Новрбийнаькъан Хьамида Руслан
| Новрбийнаькъан Хьамида Руслан | |
|---|---|
 | |
| Ваь таьрахь | 1 кӀимарса 1955 |
| Ваь моттиг | Преображеновка, Пешковски шахьар, Кустанайски область, Казахий ССР, СССР |
| Кхелха таьрахь | 29 тушола 2005 (49 шу) |
| БӀорахол |
 СССР →  Россе Федераци |
| Болхговзал | |
| Карьера | 1980—2005 |
| СовгӀаташ |
 |
Новрбийнаькъан Хьамида Руслан (эрс: Наурбиев Руслан Хамидович) — актёр, иллиалархо, ГӀалгӀай Мехка халкъан артист.
Биографи
Ваьв 1955 шера кӀимарса бетта 1 дийнахьа Казахий ССР Кустанайски областе Пешковски шахьаре Преображеновка яхача юрта.
1978-ча шера цо йистеяьккхай Санкт-Петербургера паччахьалкхен театра исбахьален академи (Меркурьева Василия, Мейерхольд Иринай классах). 1980—1988 шерашка цо болх баьб Х. Нурадилова цӀерагӀа йолча Нохч-ГӀалгӀай паччахьалкхен драматически театре.
1994-ча шера Нохчий мехка тӀом хьайначул тӀехьагӀа из Москве ваха дӀавахав, цига цо кулгал леладаьд ГӀалгӀай мехка представителствон товшала центра, цул совгӀа болх беш хиннав «Лоам» яхача эстрадан студе юкъе артист волаш.
Кхелхав 2005 шера тушола бетта 29 дийнахьа.
СовгӀаташ
- Лениниски комсомола преме лауреатНохч-ГӀалгӀай АССР (1984);
- Таганроге хиннача цхьанкхетарашта юкъерча Чехова драматурге фестивала дипломант (1985);
- «Сийлен хьарак» ордена кавалер (1986);
- Дукха дика хӀамаш карагӀдийнна ГӀалгӀай Республика артист (1997);
- ГӀалгӀай республика къаман артист (2001).
Фильмографи
- 1984 — «Мукъа волаш вола» яхача фильме телохранитель (Горьки цӀерагӀа йола киностуди, режиссёр Ю. Мастюгин);
- 1991 — «Нах буа саг» фильме Аламбик (Рижски киностуде «Казахфильма» студеца цхьана баьбола болх, режиссёр Г. Земель);
- 1994 — «Ӏаьржа жуккарг» яхача фильме инарал («Мосфильм» киностуди, режиссёр Б. Галкин);
- 1995 — «Мужской талисман» («Мосфильм» кинстуди, режиссёраш Б. Галкин, В. Максаков).
- 2000 — «Марш Турецкого» фильме Чингисхан (режиссёр М. Туманишвили);
- 2001 — «Ахиллесова пята» яхача фильме Марат (режиссёр И. Талпа);
- 2002 — «Дом дураков» фильме Вахид (режиссёр Андрей Михалков-Кончаловский);
- 2002 — «Кодекс чести» фильме (режиссёр Георгий Николаенко);
- 2002 — «За кулисами» фильме Отар (режиссёр И. Талпа);
- 2002 —"МаӀача наьха болх 2" фильме (режиссёр Тигран Кеосаян);
- 2003 — «Оперативни псевдоним» Фильме Тагиров (режиссёр И. Талпа);
- 2003 — «Стилет» фильме (режиссёр В. Досталь);
- 2004 — Сармат" фильме ӀабдуллоахӀа (режиссёр И. Талпа);
- 2004 — «Личный номер» фильме Аслан (режиссёр Евгений Лаврентьев);
- 2004 — «Время жестоких» фильме (режиссёр Всеволод Плоткин);
- 2004 — «Карусель» фильме (режиссёр М. Швейцер);
- 2005 — «Чёрная богиня» фильме (режиссёр Леонид Белозорович);
- 2007 — «Джоконда на асфальте» яхача фильме (режиссёр В. Наумов).
Мукъам
Беканаькъан ИбрахӀимацеи Дзейтанаькъан Тимурацеи, Янданаькъан Тамарацеи цхьана 1993-ча шера вӀашагӀъеллай гӀалгӀай мукъама тоаба «ЛОАМ».
«ЛОАМ» яха тоаба цӀихеза яр гӀалгӀай мехка а, мехкал арахьа а.
Белгалдаккхар
Литература
- Муса Гешаев. Знаменитые ингуши. — Турин: STIG, 2006. — Т. 2. — 620 с. — 2000 экз.