Пампа

Па́мпа (я) (Пампа́саш) (хӀисп. Pampa, дукх. т. Pampas) — ЗӀилбухерча Американ зӀилбухе-малхбоалехьара эри аре. ДукхагӀа субтропикай оаса чу улл Рио Плата даьрженна гаьна доацаш. Малхбузехьара Андаша доазув ду, малхбоалехьана — Малхбузерча оакафордо, тӀаккха гӀинбухехьа Гран-Чако саванна улл.

Па́мпас ши экорегион вӀашагӀйолл — тӀаьда пампа малхбоалехьеи екъа пампа малхбузехьеи, хӀаьта цигара Ӏалама лоаттам бекъо́ ба, иштта лаьтташ а я́ькхагӀа (хьаьна доацашагӀа) да.

Лакхера даьккхача пампан сурт

Ӏалама лоаттам

Малхбузерча оакафордал гаьнагӀа мел хула па́мпа екъагӀа хул. Пампа Ӏалама лоаттам субтропикай ба. Малхбоалехьа аьхкеи Ӏайи температура кхы башха хувцалуш яц, хӀаьта малбузехьа лоаттам гӀа́ран хьахул.

Географи

Пампа Аргентинани, Уругваяи Бразилеи мехкашка йолаш я. Аргентине жа-доахан доажадеш лелаю пампасаш.

Бахархой

XVII-ча бӀаьшера пампе белггала бахархой хьахиннаб: гаучо-Ӏуй (европахойи индейцийи тӀехье я, дукхагӀа индейций цӀий доаллаш).

Вай хана дикка нах ба́ха хайша я: Аргентина бахархой ¾ пампашка Ӏеш я. Пампе уллача пхьанех йоккагӀъяраш Росарио, Ла-Плата, Санта-Фе я.

Хьажа иштта

• Льянос
• Памперо