир Киршон	С. Никитин	3:08
16.	«С любимыми не расставайтесь»	Александр Кочетков	А. Мягков и В. Талызина	4:26
17.	«Мелодия» (инструментал)			4:33
41:03

2014 шера «Серебряный дождь» радиостанце «50 культовых пластинок фирмы „Мелодия“» яхача листама́ юкъеяьккхай укх кино чура ашараш тӀайола пластинка.

Съёмкаш

Кинон керттера оператор хиннача Владимир Нахабцевс лаьрхӀад, цу хана керда араяьнна лоархӀаш хинна йола трёхкамерни система лелае. Цхьатарра цхьан болх беш кхо камер хиннай, кхаь оагӀорахьара (ракурсара) сценаш дӀаязъеш. Болх чӀоагӀа аттача боаккхаш хиннаб цу системо, амма съёмкий процесс дукха йӀаьхъеш хиннай.

Съёмочни процесс тушола бетта йолаеннай, ахкан юкъе йистеяьннай. Из бахьан долаш кино доаккхаш Ӏаламца доаца (наха хьадаь) лоа леладаьд. Цу хана лай пушкаш а кхайола агрегаташ а хьакхелла хиннайоацандаь лоа кара хьадеш хиннад боамбехи, каьхатахи, пенопластахи. Мух хьекхача санна эффект хургйолаш фен лелаяьй.

ДукхагӀа мел йола съёмкаш Москве хиннай, цхьа массехк сцена мара язъяьяц Ленинграде. Кино чу гойташ йола шаккхе а квартира Вернадскечун проспекта тӀа я: номер 125 йолча цӀагӀеи (Лукашина квартира), номер 113 йолча цӀагӀеи (Надяй квартира). Баня гойташ йола сцена яккхара духьа лаьрххӀа павильон хьаяь хиннай «Мосфильме».

ХӀаьта боккъонца йола ГӀишлонхой КхоалагӀа урам йиллай Москве Вернадскечун проспект йолчча шахьаре. Бакъда, 1963 шера цӀи хийца хиннай цун Мария Ульяновай урам аьнна.

2003 шера Женя Лукашин ваьхав аьнна лаьрхӀача цӀен пена тӀа дагалоацама улга хьалъэлладар. Из хьаделлаш дакъа лоацаш Эльдар Рязанов хилар. Амма цу бийсан кӀа́ла́ пластина лочкъаяьй хиннай. 2007 шера табличкаш хьалтеха хиннай Вернадскечун проспекта тӀа дагӀача шаккхе а цӀен тӀа — 125-гӀчун тӀа а, 113-гӀчун тӀа а, — амма уж а дукха Ӏийнзар шоай метте.

Кинопробаш

Керттера маӀача сага (Лукашина) амал ловзаде хила мегаш хиннав гӀорваьнна хиннавола актёр Андрей Миронов. Амма Рязановс юхатехай цун кандидатура. Из амал ловзаде цо лийхав ловелас воацаш, кхалнаьха теркам хьатӀа ца озаш куц а лелар долаш вола маӀа саг. Миронова хьийхад Ипполита амал ловзаде, амма цунна из раьза хиннавац. Женя Лукашина амал ловзаде хьийжаб Олег Даль а, Пётр Вельяминов а, Станислав Любшин а, Иннокентий Смоктуновский а. ХӀаьта юххера хьаийца волча Андрей Мягковах Лукашин цаховш хиннав. Режиссёр критикаца дог-уйла йолаш тӀера хиннавац цунна, амма Мягковс пробаш тӀа эггара дикагӀа дӀахьекхав ше.

Чоалхане-м керттерча кхалсага амал ловзаде актриса лохаш а хилар. Рязанова́ «Надя бӀаргаяйнаяц» Людмила Гурченко чу а, Валентина Талызина чу а, Светлана Немоляева чу, е Антонина Шуранова чу а, е цхьаккха кхыйлча советий цӀихезача актриса чу. Юххьанца цун дезаш хиннад Алиса Фрейндлих яхачо из амал ловзаяр: комедийни амалаш дика ловзадеш хиннай цо, иштта йиш а дика локхаш хиннай, хӀаьта из лоадам болаш хиннад цу кинонна. Амма худсовето из актириса тӀаийцаяц. Полхой актрисах Барбара Брыльсках, керттерча кхалсага амал цо ловзадеш, Рязанов уйла е волавеннав кхыча режиссёрашца дагаваьнначул тӀехьагӀа. Рязановс кино чу хьайийхай арахьара актриса, амма чӀоагӀа акцент бахьан долаш, цун юха оаз дӀаязъяьй Валентина Талызинас. Иштта Талызинас кино чу Надяй неш йолча Валяй амал ловзадаьд.

