Оздой Аьсет
| Оздой Гирихана Аьсет | |
|---|---|
| Оздоева Эсет Гирихановна | |
| Ваь таьрахь | 1977 |
| Ваь моттиг | Наьсаре, Нохч-ГӀалгӀай АССР |
| Паччахьалкхе |
 СССР →  Россе Федераци |
| Ӏилман никъ | |
| Белха моттиг | ГӀалгӀай паччахьалкхен университет |
| Ӏилманхой дарж | филологе Ӏилмай кандидат |
| Ӏилманхой звани | доцент |
| СовгӀаташи премеши |
• «ГӀалгӀай паччахьалкхен университета Ӏилма дегӀадоаладеш лоадам бола да́къа ла́царах» яха сийлен грамот (2016); |
Мизганаькъан Ги́рихана Аьсет, маьре яхачул тӀехьегӀа: Оздой Аьсет (эрс: Оздоева Эсет Гирихановна) — Ӏилманхо, ГӀалгӀай паччахьалкхен университете гӀалгӀай метта кафедрера хьехархо, доцент я[1]. Университете болх беш я 1999-ча шера денз. Цо дукхаза котало дӀакхихьай «Шера хьехархо» яхача яхьашка, цул совгӀа «Эрсечен дукха дика хӀамаш карагӀдийна хьехархо» цӀи йолаш я.
Вахар
Оздой Гирихана Аьсет яьй 1977-ча шера 26-ча дийнахьа кӀимарса бетта Наьсаре ЧИАССР Мизганаькъан Сосламбика Гириханеи Доланаькъан Мухьмада Долотханеи дезале. Да, Мизганаькъан Гирихан, «Электроинструмент» яхача заводе болх беш хиннав, нана, Долонаькъан Долотхан, Ӏаьлий-Юртарча юкъарча ишколе химии биологии хьехаш хиннай.
Дешар
Оздой Аьсет 1983 шера денз 1994-ча шерага кхаччалца деша яьгӀай Ӏаьлий-Юртарча юкъерча ишколе. 1994-ча шера из деша эттай духхьашха хьайийлача ГӀалгӀай паччахьалкхен университете. 1999-ча шера цо йистеяьккхай университет «Русский язык и литература, ингушский язык и литература» яхача говзалах цӀе диплом даккхарца. Цу шера Аьсет университете гӀалгӀай метта кафедре балха дӀачуийцай, хӀаьта 2003-ча шера цо тӀехдика йистеяьккхай аспирантура, «Языки народов Российской Федерации (Кавказские языки)» яха говзал караерзаеш. 2007-ча ГӀаьбартой-Малкхарой паччахьалкхен Х. М. Бербекова цӀерагӀа йолча университете ший кандидатски диссертаци дӀаювцарца цох филологе Ӏилмай кандидат хьахиннай.
Болх
Ткъаь итт шу да Оздой Аьсета болх бу. 2022-ча шера оагӀой беттагара денз 2024-ча шера саькура беттага кхаччалца гӀалгӀай метта кафедре кулгалхочун декхараш кхоачаш деш хиннай. 2024-ча шера нажгоанцхой бетта денз из я кафедре доцентал леладеш. Цо язбаь 136 Ӏилман болх ба: «Лексика родства в ингушском языке» яха монографии, 4 дешара пособии (царех цаӀ кинашка да), 129 Ӏилман лустами)[1].
Хьехаш дола Ӏилман доакъош
• Современный ингушский язык. Морфология.
• Современный ингушский язык. Словообразование.
• Современный ингушский язык. Лексикология.
• Отраслевая лексика ингушского языка.
• Ингушская фразеология[1].
Толамаш
• «ГӀалгӀай паччахьалкхен университета Ӏилма дегӀадоаладеш лоадам бола да́къа ла́царах» (эрс: За значительный вклад в развитие науки Ингушского государственного университета) яха сийлен грамота — 2016-гӀа шу.
• «Дешара даькъе лакха толамаш дахарахи, университета Ӏилман белха юкъе ший дакъа лацарахи, иштта Россе Ӏилман ди дездар бахьан долаши» (эрс: За высокие достижения в сфере образования, личный вклад в научную деятельность университета и в связи с празднованием Дня российской науки) яха сийлен грамота — 2017-гӀа шу.
Белгалдаккхар
ТӀатовжамаш
- Сайт ИнгГУ. Ингушский язык. О кафедре. inggu.ru. Хоам хьаийца таьрахь: 28.09.2024.