Са мохк — са Эрсече

Рувики материал
Конкурс «Са мохк — са Эрсече»
Эмблема всероссийского конкурса Моя страна — моя Россия.png
Доладалар таьрахь 2004 шу
Результат 1 млн гаргга доакъашхо ва 20 шера́
Сайт moyastrana.ru

«Са мохк — са Эрсече» (эрс: Моя страна — моя Россия) — юрташ а зӀамигеи йоккхеи пхьенаш а социально-дегӀайоалаяра авторий проектий конкурс[1]. Духхьашха 2004 шера дӀайихьай[2]. 2019 шера денз оттаеш я «Россия — страна возможностей» яхача АНО эгидах, иштта цун гадоаккхаш я Россе Федерацен Ӏилмани лакхерча дешареи министерствои, Россе Федераце сердалон министерствои, Россе Федарацен Федеральни Гуллама Федерацен Совета Ӏилмахи, дешарахи товшхалахи йола комитети, Хьаькъала доалахьен федеральни гӀулакхи, ФГБУ «Россе дешара академии», Кагирхой гӀулакхех йола федеральни агентствои[3][4].

Тархьар

Конкурс дӀаяхьа уйла кхайкаяьй 2003-ча шера Рязане дӀайихьача кагирхой парламентаризм дегӀайоалаярах йолча ерригроссе семинаре[4].

Духхьашха из конкурс дӀайихьай 2004-ча шера, экспертий гулламо юкъара мах баьб «Хьа XXI бӀаьшера пхье» яхача дешархой балхашта[1].

2006-ча шера ерригроссе конкурс дарже яьннай из, цун кертерча декхарашта юкъе кагирхой социальни проектировани е Ӏомабари, мехка кадрий хьал вӀашкадари хиннад[3].

2019-ча шера денз «Са Мохк — са Эрсече» яха конкурс АНО «Эрсече — аьттон мохк» цӀерца дӀакхухьаш я, цунна тӀагӀолла Эрсечен президента Путин Владимира из белгалъяьккхай кагирхошта лаьрхӀача майдашта юкъе регионаш социально-экономически дегӀайоалаяргахьа пайдане йола майда я, аьнна"[4].

ХӀара шу мел доал доакъашхой дукхагӀа хул: 2018-ча шера 7 эзар болх хиннача хана, 2019-ча шера 35 эзар хиннаб, тӀаккха 2023-ча шера 100 эзарнел дукхагӀа[5].

