Цхьорой Марет
| Цхьорой Марет | |
|---|---|
| Цороева Марет Гоайсултановна | |
 | |
| Ваь моттиг | ГӀиргӀизстане |
| Паччахьалкхе |
 СССР →  Россе Федераци |
| Ӏилман никъ | [филологи |
| Белха моттиг | ГӀалгӀай паччахьалкхен университет |
| Ӏилманхой дарж | филологе Iилмай доктор |
| Ӏилманхой звани | профессор |
Цхьорой Марет (эрс: Цороева Марет Гайсултановна) — филологе Ӏилмай доктор, дин тархьара доктор, Сорбонна университета профессор. Шаккхе диссертаци Фаьренгий Мехка чакхъяьккхай.
Биографи
Цхьорой Марет ГӀиргӀизстане хьалкхийнай цхьа йишийнеи ялх вешийнеи юкъе. ГӀалгӀай къам мехках даьккха ха хиннай уж ГӀиргӀистане баьха ха.
Цо дийшад Л. Н. Толстой цӀерагӀа йолча Нохч-ГӀалгӀай паччахьалкхен университете.Университет йоаккхашше цо Ленинграде яьхай фаьренгий мотт Ӏомабеш кхаь шера йола курсаш. 1985-ча шера Ленинграда меттай институте Марета йистеяьккхай аспирантура. Дийша яьнначул тӀехьагӀа из романий метташ хьехаш хиннай Фрунзе а, ГӀиргӀизий паччахьалкхен университете.
1996-ча шера, региональни меттаех бола тохкам бир духьа Марета́ хьожаяьй дунен къамашта юкъера Шувцарехьен грант, из гӀулакх бахьан долаш Марет яха дӀаяхай Фаьренгехье. Дешара г1улакха моллаг1а мохк харжа йиш йолаш хиннай из. Фаьренгий мохк гаргаг1а хийттаб цунна ший балха. Цига из шозза докторалла чакхъяьннай дин тархьарцареи этнологецера балхаш дарца. Марета болх баьб Фаьренгий къаман библиотеке а архива кулгалхо йолаш[1][2].
Тахан са меттаца бола чам а уйла а сомаяьккха́р яр сона Нохч-ГӀалгӀай университете фаьренгий мотт хьийха хьехархо Дзайтанаькъан Берсанакъа Хаифа. Из яр эздий хьехархо. Со Фаьренгий мехка яхача хана, из хьоашалгӀа еча, сона Ӏилма хьехача фаьренгий метта хьехархоша зувр цо мотт мел цӀена бувц. Цар кхетадора, са мотт цӀена хилар цунгара долга. Из мо хьехархо хилча, хьа метта хьал кхыча тайпара хург а цахилар шеко яц — оалар сога
.
Хьалхарча ший диссертацена цо защита яьй 2002-ча шера, из гӀалгӀай дин тархьар тохкаш баь болх хиннаб. ШозлагӀа, доктора дарже, дисстертацена защита яьй 2005-ча шера. Цо даь дукха Ӏилман балхаш да, царна юкъе дукхагӀа тахка хаттараш да гӀалгӀай ширача дин Ӏадаташцеи, цар Тигра, Ефрат, Анатоле ширача цивилизацешца йолча башхалонешцеи дувзаденна. ПхелагӀа ше арахийцача кинижка тӀа цо техкай гӀалгӀаша тарматал леладаьча хана лерхӀаш хинна Тушоли.