Россе Федерацен Конституци
| Россе Федерацен Конституци | |
|---|---|
 йоазонца йола чӀоагӀо укх йоазон тӀагӀолла ю | |
| Бокъон отрасль | Конституцен бокъо |
| Кеп | Керттера закон |
| Паччахьалкхе | |
| ТӀаэцар |
Дерригача къамаша харжар 1993 шера оагӀой бетта 12 дийнахьа |
| Кулга яздар | лайчилла бетта 8-гӀа ди 1993 шу (проект)[1] |
| Нидзаца чӀоагӀъяр | 1993 шера оагӀой бетта 25 дийнахьа |
| Хьалхара кепатохар | Россе газет, № 237, 1993 шера оагӀой бетта 25 дийнахьа |
| Лелаш йола редакци | 2022 шера ардара бетта 6 дийнахьа |
| Электронни эрш | |
Россе Федера́цен Конститу́ци (эрс: Конституция Российской Федерации) — Россе Федерацен лакхера нормативни бокъон акт я. ТӀаийцай 1993-ча шера оагӀой бетта 12-ча дийнахьа массадолча къамашта юкъе дӀадихьача хоржамашка гӀолла[2]. Конституци лакхера юридически низ ба, Россе конституце оттама лард я, представительни, исполнительни, кхела Ӏаьдала органаш кхоллари, мехка вахархочун бокъонаш лораяри да[3][4].
2017-ча шера оагӀой бетта ВЦИОМ баьча социологен хоаттамо яхачох, 61 % наха къаман хьашташ кхоачашдеш каьхат лоархӀа Конституцех[5].
2020-ча шера кӀимарса бетта 1-ча дийнахьа Ерррига Россе дӀадихьача хоржамашка гӀолла конституце хувцамаш тӀаэцарах, наха могадирах, Кертерча бокъон юкъе хувцамаш даьд[6][7]. Хувцамашка леладе доладаьд 2020-ча шера кӀимарча бетта 4-ча дийнахьа денз[8].
Конституце тархьар
1990—1991 шерашка СССР ехай. Дерригача мехкаша, РСФСР а тӀехьа, паччахьалкхен суверинететах йола Деклараци тӀаийцай. РСФСР Къаман депутатий гулламо 1990-ча шера аьтинга бетта 12-ча дийнахьа тӀаийцай паччахьалкхен суверинететах йола Деклараци. Цун хьалхашка оттадаь декхар хиннад йолча бокъонашта тӀагӀолла РСФСР керда Конституци вӀашагӀйоллар.
Проект оттаяр (1990)
1990-ча шера аьтинга бетта 16-ча дийнахьа вӀашагӀъеллай РСФСР къамай депутатий гуллама Конституцен комисси, цо ший болх болабаьб Кремла 14-ча корпуса «Мраморни зал» аьнна цӀи йоаккхача моттиге[9]. Комиссена тхьамадалла хьожаваьв РСФСР Лакхехьарча совета тхьамада Борис Ельцин, цун когаметтаоттар — РСФСР Лакхехьарча совета тхьамадий хьалхара когаметтаоттар Хасбулатов Руслан, секретара метте хержав — РСФСР къаман депутат Олег Румянцев. Эггара хьалха комиссен юкъе 102 саг хиннав, 1992-ча шера лайчилла бетта уж кӀезигбеннаб 98 саг мара ца вусаш, юкъе хинна кхо саг РФ Конституцен Кхела юкъе бахар бахьан долаш[10].
Конституци тӀаэцача хана дакъалоацаш хиннаб къамаш дегӀадоаладара йолча США Агентствос лелабеш хинна говзанчаш[11]. Юрий Батурин яьхад: «Кхыча мехкарча эксперташта юкъерча экспертий цӀераш йоахаргья аз — Мануэль Гарсиа Альварес, Леонски университетера конституцен бокъон профессор (ХӀиспани)»[12].
