Къулбаседа Кавказера лоаман-металлурген институт

Къулбаседа Кавказа лоаман-металлургически институт
Северо-Кавказский ордена Дружбы народов горно-металлургический институт (государственный технологический университет), СКГМИ (ГТУ)
Йилла шу	1931
ректор	Камболов Дзамболат Аркадьевич
Студенташ	6000
Дóктораш	63
Профессораш	64
Хьехархой	600 гаргга
Йола моттиг	Россе Федераци, Буро
Юридически цӀай	362021, ХӀирийче, Буро, Николаева урам, 44 цӀ.
МазаоагӀув	www.skgmi-gtu.ru
СовгӀаташ

Къулбаседа Кавказера лоаман-металлурген институт эрс: Северо-Кавказский ордена Дружбы народов горно-металлургический институт (государственный технологический университет, СКГМИ (ГТУ) — Буро тӀара технически профила лакхера дешарче. Йиллай 1931-ча шера.

Тархьар

Лакхера дешарче вӀашагӀъеллай 1931-ча шера маьцхали бетта 26-ча дийнахь СССР Халкъан Боахама Лакхерча Совета №508 йолча амарца Къулбаседа Кавказера метталурген института къоарзача маьхий отделенен ларда тӀа Къоарзача маьхий институт (эрс: Институт цветных металлов) аьнна.

1933-ча шера СССР ЦИКо Къулбаседа Кавказера къоарзача маьхий института Типовой низам дӀачӀоагӀдаьд, цо яхачох институте ши факультет хиннай: лоаман-мӀани металлургени. 1934-ча шера института болхлой гӀонца СССРе духхьашха электролитни цинк хьадаккхара технологех пайда ийцаб. Хьадаьккха́ча 30 кийла йолча цинка хьо́кхам «Севкавцинк» яха фост а латташ Москве хьал а дена СССР Совнаркома тхьамада волча В. В. Куйбышева́ дӀакховдадаь хиннад.

1936-ча шера институте хьалхара лоаман инженераш дийша баьннаб — 17 саг. 1937-ча шера института́ керда цӀи еннай — Буро тӀара къоарзача маьхий институт — (эрс: Орджоникидзевский институт цветных металлов).

Хьагучох, 1964-ча шера института керда цӀи еннай — Къулбаседа Кавказера лоаман-металлурген институт (эрс: Северо-Кавказский горно-металлургический институт).

Советий хана института массехк орден еннай.

1994-ча шера аьтинга бетта Эрсечен Лакхерча дешарах йолча паччахьалкхен комитето аттестацен экспертиза чакх ма яьккхинге амар даьд Къулбаседа Кавказерча лоаман-металлурген институтах Къулбаседа Кавказера паччахьалкхен технологически университет (эрс: Северо-Кавказский государственный технологический университет) аьнна цӀи тилларах.

2003-ча шера РФ Дешара Министерствон № 2110 йолча амарца университета цӀи хийцай — цу хана денз Къулбаседа Кавказера Лоаман-Металлуриген Институт (Паччахьалкхен Технологически Университет) яхаш я из (эрс: Северо-Кавказский Горно-Металлургический Институт (Государственный Технологический Университет)).

2021-ча шера тов бетта 4-ча дийнахьа СКГМИ (ГТУ) Россе Федерацен Президент волча В. В. Путина Баркал оала каьхат деннад.

Факультеташ

• Лоаман-металлургически (эрс: горно-металлургический факультет)
• Электромеханически факультет (эрс: электромеханический факультет)
• Архитектуран-гӀишлонхой факультет (эрс: архитектурно-строительный факультет)
• Хоама технологийи электорнни технологийи факультет (эрс: факультет информационных технологий и электронной техники)
• Экономикан факультет (эрс: экономический факультет)
• Юридически факультет (эрс: юридический факультет)
• Заочни дешара факультет (эрс: факультет заочного обучения)
• Вуза́ хьалхагӀарча кийчон (эрс: факультет довузовской подготовки)

Белгалдаккхар

Литература

• 50 лет Северо-Кавказскому горно-металлургическому институту. — Орджоникидзе: Ир, 1981. — 106 с.

ТӀатовжамаш

• История СКГМИ (ГТУ)  (эрс.). https://www.skgmi-gtu.ru/ru/. Къулбаседа Кавказа лоаман-металлурген институт. Хоам хьаийца таьрахь: 30.03.2025.
• Официальный сайт СКГМИ (ГТУ)
• Официальный сайт Научного центра СКГМИ (ГТУ)
• Вестник СКГМИ — университетская газета (ГТУ)
• Официальный сайт Научно-технической библиотеки СКГМИ (ГТУ)