Ипполита амал ловзаде юххьанца Олег Басилашвили оттаваь хиннав. Массехк эпизодашка кхыметтел дакъа лаьца хиннад цо. Амма съёмкаш йолхача хана практически цхьан ханна кхелхаб цун да́и коллега Ефим Копеляни, дӀахо болх бе магадац цунна. ТӀаккха цунна когаметта эттав Юрий Яковлев.

Галяй амал ловзаде юххьанцара дӀачӀоагӀъяь йолаш Наталья Гвоздикова хиннай.

Женя Лукашина доттагӀий амалаш ловзадаьд Эльдара Рязанова доттагӀаша — Георгий Бурковс а, Александр Ширвиндтс а. Режиссёра укхул хьалхагӀа болх баь хиннаб царца кхыча киношка. Александр Белявский тӀехьагӀа вийха хиннав. ХӀаьта Надяйи Женяйи ноаной амалаш ловзаде хьаийца хиннаб Любовь Соколоваи Любовь Добржанскаяи, цар а хьалхагӀа болх баьб Рязановаца — «Берегись автомобиля» яхача кино чу хиннаб уж.

Кино чу массовке ва НТВ канале хаоттама прогноз лелаеш хинна цӀихеза телеведущий Александр Беляев.

Кинон премьера

Наджгоанцхой бетта 1-гӀча дийнахьа 1976 шера 18:00 сахьат даьннача хана «ЦхьоалагӀча программах» «Ирония судьбы, или С лёгким паром» яха кинон премьера хиннай. Цецваллал толам хиннаб цун. Федор Раззакова аьнначох, премьера хьежараш 100 миллион саг хиннав. Юха хьагойт яхаш дехараш деш дуккха каьхаташ ахийтандаь 1976 шера саькура бетта 7-гӀча дийнахьа кино цхьаькхазза а эфира юкъедаьккхад. Кинон лоацъяь эрш кинотеатрашка гойташ хиннад, цига а гӀордаьнна хиннад из хьежархошта юкъе. Цига 7 миллионов гаргга саг хьежав цунга.

«Советий экран» яхача журнала дешархоша «Ирония судьбы» 1976 шера толашагӀа дола кино да аьнна хиннад, хӀаьта толашагӀа актёралла Лукашина амал ловзаяь вола Андрей Мягков хержав. 1977 шера режиссёра́ Эльдар Рязанова́, сценариста́ Эмиль Брагинскечунна, оператора́ Владимир Нахабцева́, композитора́ Микаэл Таривердиева́, керттерча актёрашта Барбара Брыльскайнеи Андрей Мягкова́и Советий Союза паччахьалкхен преми еннай кино доаккхаш цар дакъа лацар белгалдеш.

СовгӀаташ

• 1976 — «Советий экран» журнала дешархоша «Ирония судьбы…» шерара толашагӀа кино да аьннад.
• 1976 — Андрей Мягков СССР толашагӀа актёр ва аьнна къоабалваьв, «Советий экран» журнало баьча хоаттамах
• 1977 — Советий Союза паччахьалкхен преми еннай режиссёра́ Эльдар Рязанова́и, сценариста́ Эмиль Брагинскечуннеи, оператора́ Владимир Нахабцева́и, композитора́ Микаэл Таривердиева́и, керттерча актёрашта Барбара Брыльскайнеи Андрей Мягкова́и.

Факташ

Нийсденна гӀалат дола кадр

• Кино хьаделлаш йолча титрашка гӀалат нийсденнад: «исключительно» яхача деша юкъе хьалхара «л» алап ца яздеш дитад. ХӀанз укхаза оттадаьча хьокхаме орфографии пунктуации кино чу шоаш йолча тайпара йитай.

Совершенно нетипичная история которая могла произойти только и искючительно в новогоднюю ночь