1993-ча шера тов бетта 21-ча дйинахьа Россе Федераце Президента Ельцин Бориса «Мурах Россе Федерацен Конституцен юкъе реформа ярах» амар даьккхад, къаман депутатий съезда болхи, Россе Лакхехьарча совета болхи юхасоцабеш, цул совгӀа цо яхачох, оагӀой бетта 12-ча дийнахьа оттаяь хила езаш хиннай керда Конституци. Ши-кхо сахьат даьнначул тӀехьагӀа РФ Конституцен Кхело арабаьккхаб шоаш баь соцам 21.09.1993 № З-2 Ельцина даьча «Мурах Россе Федерацен Конституцен юкъе реформа ярах» долча амара тӀагӀолла РФ Президенталлара Б. Н. Ельцина дӀаваккха[13][14], цхьабакъда Президента а цунна гонахьарча наха а из соцам тӀаийцабац.
ТӀаэцар (1993)
.JPG)
1993-ча шера ардара бетта 15-ча дийнахьа президента Борис Ельцина амар даьккхад къамашта юкъе хоржамаш дӀадахьарах Россе Конституцен проекта хетадаь, 1993-ча шера оагӀой бетта 12-ча дийнахьа оттадаьча Россе Федерацен Конституцен проекта тӀагӀолла хоржамаш дӀадахьар оттадаьд[15]. ДӀаязбаьча хоржархошта юкъера ах дакъал дукхагӀа болча нахах дукхагӀболчара хорже, Конституци тӀаийца лоархӀаш хиннай. «Дерригача къамаша харжар» яха термин оттаяь хиннай, «референдум» ца оалаш, 1990-ча шера ардара бетта 16-ча дийнахьа даьккхача РСФСР референдумах долча законага гӀолла ца хила[16].
Хоржамаш дӀадихьар 1993-ча шера оагӀой бетта 12-ча дийнахьа. Коституци тӀаэца раьзабараш 58,43 %, раьзабоацараш — 41,57 %. Керда конституци тӀаийцай, лелае йолаеннай «Россе газета» яхача газета тӀа 1993-ча шера оагӀой бетта 25-ча дийнахьа ӀотӀаяккхарца.
Оттам
Йолаш йола Конституци латт юхьигахи, шин доакъоехи. Юхьига чу кхайкаду, Россе бахархоша Конституци тӀаэцаш хилар; демократически, гуманистически маьхе дола хӀама дӀачоагӀду; ХӀанзарча дунен тӀа Россе моттиг белгалйоаккх. Хьалхара дакъа ийс корта болаш да, цунна юкъе ба 141 лустам (РФ Конституце 14.03.2020 денз N 1-ФКЗ юкъерча хувцамех долча РФ Законага хьажжа 137 лустама́ ӀотӀатехаб кхы а 5 лустам, цхьа лустам лоархӀаме ца хиларах дӀабаьннаб). ШоллагӀча даькъе соцамаш белгалдоах, из конституцен бокъоний массазлен лард я.
Россе Конституцен оттама хьокхам:
- Преамбула
- Хьалхара дакъа
- Глава 1. Основы конституционного строя (статьи 1—16)
- Глава 2. Права и свободы человека и гражданина (статьи 17—64)
- Глава 3. Федеративное устройство (статьи 65—79.1)
- Глава 4. Президент Российской Федерации (статьи 80—93)
- Глава 5. Федеральное Собрание (статьи 94—109)
- Глава 6. Правительство Российской Федерации (статьи 110—117)
- Глава 7. Судебная власть и прокуратура (статьи 118—129)
- Глава 8. Местное самоуправление (статьи 130—133)
- Глава 9. Конституционные поправки и пересмотр Конституции (статьи 134—137)
- ШоллагӀа дакъа. Заключительные и переходные положения
Белгалдаккхар
- ↑ Борис Ельцин: Как президент, я больше других заинтересован в социальной стабильности — «Известия», 16 ноября 1993 года
- ↑ Конституци болх бе йолаеннай «Россе газет» яхача № 237 (25.12.1993) йолча газета тӀа ӀотӀаяьккхача хана денз
- ↑ Козлова Е. И., Кутафин О. Е. Конституционное право России: Учебник. — М.: Проспект, 2006. — С. 608 ISBN 5-482-00716-2
- ↑ Комаров С. А., Малько А. В. Теория государства и права: Учебно-методические пособие, краткий учебник для вузов. — М.: Инфра-М, 2001. — С. 448 ISBN 5-86225-968-6
- ↑ ВЦИОМ. Конституция: изменить или оставить? (12.12.2017). Хоам хьаийца таьрахь: 13.03.2018. Архиваци яьй 14.03.2018.
