Овшанаькъан Ӏалихана Эльза

Овшанаькъан Ӏалихана Эльза
Аушева Эльза Алихановна
Ваь таьрахь	1968(1968)
Ваь моттиг	Шолжа-ГӀала, Нохч-ГӀалгӀай АССР
Паччахьалкхе	СССР →  Россе Федераци
Ӏилман никъ	Ӏилманхо-филолог
Белха моттиг	ГӀалгӀай паччахьалкхен университет
Ӏилманхой дарж	филологе Ӏилмай кандидат
Ӏилманхой звани	доцент
СовгӀаташи премеши	• «ГӀалгӀай паччахьалкхен университета Ӏилма дегӀадоаладеш лоадам бола да́къа ла́царах» яха сийлен грамот (2016); • «Дешара даькъе лакха толамаш да́харахи, университета Ӏилман белха юкъе ший дакъа лацарахи, иштта Россе Ӏилман ди дездар бахьан долаши» яха сийлен грамота (2017).

О́вшанаькъан Ӏалиха́на Эльза (эрс: Аушева Эльза Алихановна) — Ӏилманхо-филолог, ГӀалгӀай паччахьалкхен университета гӀалгӀай метта кафедра кулгалхочун декхараш кхоачаш деш йола доцент.

Дешар

О́вшанаькъан Эльза яьй 1968-ча шера кӀимарса бетта 18-ча дийнахьа Шолжа-ГӀала тӀа Нохч-ГӀалгӀай АССР. 1986-ча шера, ишкол яьккха йоаллаше, из деша эттай Л. Н. Толстой цӀерагIа йолча Нохч-ГӀалгӀай паччахьалкхен университете, филологе факультете. ТӀехдика университет йистеяккхарца 1991-ча шера Ӏилман лакхерча ишкола йолча Комитето дӀахьожаярца из лаборантал балха отт гӀалгӀай филологе кафедре. 1992-ча шера цо болх бу ассистент йолаш Л. Н. Толстой цӀерагIа йолча Нохч-ГӀалгӀай паччахьалкхен университете, цу шшера цигга аспирантуре деша эттай. «ГӀалгӀай метта цӀера къамаьла доакъош» (эрс: «Именные части ингушского языка») яха кандидатски диссертаци кийчъяьй цо, Оздой Фирузас кулгалдеш. 2007-ча шера цох кандидат хиннай «РФ къамай метташ (Кавказхой метташ)» (эрс: «Языки народов РФ (Кавказские языки)) яхача даькъе.

Болх

1995-ча шера денз цо болх бу ГӀалгӀай паччахьалкхен университете. 2001 шера денз йоккхагӀйола хьехархо йолаш, хӀаьта 2010 шера — доцент йолаш. 2024-ча шера денз гӀалгӀай метта кафедра кулгалхочун декхараш кхоачаш деш я.

Хьехаш йола дисциплинаш:

• Иберийско-кавказское языкознание
  
• Современный ингушский язык (морфология)
  
• Именные части речи в ингушском языке
  
• Введение в нахскую филологию
  
• Ингушский язык
  
• Сравнительная грамматика нахских языков.

Дешара-методически болх

• Монографи «Ингушские части речи в ингушском языке» — 2012 ш.
  
• ХӀанзара гӀалгӀай мотт. Фонетика. Лексикологи. Морфологи. — 2021 ш.
  
• Введение в иберийско-кавказское языкознание. — 2021 ш.
  
• ХӀанзара гӀалгӀай мотт. Морфологи. 1-ра дакъа. ЦӀера къамаьла доакъош — 2020 ш.
  
• ХӀанзара гӀалгӀай мотт. Морфологи. 1-ра дакъа. ЦӀера къамаьла доакъош.
  
• Хандош, хандеша формаш, гӀулакха къамаьла доакъош — 2020 ш.
  
• ХӀанзара гӀалгӀай мотт. Морфологи — 2021 ш.
  
• Иберийско-кавказское языкознание — 2024 ш.
  
• ГӀалгӀай метта морфологе практикум — 2024 ш.
  

Белгалдаккхар

ТӀатовжамаш

• Сайт ИнгГУ. Ингушский язык. О кафедре  (эрс.). inggu.ru. Хоам хьаийца таьрахь: 28.09.2024.