«Са мохк — са Эрсече» конкурс 2023-ча шера

Номинацеш

2025-ча шерара номинацеш
Бух:[3]
Номинацеш Керттера аспекташ
«Са мохк. Са тархьар. Са котало»
  • лорадар, юхаметтаоттадар, тоадар, Эрсече а Эрсечел арахьа а тархьар доаржадар;
  • ТӀема ветараний оагӀув хьаллоацаш долча вӀашагӀкхетарашка дакъалацар;
  • ТӀема сийлингаш тоадари, лорадари;
  • ТӀем тӀа байнараш лохаш новкъостал дар;
  • Мехкацара безам совбоаккхаш долча вӀашагӀкхетарашка дакъа лацар;
  • Сийлахь-Боккхача Даьхен ТӀема йовзанза йола оагӀонаш тахкар.
«Са дезал: дозал, маӀан»
  • тархьара лорадар, дезала юкъе бувзам чӀоагӀбар;
  • Даьй-ноаной хила кагирхой Ӏомабар;
  • социально-экономикан хьал дегӀадоаладар;
  • Дезалашта, фусамашта эшашдар Ӏалашдар;
  • Могашал ийша бераш долча дезалий оагӀув хьаллацар.
«Са дукха къамаш даха Эрсече» (оагӀонаш «Са наьна мотт», «Мехкай машар», «Са говзал»)
  • мехкашта юкъера, товшхалашта юкъера а бувзам чӀоагӀбар;
  • Тархьарах дола хоамаг гулдар, юкъара мах бар, цхьалха дахар, Ӏилман балха юкъедахьар;
  • Берийи кагирхойии археологе болх дӀабахьаргахьа оагӀув хьаллацар;
  • Тархьар Ӏомадаргахьеи, товшхал йовзаргахьеги дола дешар дегӀадоаладар;
  • Чура туризм лакхъяр кагирхой кхебаргахьа дакъа лоацаргдолаш.
«Са доаккхал. Са зӀамига мохк» «Са гаьнара Малхбоале. Са Арктика»)
  • БӀорахоша товшхал а тархьар тахкаргахьа даьха толамаш;
  • Доазув дегӀадоаладаргахьа юртара бахархой балха юкъебигар;
  • Пхьен тархьар лорадар;
  • Мехка тархьар Ӏомадари доаржадари;
  • волонтерство дегӀайоалаяр;
  • Лоалахошца доттагӀал лорадар, бувзам чӀоагӀбар.
«Са унахцӀено»
  • ДегӀа зулам ду хӀамаш тахкар (гӀаьли озар, къаракъ, дегӀ хьоацадар), са могашал эшаю Ӏоткъам;
  • УнахцӀено лораяра йола корпоративни программаш дегӀайоалаяр;
  • Къаман дааро беш бола Ӏоткъам сага унахцӀенонна;
  • ЗаӀапхой балхговзал, кхоллама говзал дегӀайоалаяр;
  • ЗаӀапхошца болх беш йола некоммерчески юкъарчеш кхоллар;
  • ЗаӀапхошта балха отташ, болх лохаш, наькъа тӀа бовлаш новкъостал дар.
«Са мехка экологи»
  • Экологически туризм дегӀайоалаяр;
  • Нувхаш цхьалхаяхари дӀаяхари технологеш юкъейоалаяр;
  • водородни технологеш дегӀайоалаяр;
  • Газомоторни доагор дегӀадоаладар;
  • Биопротеин Ӏалама газах йоаккхаш йола технологеш дегӀайоалаяр;
  • Ӏалама газ лораяра технологеш кхоллар.

Кулгалдар

  • Дмитрий Турлаков — «Са мохк — са Эрсече» яхача конкурса кхоачашъеча дирекце кулгалхо[6];
  • Лариса Пастухова — Ӏилман кулгалхо, «Са мохк — са Эрсече» яхача конкурса концепци хьаяьр[7];
  • Галина Сорокина — «Са мохк — са Эрсече» яхача конкурса экспертий юкъарлон координатор[7];
  • Владимир Берестецкий — «Са мохк — са Эрсече» яхача конкурс яьккхарий ассоциацен координатор[7].

Белгалдаккхар

  1. ↑ 1 2 «Моя страна - моя Россия» - Всероссийский конкурс. moyastrana.ru. Хоам хьаийца таьрахь: 16.06.2025.
  2. ↑ Проект Всероссийский конкурс "Моя страна - Моя Россия". dobro.ru. Хоам хьаийца таьрахь: 16.06.2025.
  3. ↑ 1 2 3 Положение о конкурсе "Моя страна - моя Россия". Моя страна. Хоам хьаийца таьрахь: 16.06.2025.
  4. ↑ 1 2 3 Путин: проекты на конкурсе "Моя страна - моя Россия" показали большой потенциал молодежи, TACC (08.06.2019). Техкад укх дийнахьа: 16.06.2025.
  5. ↑ Победителей конкурса «Моя страна — моя Россия» объявили на ПМЭФ, Взгляд (17.06.2023). Техкад укх дийнахьа: 16.06.2025.
  6. ↑ Моя страна – моя Россия. Telegram (29.05.2025). Хоам хьаийца таьрахь: 17.06.2025.
  7. ↑ 1 2 3 «Моя страна - моя Россия» - Команда проекта. moyastrana.ru. Хоам хьаийца таьрахь: 17.06.2025.
Хьаст — «https://inh.ruwiki.ru/w/index.php?title=Са_мохк_—_са_Эрсече&oldid=126538504»