- ↑ Полный текст поправок в Конституцию: что меняется? Государственная Дума. Хоам хьаийца таьрахь: 3.07.2020. Архиваци яьй 10.04.2020.
- ↑ Глава ЦИК РФ Элла Памфилова: «Изменения в Конституцию Российской Федерации считаются одобренными». www.cikrf.ru. Архиваци яьй 4.07.2020.
- ↑ Конституция Российской Федерации (принята всенародным голосованием 12 декабря 1993 года; с изменениями, одобренными в ходе общероссийского голосования 1 июля 2020 года). publication.pravo.gov.ru. Хоам хьаийца таьрахь: 4.07.2020.
- ↑ Указ Президента Российской Федерации от 02.06.1993 г. № 840 О порядке работы Конституционного совещания. Хоам хьаийца таьрахь: 21.02.2021. Архиваци яьй 16.02.2020.
- ↑ О работе Конституционной комиссии Съезда народных депутатов Российской Федерации (1990—1993 годы). Хоам хьаийца таьрахь: 6.01.2012. Архиваци яьй оригинала тӀара 1.03.2012.
- ↑ в разделе о деятельности USAID в России. Хоам хьаийца таьрахь: 25.08.2018. Архиваци яьй 11.11.2020.
- ↑ Кто и зачем сократил президентский срок? | Статьи | Известия. Хоам хьаийца таьрахь: 8.07.2021. Архиваци яьй 2.06.2021.
- ↑ Заключение Конституционного Суда РФ от 21.09.1993 N З-2 «О соответствии Конституции Российской Федерации действий и решений Президента Российской Федерации Б. Н. Ельцина, связанных с его Указом от 21 сентября 1993 года „О поэтапной конституционной реформе в Российской Федерации“ и Обращением к гражданам России 21 сентября 1993 года»||КонсультантПлюс
- ↑ Заключение Конституционного Суда РФ от 21.09.1993 N З-2 «О соответствии Конституции Российской Федерации действий и решений Президента Российской Федерации Б. Н. Ельцина, связанных с его Указом от 21 сентября 1993 года „О поэтапной конституционной реформе в Российской Федерации“ и Обращением к гражданам России 21 сентября 1993 года». Хоам хьаийца таьрахь: 18.01.2017. Архиваци яьй 8.08.2016.
- ↑ Указом президента России от [[15 октября]] [[1993 год]]а № 1633 «О проведении всенародного голосования по проекту Конституции Российской Федерации». Хоам хьаийца таьрахь: 6.01.2012. Архиваци яьй 6.11.2013.
- ↑ Закон РСФСР от 16.10.1990 N 241-1 «О референдуме РСФСР»
Литература
- Баглай М. В., Туманов В. А. Малая энциклопедия конституционного права. — М.: БЕК, 1998. — 505 с. — ISBN 5-85639-241-8.
- Баглай М. В. Конституция Российской Федерации: историко-правовой комментарий М. В. Баглая. — 3-е изд., перераб.. — М.: Норма: ИНФРА-М, 2010. — 159 с.
- Конституция Российской Федерации: Энциклопедический словарь / Авт. коллектив: В. А. Туманов, В. Е. Чиркин, Ю. А. Юдин; Руководитель авт. коллектива С. М. Шахрай. — 2-е изд., перераб. и доп. В. А. Тумановым. — М.: Большая российская энциклопедия: Юристъ, 1997. — 319 с. — (Interpretationes). — ISBN 5-7357-0143-6.
- Беляев И. А. : Какая Конституция нужна современной России? // Социально-гуманитарные инновации : стратегии фундаментальных и прикладных научных исследований : материалы Всероссийской научно-практической конференции. — Оренбург : ОГУ, 2019. — С. 740—747.
- Собянин А. А., Суховольский В. Т. Демократия, ограниченная фальсификациями : Выборы и референдумы в России в 1991—1993 гг. — М.: Изд-во ИНТУ, 1995. — 263 с.
ТӀатовжамаш
- Текст Конституции Российской Федерации на официальном сайте президента России
- Конституция РФ от 11 апреля 2014 года // опубликована новая редакция Конституции РФ
- Комментарии к Конституции РФ
- Федеральный конституционный закон от 28.06.2004 N 5-ФКЗ (ред. от 18.06.2017) «О референдуме Российской Федерации»