Россе Федераце таможенника ди
| Россе Федераце таможенника ди | |
|---|---|
 | |
| Официальни цӀи | официальни цӀей |
| Кхыйола цӀи | официальни цӀей |
| Оттадаьд | 1995-ча шера маьцхали бетта 5-ча дийнахьа Б. Н. Ельцина амарца № 811 ''«Об установлении Дня таможенника Российской Федерации» |
| Оттадаьр | Б. Н. Ельцин |
| Дезду | ардара бетта 25-ча дийнахьа |
| Таьрахь | Ардара бетта 25-гӀа ди |
| Мишта дезду | Таможне болхлой къаьстта лархIарца |
Россе Федераце таможенника ди (эрс: День таможенника Российской федерации) — ардара бетта 25-ча дийнахьа дездеш дола Россе Федераце таможне болхлой цӀей да.
Тархьар
«Россе Федераце таможенника ди» — яьннача ханага хьежача доккха цӀей дац, из хьахинад СССР хаьрцачул тӀехьагӀа 1995-ча шера маьцхали бетта 4-ча дийнахьа Россе Федераце хьалхарча паччахьа Бориса Николаевича Ельцина амар даккхарца № 811 «Об установлении Дня таможенника Российской Федерации» аьнна[1]. СССР хиннача хана дездеш хиннад маьтсели бетта 29-ча дийнахьа «Советий Ӏаьдала таможенника ди» (хӀанзарча хана цу дийнахьа дезду «Таможне ветераний цӀей»).
Россе Федераце таможенника ди цу дийнахьа дездар ший маӀан долаш да. Паччахьа Бориса Ельцина ардара бетта 25-гӀа ди къаьстта белгалдаьккхад 1653-ча шера ардара бетта 25-ча дийнахьа Эрсий паччахьалкхено Единый Торговый Устав тӀаийцандаь, паччахьа Алексей Михайлович Романов амар даккхарца "о взимании таможенной пошлины в Москве и в городах, с показанием поскольку взято и с каких товаров»[2].
2006-ча шера, РФ паччахьа Владимира Путин, таможне болхлой цу цӀейца даькъала бувцаш, аьннад[3]:
Поздравляю сотрудников и ветеранов с профессиональным праздником — Днём таможенника. За прошедшие 11 лет Федеральная таможенная служба России внесла достойный вклад в укрепление экономической безопасности, защиту национальных интересов страны. Сегодня она по праву является одним из действенных механизмов государственного регулирования внешней торговли, пополнения бюджетных доходов.
Дездар
Таможнера балха гӀулакх кхоачаш деш, къахьегачара цӀей да из. Цу дийнахьа безбу совгӀаташца инспектораши, аналитикаши, оперативно-розыскной отдела болхлойи, контрабандаца къовсам лелабераши. Царна хетадий, дӀакхухь тайп-тайпара вӀашагӀкхетараш. ВӀашагӀкхетарашка уж белгалбоах «Дукха дика хӀамаш карагӀдийна РФ таможне болхло» яха сийлен цӀи яларца.
Цул совгӀа таможне болхлошта юкъе нажгоанцхой бетта 26-ча дийнахьа дезду International Customs Day — «Дунен къамашта юкъера таможенника ди» яха цӀей. Из Дунен юкъара таможни юкъарло кхелла ха я. Юкъарлоно шоай хьалхара сесси дӀайихьар Брюсселе 1953-ча шера. ВТАО юкъе 180 мохк ба, Эрсече юкъе а йолаш.
Белгалдаккхар
- ↑ Указ Президента РФ от 4 августа 1995 г. N 811 «Об установлении Дня таможенника Российской Федерации». Хоам хьаийца таьрахь: 24.04.2019. Архиваци яьй оригинала тӀара 24.04.2019.
- ↑ Кулешова С.Ю. Торговый устав 1653 года. museum.customs.ru. Хоам хьаийца таьрахь: 25.10.2017. Архиваци яьй 27.10.2017.
- ↑ Федеральная таможенная служба. customs.gov.ru (26.10.2006). Хоам хьаийца таьрахь: 23.10.2024.