Пхьугой Бориса Амир

Пхьугой Бориса Амир
Пхьугой Бориса Амир
	эрс: Пугоев Амир Борисович
Ваь таьрахь	28 бекарга 1982 (44 шу)
Ваь моттиг	СССР МагӀалбика шахьар
БӀорахол	Россе Федераци
Леладу гӀулакх	артист, ашарахо

Пхьугой Бориса Амир(эрс: Пугоев Амир Борисович; 28 бекарга 1982, Керда Редант, Нохч-ГӀалгӀай АССР) — ГӀалгӀайчен ашархо, ГӀалгӀайчен дукха дика хӀамаш карагӀдийна артист (2015 шу) ГӀалгӀайчен Халкъа артист (2025 шу), Мукъама-драматически театра болхло, «Зокх» яхача сакъердаме юкъарчен доакъашхо. «Белам» яха проект йолаяьр.

Биографи

Дешар

Пхьугой Амир ваьв ЧИАССР Кердача Реданте 1982-ча шера бекарга бетта 28-ча дийнахьа. Ишкол яьккхай цу юрта 1993-ча шера, ишкол яьккхачул тӀехьагӀа деша эттав Ачалкхерча училище машен лалла Ӏомавала. 2001—2003 шерашка из бӀул кхоачашдеш хиннав, цигара цӀавенав «старшина» сийлен цӀи йолаш. Цул тӀехьагӀа ше деша ваьгӀача училище Амира яьхай бухгалтера курсаш. Цул совгӀа юристалла а дийшад лакхера дешар.

Болх

2007-ча шера Амир балха эттав «Зокх» яхача кхоллама юкъарче, цигара болабеннаб цун кхоллама никъ а товшхалацара бувзам а. «Зокх» юкъарче балха эттачул тӀехьагӀа цо дийшад Нальчике Къулбаседа Кавказа исбахьален институте, театреи телевиденеи режиссера говзал караерзаеш. Цига из ялх шера деша ваьгӀав. Эггара цо дакъа лаьца, цун кхоллама юкъе волалуча хана баьккъа суртгойтам ба «Найц» яхар. Цо дакъа лаьцача ц1ихезарашта юкъе ба «Бегарга бетта 1-ча дийнахьа баь бегаш» (эрс: Первоапрельская шутка) яха гойтам. Товшхала доазон тӀа даьха дукха толамаш да Амира.

2022-ча шера саькура бетта 10-ча дийнахьа цо йолаяьй «Белам» яха сакъердама проект (эрс.) (гӀа.. Цун тоабо кхо выпуск (эрс.) (гӀа.арахийцай. ХӀара выпуска́ юкъе 12-13 суртгойтам ба. Арахеца кийчъяь я 4-гӀа выпуск. 2015-ча шера Пхьугой Амира еннай «Дукха дика хӀамаш карагӀдийна артист» яха сийлен цӀи, 2025-ча шера — «Халкъа артист» яха цӀи. Из дакъа лоацаш хиннав, Андрей Малахова хьоашалгӀа вийха, «Песни от души» яхача передаче^[1]. Цо арахийцад кхо альбом «Вай безам», «Дай-Мохк», «Наьна безам», хӀара альбома юкъе а 12-13 ашар я. цӀихезача ашарашта юкъе я: «Сны», «Нана», «Время», «Давай уйдём», «Сабардел хьай», «Погоня», «Для тебя».

Альбомаш

• Вай безам
• Дай-Мохк
• Наьна безам

Ашараш

• Нана
• Сны
• Время
• Погоня
• Для тебя
• Безам
• Давай уйдём
• Сабардел хьай

СовгӀаташ

• ГӀалгӀайчен Дукха дика хӀамаш карагӀдийна артист (2015)
• ГӀалгӀайчен Халкъа артист (2025)

Белгалдаккхар

↑ Участие Заслуженного артиста РИ Амир Пугоева в программе Андрея Малахова «Песни от всей души» (неопр.). https://ctkiki.ru/. Хоам хьаийца таьрахь: 29.09.2025.

[1] Участие Заслуженного артиста РИ Амир Пугоева в программе Андрея Малахова «Песни от всей души» (неопр.). https://ctkiki.ru/. Хоам хьаийца таьрахь: 29.09.2025.

[1]