• Кино долалуча хана, режиссёра лийрхӀачох, вертолётаца камера тӀа хьатӀадаьккха цхьатарра йола советий гӀишлош гойта езаш хиннай. Амма кинон буламо вӀаштӀехьдоалийташ хиннадац цу тайпара съёмка яр, из бахьан долаш цун когаметта хьежархочунна анимаци бӀаргаяйра.
• Надяс лай гувна тӀара Ипполита сурт хьаэцача хана, цу сурта тӀа Яковлев вац, Басилашвили ва. Из кадр юхадӀаязде дагаденача хана, лоа доацаш бисаб.
• Керттера турпал Надя хьехархо йолаш болх беш я. Цхьабакъда Ипполитаца деча къамаьла юкъе гӀалат ду цо: «Я забыла одеть праздничное платье» аьнна. Эрсий метта бокъонех «надеть» ала дезар цо.
• Лукашин Ленинграде дӀавод Домодедово аэропортера, амма советий хана гӀинбухехьа а малхбузехьа а йолха чухьара рейсаш Шереметьево-1 яхача аэропортера еш хиннай
• Эльдар Рязановс кино чу эпизодически амал ловзадаьд — фекема тӀа наб еш вола Лукашин массахана ӀотӀалегаш вола пассажир.
• «Какая гадость эта ваша заливная рыба» яхари, «О, тёпленькая пошла» яхари — кинон сценаре тӀа хиннайоаца каламаш я. Юрий Яковлева импровизаци я из.
• Москве 1958 шера денз йолаш хиннай ГӀишлонхой 3-гӀа урам, амма 1963 шера цун цӀи хийцай Мария Ульяновай урам аьнна. Ленинграде ГӀишлонхой 3-гӀа урам цӀаккха а хиннаяц, амма 1955 шерага денз 1962 шерага кхаччалца ГӀишлонхой ши урам хиннай, цаӀ — Красногвардейски шахьара промзоне; хӀанз из урам Бокситогорская яхаш лелаеш я, шоллагӀа — Кировски шахьаре хиннай, хӀанз — Маринеско урам яхаш я.

Товшхалагахьа шиш хилар

• 1981 шера КПСС XXVI съезде Леонид Брежневс ший отчётни докладе хьоахадаьд ер кино:

Не надо объяснять, как важно, чтобы всё окружающее нас несло на себе печать красоты, хорошего вкуса. Олимпийские объекты и некоторые жилые кварталы Москвы, возрождённые жемчужины прошлого и новые архитектурные ансамбли Ленинграда, новостройки Алма-Аты, Вильнюса, Навои, других городов — это наша гордость. И всё же градостроительство в целом нуждается в большей художественной выразительности и разнообразии. Чтобы не получалось, как в истории с героем фильма, который, попав по иронии судьбы в другой город, не сумел там отличить ни дом, ни квартиру от своей собственной. (Оживление в зале. Аплодисменты.)

• ХӀиндехье 2015 шера «Я люблю Новый год» яхаш кино арадаьннад Санни Деол а Канганой Ранаут а керттера амалаш ловзадеш. Кинон турпалий — хӀиндий цӀераш я, кино чу хулаш дар Чикагои Нью-Йорке дае. ХӀаьта сюжет ше ма ярра «Ирония судьбы…» чура санна я Амма продюсерашш цхьаккха хӀама аьннадац кинон зӀил советий киногара хьаийцалга.
• Аьхки 2021 шера россе режиссёр Марюс Вайсберга лаьрхӀа хиннад цу кинон ший эрш хьакхолла, «Ирония судьбы в Голливуде» яхаш белха цӀи йолаш. Америкерча кино чу Эмма Робертс а хиннай (Джулия Робертса веший йоӀ), иштта хиннаб Томас Манн, Мэделин Петш, Бритт Робертсон а.

DVD тӀа релиз

Релиз DVD тӀа кхоачашъяьй «Флагман-Трейд» яхача компане 2009 шера оагӀой бетта 10-гӀча дийнахьа.

ДӀахододар

«Ирония судьбы» дӀахододар арадаьннад «Ирония судьбы. Продолжение» яхаш цӀи а йолаш, 2007 шера оагӀой бетта. Кинох цусахьате кассови хит хилар, ший производственни булам 5 миллион доллар ма доацашше 55 млн совгӀа доллар гул а деш. Женяйи Надяйи кхийна болча, шоай даь-наьна мо ситуаце нийсбенна а болча, берий амалаш ловзадеш хилар Константин Хабенскийи Елизавета Боярскаяи.

Андрей Мягковс дакъа лаьца дале а съёмкашка, амма юххера а хьахинначох ше раьза воацилга а дехкеваьнналга а хайтар.

Белгалдаккхар

Литература

• Александра Маянцева; Николай Калашников.: История культового фильма «Ирония судьбы»: Рязанов снимал Москву и Санкт-Петербург в соседних столичных дворах  (неопр.). Комсомольская правда (26.12.2008).
• Лесскис Н. Фильм «Ирония судьбы…»: От ритуалов солидарности к поэтике изменённого сознания // Новое литературное обозрение. — 2005. — № 76.  (Техкаб укх дийнахьа: 3.07.2009)
• Рязанов, Э. А. Старики-разбойники. — АСТ; Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
• Наталья Радулова: «Выключить Женю Лукашина».

ТӀатовжамаш

• «Ирония судьбы, или С лёгким паром!» на сайте «Мосфильма»
• 1 января исполняется 40 лет со дня премьеры комедии «Ирония судьбы, или С лёгким паром!»  (неопр.) archive.is (31.12.2015).